Қыз – елдің көркі, ердің намысы

Қыз баланы тәрбиелей отырып ұлттың болашағын тәрбиелейміз. Қыз анасының бойындағы асыл қасиеттерді өзіне алып, өзінің ұрпағының бойына сіңіреді. Өмір заңдылығы осы. Әлемді өзінің риясыз махаббатымен тәрбиелейтін ұланасыр күш.

Қыз ата-анасының ар-намысы, абыройы. Қашанда қыздың намысы бірінші кезекте. Қазақ халқы қыздың тәрбиесіне аса жауапкершілікпен қараған. Оның ақылды да білімді, инабатты да ибалы, мейірімді әрі жанашыр болып өсуіне зор мән берілген. Қыз ортаның гүлі, сәулесі деседе болады. Қыз бар жерде жаман сөздер мен жаман әрекеттер тиылып, орта нұрлана түседі. Бұл қызға деген құрмет әрі сый.

Қыз – сұлулық пен адалдықтың символы. Қыздың көркі- бұрымы, демекші, дана халқымыз бұрымды сұлулық пен мәдениеттілік белгісі ғана емес, әйелдер қауымына берілген айрықша сыйы деп ерекше қарап, құрметтеген. «Ақ үйден бір қыз шықты көзі күлген, шаштарын он күн тарап, бес күн өрген», –  деп жырға қосқан. Одан қалса, данагөй ата-бабаларымыз «шаштың киесі бар» - деп қыз-келіншектерді жалаңбас жүргізбеген және шашының бір талын да кез келген жерге тастамаған. Қазіргі кезде қыздар арасында "Бұрымды қыз" байқаулары жиі өткізіледі. Осы байқаулар арқылы қыздың салт- дәстүрге деген, қазақилыққа деген құрметін, көрсетеді. Сол арқылы қазақтың әшекей-бұйымдарын насихаттауға болады. Сондықтанда әр қыз баласы бұрымына аса мән берілгені дұрыс