"Рәміздер"

Әрбір адам бала кезінен: «Қазақстан – менің Отаным, ол мен үшін жауапты, мен де ол үшін жауаптымын» деген қарапайым ойды бала кезінен бойына сіңіріп өсуі қажет. Мемлекеттік рәміздердің ұлттық патриотизмді және жалпы Қазақстандық патриотизмді қалыптастырудағы орны ерекше екені даусыз. Мемлекеттік рәміздердің тәрбиелік мәні зор болғандықтан «Айгерим-Ай» балабақшасында мектеп алды даярлық топтарында «Туым – мақтанышым» атты мерекелік іс –шара өтті. Іс- шараның негізгі мақсаты: еліміздің отансүйгіш ұрпағын тәрбиелеу, мемлекеттік рәміздерді құрметтеуге баулу. Балалар әртүрлі ұжымдық, қозғалыс, дидактикалық ойындарды ойнай отырып, ту, тудың бейнесі, мағынасы, міндеті туралы ақпаратпен танысты. Жас ерекшеліктеріне сай «Рәміздер туралы» заңнамасынан қарапайым түсініктер алды.Біздің тәрбиеленушілеріміз мемлекеттік нышандарлы шын ниетпен қадірлейді және оны басқалардан талап етеді. «Айгерим-Ай» балабақшасының ұжымы өз ата-мекенін, Отанын, халқын, тілін, мемлекеттік рәміздерін, салт-дәстүрлерін сүйе білетін жас ұрпақты тәрбиелеу үшін бірігіп жұмыс істеуде.