«Шынқожа батыр атындағы жалпы білім беретін орта мектеп» КММ Қалданова Жадыра Маратқызы 8 сынып оқушысыМұғалімі :Бидавлетова Гулмира Жумагалиевна Сынып жетекшісі:Кабдолданова Айнур ТурсынбековнаБайланыс телефоны : 87474358262 87751718682Электронды почта : Ainur_1976k@mail.ru
Әрбір таңы шуақты- Тәуелсіз елім«Тәуелсіздік –тарихтың мәңгіге берген еншісі емес, халықтардың мамыражай өмір сүруіне берілген кепілдік те емес: аңғал болмағанымыз абзал»Н.Ә.НазарбаевАрайлап атқан таңы бар ,асу бермес асқарлары бар ,сайын дала жазираны мекендеген мейірбан халқы бар ел-Қазақ елі .Даласы қараса көз жетпейтін кең, таулары айбат, халқы мейірлі ғажайып өлке. Қазақстан-Бүтін қазақ халқының ата мекені, кіндік қаны тамған киелі жері. Көз алдымызға жазық дала, кілемдей өрнектелген көк шалғын , айдын көлде қиқуланған аққу-қаз, үйіріле жусаған отар-отар қой, құлын тайы ойнақтаған үйір-үйір жылқы, жібектей толқыған ақ селеу, қоңыраулатқан бозторғай үні елестейді.Тәңірі жер қайысар мал беріп, асты-үсті байлыққа тұнып тұрған осындай байтақ өлкені бұйыртқан халқының , сірә, арманы жоқ болар?! Батысында Жайық ,шығысында Ертіс есілген ,Тарихын шертсе тұсауы тілдің шешілген.Жұрттың ыстық жүрегінен жұлдыз тұтанған,Отаным осы Қазақстан болып атанған!-деп ақын жырлағандай, Атыраудан Алтайға дейін созылған ұлан –ғайыр кең өлке тарихы шексіз, дәстүр шетсіз ата-жұрт. Әні мен күйі шалқыған,сыры мен жыры толқыған ғажайып сұлу сахара!Тәуелсіздік! Тәуелсіздік деген сөзі ойласам тарих беттері көз алдымнан өткендей болады. Ежелден-ақ ата-бабамыздың өз жерін жауға бастырмаған, ұлын құл, қызын күң еткізбеген, жауына қатал, досына адал, шыбын жанын шүберекке түйіп, садақ ұстар қол күшіне сеніп, найзаның ұшына үкі таққан, ешкімге соғыс ашпаған, тек өз жерін сыртқы жаудан қорғаумен қолына қару алып, ат құлағында ойнаған халық екені бәріне тарихтан мәлім.Бүгінгі Қазақстан-әлемдік аренадан өз орнын ойып алған, Азия мен Еуропаны мойындата білген өжет елдің мекені. Бір шаңырақ астында 130-дан астам ұлт өкілдерін тұрғызып, құшақ жая қарсы алып ,төрінен орын беретін қонақжай халық. Біз еліміздің жүрегі, тәуелсіздігіміздің тірегі-Мәңгілік елдің ірге тасын қаладық, мәдениетімізді асқақтаттық. Қазақстан халықтар ассамблеясы жай ғана емес, бірлігіміз бен тұрақтылығымыздың кепіліне айналды.Тәуелсіздік дегеніміз –дербес, егеменді деген мағыналы ұғым.Тәуелсіздік - қастерлі ұғым, оның мағынасын енді түсініп келемін. Бұл сөздің арғы жағында «еркіндік», «бостандық» деген ұғым тұр.16 желтоқсан-еліміздің ең басты, әрі құнды мерекесі. Мен бұл күнді, мерекені жүрегіммен сезінемін. Халқымыз тәуелсіздікке қайсар рухының арқасында жетті. Қазақстан-бейбітшілікті сүйетін ел. Елбасымыз Н.Ә.