Білім беру саласы: Қатынас.

Бөлімі: Сөйлеуді дамыту.

Тақырыбы: Қыс қызықтары

Мақсаты: Дыбыстық талдау жасауды үйрету.

Міндеттері: 1. Қыс белгілері жайлы әңгімелесу.

2. Балалардың қыс мезгілі жайлы білімдерін дамыту.

3. Табиғатты қорғай білуге тәрбиелеу.

Қолданылатын көрнекі құрал: Қыс мезгілінің үлгі суреті, жұмыс дәптері, қызыл және көк түсті қималар.

Сөздік жұмыс: Ұлпа.

Блингвальды компонент: Қыс – зима, қар – снег, қар қандай? – какой снег? тастай суық

• холодный как камень.

ҰОҚ барысы:

1. Ұйымдастыру кезеңі

• Қазір жылдың қай мезгілі?

• Қыс мезгілінің ерекшеліктері қандай?

• Қардың түсі қандай?

• Қар қайтіп жауады?

• Қыс мезгілінде неше ай бар?

1. Негізгі кезен

• Бүгін аптаның нешінші күні?

–Жұма.

• Қыс мезгілі, тамаша мезгіл, қандай ойын ойнайсыңдар?

• Бәріміз асыға күтетін мерекеміз қандай мереке?

• Балалар, осы қыс мезгілінің қызықтарын айта отырып әңгіме құрайық.

Даладағы аппақ қар күмістей жарқ-жұрқ етеді. Қардың аппақ тазалығы сондай, бетіне ештең тастағың келмейді. Енді сендер осы қыс қызықтары туралы әңгіме құраңдар.

Балалардың әңгімелерін тыңдайды.

• Өте жақсы тағы да кім құрап береді.

• Қыс мезгілінде сендер қармен көп ойнайтындарың ды әңгімелеріңнен байқадым.

• Қар туралы «Қар қандай?» ертегісін оқып берейін.

«Қар қандай?»

Бірде құстар дауласады. Олар қардың, кәдімгі қардың қандай болатынын анықтайды. Ұшып жүріп сұрақ қояды:

• Қар қандай болушы еді?

• Алтындай жарқырап тұрады, – дейді Таң.

• Көгілдір түсті, – дейді мұнтаздай көгілдір Аспан.

• Тастай суық, – деп жауап береді Үйрек, тұмсығын қанатының астына тыға түсіп.

• Жып-жылы шығар, – деп жауап қатады Тауық.

• Жеп-жеңіл! Сондай жеңіл! – деп шу ете қалады Жел.

• Сондай ауыр! Кереметтей ауыр! – деп күрсінеді ағаш Бұтақтары.

• Күмістей, әрине! – деп күлімсірейді аспандағы сұлу да сымбатты Ай.

Жер-көкті шарлаған құстар алуан түрлі жауаптар естиді, бірақ олар әртүрлі болып шығады.

• Балалар қар қандай?– деген сұраққа әр қайсысы әртүрлі жауап берді, неге? Сөздік жұмыс:

Ұлпа – жұмсақ мағынасын айтып түсіндіреді. Сергіту сәті:

(Сергіту жаттығуларын

З.Шүкіровтің «Ақша қар» өлеңімен жасатуға болады.)

Айналамда ұшып жүр, Ақ мамық қар себелеп.

Қалт-құлт еткен бейне бір, Ақ қанатты көбелек.

• Балалар енді «қыс» сөзіне дыбыстық талдау жасату әріп қималарымен. Қ– дауыссыз дыбыс.

Ы – дауысты дыбыс. С– дауыссыз дыбыс.

• Дауысты дыбысты қандай түспен белгілейміз?

• Ал дауыссыз дыбысты ше? Дидактикалық ойын:

«Қай мезгілде ойнаймыз?»

Ойын шарты: Шаңғы, асық, шана, доп, хоккей, секіргіш жіп суреттеріне қарап, қай мезгілде ойнайтынын айту.

Дәптермен жұмыс:

Дәптердегі тапсырма орындалады.

3. Қорытынды бөлім. Рефлексия

• Балалар қандай тақырыпқа әңгіме құрадық?

Қандай ертегі тыңдадық?

Күтілетін нәтиже:

Жасайды: шығармашылық әңгіме құрайды, қыс мезгілінің ойындарын бөледі;

Түсінеді: ертегі мазмұнын түсінеді, қардың қандай болатынын ;

Қолданады: сөздерге дыбыстық талдау жасайды.