Рәміздер

«Рәміздер – отаншылдық сезімнің бойтұмары»

Бойтұмарым секілді Рәміздер,

Біз қазақпыз әрдайым шуақ іздер,

Мақтанышпен айтамыз «ҚАЗАҒЫМ» деп,

Әнұран шырқалғанда мына біздер.

Отан сүйген ұрпақпыз жүрегімен,

Бабаларым қорғаған білегімен,

Балаларым бақытты күн кешсін деп,

Аналарым қолдаған тілегімен.

Ұлтымның ұлағатын ұлықтаймын,

Елім азат оңымнан туыпты ай-күн,

Отансүйгіш сезімнің бойтұмары

Рәміздері екенін ұмытпаймын!

Елтаңбамыз әрдайым жарқырасын,

Көңілім сонда мәңгі шарқ ұрасың

Көк байрағым тұрғанда көк аспанда

Қазағым басқалардан артыласың.

Рәміздер бойтұмар Алашыма,

Бейбіт күннің жетейік бағасына,

Дүниені сыйдырған құшағына,

Қазағымның не жетсін даласына?!

Тауды жығып кетердей екпініміз,

Біз қазақ түркілердің текті ұлымыз,

Таң күліп даламыздан ән шалқысын

Мәңгілік құламасын көк туымыз!!!