«Қыс қызығы» жобасы

Жоба түрі: танымдық-ақпараттық, шығармашылық, қысқа мерзімді.

Жобаға қатысушылар: «Балауса» ересектер тобының балалары

Өткізу уақыты: қысқа мерзімді;

Жоба типі: ақпараттық-танымдық, шығармашылық;

Ұйымдастыру түрі: топтық

Жобаға қатысушылар: тәрбиешілер, арнайы мамандар, балалар, музыка жетекшісі, ата-аналар.

Мақсаты: қыс мезгіліндегі тірі және өлі табиғаттағы құбылыстар жайлы түсініктерін тереңдету, Жаңа жыл мерекесі жайлы түсініктерін дамыту.

Міндеттері:

• Балалардың қыс мезгілі жайлы түсініктерін тереңдету және кеңейту;

• Тірі және өлі табиғаттағы қыс мезгіліндегі байланыс туралы түсініктерін қалыптастыру;

• Табиғатты аялауға, қорғауға тәрбиелеу;

• Өлі табиғат құбылыстарымен (қар, боран, аяз), қардың қасиеттерімен таныстыру;

• Балалардың байқағыштығы мен танымдық қабілеттерін дамыту;

• Жаңа жыл мерекесі дәстүрлерімен таныстыру;

• Ата-аналар мен балабақша арасындағы бірлескен әрекетті нығайту.

• Балалардың қысқы ойындар мен қыс қызықтары жайлы түсініктерін дамыту.

Мәселе: балалардың қыс жайлы түсініктері жеткіліксіз, құбылыстар арасында байланыс туғызуға тәжірибелері жеткіліксіз;

Күтілетін нәтиже: жоба барысында балалар қыс мезгілі мен өсімдіктер және жануарлар тіршілігі арасындағы байланысын ажырата алуы; балалардың диалогтік, монологтік сөйлеуі және байланыстыра сөйлеуінің дамуы, сөздік қорының молаюы; қысқы табиғат жайлы білімдері артуы. Қысқы ойындар мен қысқы қызықтар жайлы түсініктерінің кеңеюі. «Жаңа жыл» ертеңгілігін өткізу.

Жоба қызметінің өнімі: балалардың ата-аналарымен бірге салған қыс туралы суреттері, ата-аналар мен балалардың жасаған «Сиқырлы қыс» көрмесі; «Жыл мезгілдері», «Бұл қай кезде болады» деген дидактикалық ойындарды жаңарту; қыс мезгіліне байланысты тыныс алу жаттығуларына арналған атрибуттар дайындау.

Жобаны жүзеге асыру формалары:

• ҰОҚ;

• Көркем әдебиет туындыларымен танысу;

• Әңгімелесу;

• Бақылаулар;

• Ойын қызметі;

• Зерттеушілік қызмет;

• Мерекелік ертеңгілік.

Жобаны жүзеге асыру кезеңдері:

1. «Дайындық кезеңі»:

1.Әдістемелік материалдарды жинақтау.

2.Жобаны жүзеге асыруға арналған жабдықтар мен заттық-дамытушы ортаны дайындау.

3.Жоба тақырыбына байланысты көркем әдебиет шығармаларын іріктеу.

4.Балалардың қыс мезгілі жайлы жалпы түсініктері деңгейін анықтау.

4.Ертеңгілікке дайындалу.

2. Негізгі-жоспарлау кезеңі:

• ҰОҚ-де қыс тақырыбына байланысты тақырыптарды іріктеу:

Жаратылыстану: «Қыс мезгілі», «Қыс мезгіліндегі құбылыстар», «Аққала»

Жапсыру: «Әдемі шырша»

Сурет: «Қар жамылған бұтақ», «Аққала», «Біздің әсем шыршамыз».

Мүсіндеу: «Аққала»

Экология: «Қыс мезгілі»

Құрастыру: «Жаңа жылдық шамдар»,

Көркем әдебиет: «Қыс» Н. Аманжолова (өлең жаттау)

• Серуен кезіндегі бақылаулар:

«Қардың жаууын бақылау»; «Қардағы іздерге бақылау»; «Қысқы ауа райына бақылау», «Боранға бақылау», «Қыстайтын құстарды бақылау»

• Тәжірибе:

«Қар қандай?», «Мұз қандай?», «Қолды қалай жылытамыз?»

• Қауіпсіздік:

«Қысқы киімдер», «Қыс мезгілінде не істеуге болмайды?»

• Әңгімелесу; қыс тақырыбында жұмбақтар шешу.

• Қимылды ойындар:

«Қатырмақ», «Ағайынды аяздар», «Қарды домалат», «Аққоян», «Жыл құстары мен қыстайтын құстар», «Қолбақты бер», «Қарды дәлдеп лақтыр».

• Дидактикалық ойындар:

«Бұл қай кезде болады?», «Қысқы ойын түрлері», «Қысқы заттарды санайық», «Бірдей заттарды тап», «Жақсы-жаман», «Қыстайтын құстарды тап», «Аяз атаға көмектес», «Айырмашылығын тап».

• Мазмұнды-рольді ойындар:

«Жаңа жыл мерекесінде»

• Топтағы мамандармен бірлесе отырып, жоспар құру, ата-аналарға таныстыру;

• Ата-аналармен жұмыс:

Жылжымалы папка, кеңестер: «Қыс келді», «Қысқы қауіпсіздік»;

«Сиқырлы қыс» көрмесіне не дайындауға болады?

Жаңа жыл ертеңгілігіне костюмдер дайындау;

Балаларға тақпақтар жаттату;

• Мультфильмдер тамашалау:

Жоба арқылы балалар қыс мезгіліндегі маусымдық өзгерістер (күн қысқару, түн ұзару, аяз, қар жауу, өзендер мен су қоймаларына мұз қату, қарлы жер, жапырақсыз ағаштар мен бұталар, қалалар мен елді мекендер көшелерін қардан тазалау, жабайы аңдар мен қыстап қалған құстарды көректендіру) туралы білімдері кеңейтіледі. Балалардың қоршаған ортадағы заттар мен құбылыстарға қызығушылығы артады: сумен, қармен, мұзбен әртүрлі тәжірибелер өткізіледі.

Жоба қызметінің өнімі:

• балалардың еркін және берілген тақырып бойынша қыс туралы суреттері,

• қыс туралы өлең жаттау;

• ата-аналар мен балалардың жасаған «Сиқырлы қыс» көрмесі;

• «Жыл мезгілдері», «Бұл қай кезде болады» деген дидактикалық ойындарды жаңарту;

• «Жаңа жыл» ертеңгілігі.

• топта пәндік-дамыту ортасы байытылды;

• ата-аналар топ пен балабақша өміріне белсене қатысты.