Қызықты қазақ тілі - 2 сыныпқа арналған қазақ тілі пәнінен таңдау курсы бағдарламасы

Қызықты қазақ тілі - 2 сыныпқа арналған қазақ тілі пәнінен таңдау курсы бағдарламасы .

Самбулатова Гүлшат Шүкірқызы

Мемлекет басшысы Қасым-Жомарт Тоқаев «Қазақтың тілі – қазақтың жаны! Халқымыздың тарихы да, тағдыры да – тілінде. Мәдениеті мен әдебиеті де, ділі мен діні де – тілінде. В.Радлов айтқандай, қазақ тілі – ең таза әрі бай тілдің бірі. Тіл өткен тарихпен ғана емес, бүгін мен болашақты байланыстыратын құрал. Меніңше, тілдің тұғыры да, тағдыры да бесіктен, отбасынан басталады. Отбасында ана тілінде сөйлеп өскен бүлдіршіннің тілге деген ықыласы терең, құрметі биік болады», деп атап өтті ел басшысы.

2 сыныпқа арналған қазақ тілі пәнінен таңдау курсы бағдарламасы елбасы үндеуіне үн қосып,бастауыш сыныпта оқушылардың ауызекі сөйлеу тілдерін дамыту мақстында жазылды.

Таңдау курсы бағдарламасы Қазақстан Республикасы Үкіметінің 2012 жылғы 23 тамыздағы №1080 қаулысымен бекітілген Орта білім берудің (бастауыш, негізгі орта, жалпы орта білім беру) мемлекеттік жалпыға міндетті стандартына сәйкес әзірленді.

Бастауыш сыныпта қазақ тілі пәнінен таңдау курсының оқу мақсаты – қазақ тілін қосымша оқыту негізінде білім алушылардың ауызекі сөйлеу тілдерін жетілдіру, тіл нормаларын сақтап, мемлекеттік тілге деген оң көзқарасын қалыптастыру.

Бұл бағдарлама арқылы оқушылар қазақ тілі пәнінен меңгерген білім, білік, дағдыларын жетілдіре түседі. Бағдарламада сабақ сайын оқушылар жұмбақ шешіп, жаңылтпаш жаттау арқылы дүниетанымы кеңіп, дұрыс, байланыстырып сөйлеуге үйренеді.Оқу және жазу дағдылары қалыптастасқан, алғашқы тілдік мағлұматтарды, сөйлеу әрекетінің барлық түрлерін меңгерген, алған тілдік білімдерін өмір жағдайларында қолдана білетін жеке тұлғаның қалыптасуы мен дамуына мүмкіндік жасау.

Оқушыларға оқу материалын жан - жақты терең ұғындыру үшін түрлі әдістерді пайдалана білу қажет. Дұрыс қолданылған әдіс оқушылардың назарын аударумен қатар, қызығушылығын, ынтасын да арттырады. Сондай-ақ, тапсырмалар оқылым, жазылым, айтылым, тыңдалым дағдаларын негізге ала отырылып жазылған.

Жаңылтпаштар – оқушылардың тілінің дамуына маңызы өте зор. Бастауыш сыныпта жаңылтпашты қолдану арқылы болашақта баланың қиын сөздерді айтып үйренуіне машықтанады.

Оқушынының ойлау қабілетін дамытатын, танымын кеңейтетін тамаша үлгінің бірі - жұмбақ. Ол халықтың ойы, қиялынан туған ұшқыр да бейнелі шығарма. Қазақ халқында ерте заманнан қолданылып, қарым - қатынас жасаудың ерекше бір құралына айналған.

Осы негізде әрбір сабақта жұмбақты шешіп, жаңылтпашты жаттау - грамматикалық сауаттылықтары артады. Қазақ тілі пәніндегі қазақ тілінің дыбыстық, лексикалық жүйесі мен грамматикалық құрылымын меңгеру үдерісі қарастырылады.