Қыс қызықтары

«Бекітемін»

Шағын орталық әдіскері: Ж.Домбаева

Қыс қызықтары

Ашық ұйымдастырылған оқу қызметі

Тәрбиеші: Бердақ Дәмелі

«Еркетай» шағын орталығы

2018-2019 оқу жылы

Білім беру саласы: Коммуникация

Ұйымдастырылған оқу қызметі: Сөйлеуді дамыту

Ұйымдастырылған оқу қызметінің тақырыбы: «Қыс қызығы»

Мақсаты: Балалардың суретке қарай отыра қыс қызығы туралы түсініктерін тереңдету. Сөз ұйқасын табуға ынталандыру. Фонематикалық есту қабілетін дамыту, сөз ұйқасын табуға ынталандыру.

Қажетті көрнекіліктер мен құрал-жабдықтар: қыс суреттері, аққала, қағаз, қарлар, ойын суреттері

Сөздік жұмыс: сырғанақ,

Қостілдік компонент: қыс-зима, қысқы ойындар-зимние игры

Әдіс-тәсілдер:  сұрақ-жауап, әңгімелеу, жұмбақ шешу, тапсырмалар орындау, тақпақ айту, ойын ойнау.

Пәнаралық қатынас: сурет

Технологиялар: ойын технологиясы

Мотивациялық-қозғаушылық

Шеңбер болып тұрайық,

Алақанды ашайық,

Таза ауаны жұтайық,

Жүрекке жылу сыйлайық.

Жиналған жылу шуақты,

Қонақтарға шашайық.

Сұрақ-жауап

-Қазір жылдың қай мезгілі?

(Қыс мезгілі)

-Қыс мезгілінде ауа райы қандай болады?

(Күн суық болады, қар жауады, жел соғады, мұз болады)

 -Қыс мезгілінде неше ай бар?

(Үш ай бар: желтоқсан, қаңтар, ақпан.)

Кім қыс туралы тақпақ айтып береді?

Саят: Біздің байтақ далада,

Асқар тауда ауылда.

Биыл ғажап іс болды,

Таңғажайып қыс болды.

Кәусар: Біз тебеміз сырғанақ,

Таудан төмен сырғанап.

Бір шанада екеуміз,

Құламайды екенбіз.

Абай: Қыстың күні көңілді,

Көп қызықты көреміз.

Шығып алып далаға,

Сырғанақты тебеміз.

1 тапсырма: «Бәрін бөл»

-Балалар қолдарымызға дүрбі алып мына суретке қараймыз.

-Не көріп тұрсыңдар?

(Бала, шана, шаңғы, аққала, коньки, қыз бала.)

2 тапсырма: «Бәрін қос»

-Балалар мына балалар мен заттар немен дос бола алады.

(Қар – аққала,Қыз бала –шаңғы,Ұл бала –шана)

3 тапсырма: «Салыстыру»Венн диаграммасы арқылы қармен мұзды салыстырамыз.

4 тапсырма «Ойлан да ойла»Дид./ойын: «Ия және жоқ»

-Қыста қар жауады.

-Қыста балалар суда шомылады.

-Қыста жылы киімдер киеді.

-Қыста велосипед тебеді.

-Қыста шөп өседі.

-Қыста боран соғады.

-Қыста жапырақтар сарғаяды.

-Қыста сырғанақтан сырғанаймыз.

Сергіту сәті:

Шынығамыз бәріміз,

Иіліп, бүгіліп денеміз.

Хоккейді де ойнаймыз,

Шаңғыны да тебеміз.

Әрлі-берлі жол салып,

Қар лақтырып, ойнаймыз,

Қорықпаймыз аяздан,

Спортшы болмай қоймаймыз.

-Жарайсыңдар, балалар. Енді тыныс алу жаттығуларын жасаймыз.Балалар қар ұшқындарын ұшырамыз.Демімізді ішке тартып үф – үф – үф дейміз.

Екі орталыққа бөліну:

- І-орталық – бөлшектерден шырша құрастырады.

- ІІ-орталық – бөлшектерден аққала құрастырады.

Рефлексиялық-Түзетушілік

-Балалар бүгін біз не үйрендік?

-Өте жақсы, балалар, қыс мезгілінде ойналатын қызықты ойындар туралы білдік . Қыс мезгілініңқызықтарын үйрендік. Бүгінгі күніміз сәтті өтті.

Күтілетін нәтиже:

Жасайды: қыс мезгілінің ерекшеліктерін, қысқы ойын түрлерін біледі;

Түсінеді: қыс қызығы туралы түсініктері бар;

Қолданады: сурет бойынша әңгіме құрастырып айтуды, бөлшектерден аққаланы құрастыруды.