Назарбаев еліміздің тыныштығын, халықтың бүтіндігін, жеріміздің амандығын қорғап қалу үшін барлық жағдайды жасап келеді. Қазақстанның барлық баласы балабақшаға, мектепке барады. Қалаған жоғары оқу орнында білім алады. Мамандығы бойынша жұмыс істейді.1995 жылдың 30 тамызында бүкілхалықтық референдумда Қазақстанның Конститутциясы екінші рет қабылданды. Ата Заң бүгінгі күннің өміршең талабына толық жауап береді. Қазақстан Республикасы Конститутциясы 9 бөлім, 98 баптан тұрады. «Қазақстан-демократиялық, зайырлы, құқықтық, әлеуметтік мемлекет» деп көрсетілген. Төл теңгеміз бар. Тұңғыш Елтаңбамыз,Тұңғыш Туымыз,тұңғыш Әнұранымыз дәл осы тәуелсіздіктің алғашқы жылында дүниеге келген. Сонымен қатар өз Қарулы күштеріміз құрылған. Одан еліміздің төл ұшқыштары жетіліп шығып, кейін Талған Мұсабаев, Айдын Айымбетов ағаларымызды ғарышты бағындырды. Олар қазақтың атын әлемге әйгіледі. Биыл біздің елде айтулы халықаралық шара өтті. Ол -ЭКСПО-2017 халықаралық көрмесі. Мен сол көрмені көзіммен көріп, «Нұр Әлем» шарын аралап көрген куәгермін. Аулымыздан 30 оқушы барып, үш күнге созылған саяхаттау барысында ТМД көлеміндегі небір мықты елдерден алға озып шығуымыздың себебін түсіндім және мәңгілік есте қаларлық шараны көргеніме өте қуаныштымын. Бұл еліміздің беделін тіпті де биіктете түскен, бізге қалдырған мол тарих.Қазір менің елім әлемде өз орны бар мемлекетке айналды. Еліміз- тәуелсіз.Мен тәуелсіз елде тудым.Сондықтан,өзімді бақытты санаймын.Мен жаңа ғасырдың ұрпағы, егемен елдің ертеңімін. Жұдырықтай лүпілдеген жүрегім елім, жерім деп соғады. «Осыған дейін біз қандай ел болдық?» деген ой толғандырады мені. Оны мен ата-анамның айтқан әңгімелерінен, оқыған кітаптарымнан сынып жетекшім Айнур Турсынбековна өткізген «Тәуелсіздіктің ақ таңы» тақырыбындағы тәрбие сағатынан түсіндім. Кеңес Одағы атты алып ел 1991 жылы тарап, біз Тәуелсіздік алыппыз. Осы Тәуелсіздікке қол жеткізу үшін біздің ата-бабаларымыз, кешегі өткен даналарымыз,ақын –жазушыларымыз көп еңбек сіңіріп, ерлік жасап, тура жол көрсетіпті. Мемлекетіміздің жер аумағы дүние жүзінде 9-шы орында тұрады .Біздің елімізге осыншама кең жерді нәсіп еткенін түсінуге ұмтылсақ, ұшқан құстың қанаты талатын, ұлан-ғайыр жеріміз ата-бабамыздан бізге аманат. Менің ауылымның аты –Шынқожа. Біздің ауылда мектеп,спорт алаңы, балабақша, емхана, мәдениет үйі бар.Мектебіміз үш қабатты. Ауылдың ауасы таза. Ауыл адамдар мал ұстайды, малды кезекпен бағады. Ауылға су құбыры тартылған.Ұялы телефон да келді.Біздің ауыл қалаға ұқсап келеді.Мен ауылымды мақтан етемін. Себебі биыл аудан, ауыл арасындағы байқауда «Үздік ауыл» атағын иеленіп,бірінші орын алды. Тәуелсіздіктік ақ таңы халыққа бейбіт өмір сыйлауда. Қарыштап дамыған Қазақстан... Еркіндікті аңсаған ата –бабаларымыздың арманы орындалған кезде тудым. Енді, міне, еркін елде алаңсыз өсіп жатырмын! Мен бақытты ұрпақпын! Ата-анамыздың аяулы алқанында, Еліміздің жазық даласында еркін ойнап , жақсы білім ордасында, мейірімді әрі сауатты, білімді мұғалімдерден тәлім –тәрбие алып, ой-өрісімді тереңдетіп жатырмын. Сондықтан, «Сен де кірпіш дүниеге, кетігін тап та бар қалан»,-деп Абай атамыз айтқандай , кірпіш болып қаланып, ата-баба ерлігімен, рухынан нәр алып, елімнің одан әрі өркендеуіне үлес қосқым келеді! Ол үшін, әрине, біліммен қаруланып жақсы қасиеттерді бойыма сіңіріп өсуім керек.Мен бұні жақсы білемін. .. Тәуелсіздігіміздің баянды болуының арқасында бірлігіміз жарасып, жарқын болашаққа қарай қадам тастай берейік дегім келеді!Жасасын Қазақ елі! Тәуелсіздік!
21 Желтоқсан 2017
366
0 рет жүктелген
Дайын ҚМЖ. Барлық пәндерден 2022-2023 оқу жылына, жаңа бұйрыққа сай жасалған