Құдайбергенқыз Інжу 11класс оқушысы

Ақтөбе қаласы,Сазды орта мектебі

«Қызыл кітапқа» енген жануарларды қорғау адамзаттың парызы

Табиғат адамзаттың баға жетпес байлығы.Адам мен табиғат ажырамас қос ұғым десекте болады.Алайда, адам әрекеттерінің салдарынан көптеген жануарлар мен өсімдіктер жойылып кету қауіпінде тұр.Уақыттың көшімен бірге талай тіршілік иелері жойылып,кейбірі тек ктіап бетінде ғана қалды.Міне сондай сирек кездесетін жойылу қаупі төнген тіршілк иелері «қызыл кітапқа» енгізілуде.

Ащы болса да шындығы сол қызыл кітапқа енген жануарлардың санын көрсең жағаңды ұстайсың.Адамдарды тіптен қоршаған ортаның халі алаңдатып отырғаны шамалы.Табиғат ананың қазіргі жағдайы адамзаттың немқұрайлығы мен аяушылық сезімінің жоқтығының дәлелі.Мәселен бәріміз білетін қызғалдақ гүлінің саны күннен күнге азаюда.Көпшілікті осындай өзекті мәселе емес жекебас қызықтары алаңдатыны бәрімізге аян.Ересек адамдардың өзі гүлдерді жұлып,жануарларға озбырлық көрсетіп жүрсе келешек жастарға не үлгі көрсетеміз?!

«Табиғат-тіршілік көзі»-дегендей су болмаса -шөл,күн болмаса-қараңғылық,өсімдік болмаса тыныс жоқ.Бірақ та аңшылық,ормандарды кесу ,экожүйені бұзу секілді зиянды әрекеттерден қоршаған ортаның жағдайы нашарлау үстінде.Тіпті қарапайым қоқыстың кесірінен түрлі мәселелер орын алуда.Әлемде жыл сайын 2млрд тонна қоқыс шығарылады.Яғни бұл әлемдік мәселеге айналды.

Десек те ,көпке топырақ шашпаймын.Бес саусақтың бәрі бірдей емес демекші,осындай өзекті мәселелермен күресіп жатқан азаматтар да аз емес.Мысалға, «жасыл ел»жобасы арқылы көптеген адамдар табиғатты қорғау шарасына ат салысуда.Бұл жоба отанымызды ,қоршаған ортаны көркейтуге ,жасьардв еңбекке баулуға бағытталған.

Тоқсан ауыз сөздің тобықтай түйіні-«қызыл кітап»бұл тек ғылыми еңбек емес,бұл барлық тіршілік иесіне үндеу. «Өзіңді түземей өзгеден тәртіп күтпе»-дегендей табиғат жанашыры болып,оны қорғау әрбір адамзаттың парызы деп санаймын.Ал ең бастысы оны өзіңнен бастау.