25-қазан- Республика күні

Тақырыбы: «Қыран елім - Қазақстаным»

Мақсаты:

 Балаларды туған жерін, туған елін, халқын құрметтеуге үйрету. Бақытқа жетер даңғыл жолдың бірі- туған Отанды сүюден басталатындығын  түсіндіру.Отанға деген патриоттық сезімдерін ояту.

Бүлдіршіндер жүрегінде отанға деген сүйіспеншілік сезімін  ояту, мемлекетін құрметтей білуге тәрбиелеу.

Көрнекілігі: Ту, Елтаңба, ҚР картасының суреті, шарлар т.б

Балалар саппен қолдарына жалауша ұстап, музыкамен залға кіреді.

Тәрбиеші:

Қазақ поэзиясының хас шебері Қ. Аманжолов «Не деген бақытты едің, келер ұрпақ» деп жырлағандай, сендер тәуелсіз елдің азаматысыңдар, сендерді мемлекеттік мереке Республика күнімен шын жүректен құттықтаймыз.

Адам шыр етіп дүниеге келгенде, кіндік қаны тамған жерін – Отан дейді. Әрбір адамда Отанға, туған жерге деген ыстық сезім, үлкен махаббат болады. Алысқа жолаушылап кетіп, туған жеріне оралған сәтте тауы да, тасы да саған ыстық болып тұрады. Адамзаттың парызы — туған Отанын гүлдендіріп, сақтап, ұрпақтан ұрпаққа жеткізу.

І. Әнұран.

Әнұраным, жан ұраным

Айтар әнім, сөйлер сөзім

Туған жерім сағынарым

Мәңгі - бақи шырқалады

Республикам, Әнұраным

(ҚР гимні орындалады)

(Есік қағылады, елші кіреді)

Елші:

- Өзі бұл жер қай ел екен, жөн сұрап білейін?!

Тәрбиеші:

- Сәлеметсіз бе? Сіз кім боласыз? Қателеспесем, біздің елге басқа жақтан келгенсіз - ау деймін.

Елші:

- Мен ел аралап жүрген елшімін. Сыңғырлаған балалардың күлкісін естіп, қай елдің бақытты балалары екенін білейін деп келдім.

Тәрбиеші:

- Олай болса, қош келдіңіз! Қазір бізде 25 қазан Республика күніне арналған мерекелік іс-шара өткелі жатыр. Балалардан сұрап біліңіз.

Елші:

- Сәлеметсіңдер ме, балалар! Сендер өте көңілді, әрі бақытты көрінесіңдер. Сендердің Отандарың, қасиетті мекендерің қай Республика?

Балалар:

- Қазақстан Республикасы.

Елші:

- Президенті кім?

Балалар:

- Қасымжомарт Кемелұлы Тоқаев

Елші:

- Отандарыңның астанасы қай қала?

Балалар:

-Астана қаласы.

Елші:

- Елдеріңіз өзінің қандай қасиеттерімен айбатты? Рәміздеріңді білесіңдер ма?

Балалар:

- Әнұран, Ту, Елтаңба.

Елші:

Балалар, егер сендер Отандарыңды сүйетін болсаңдар, оның мемлекеттік тілін де жақсы білуге тиіссіңдер ғой. Республикаларыңда мемлекеттік тіл қай тіл?

Балалар: Қазақ тілі

Елші:- Өте жақсы. Осы елдің бақытты ұл - қыздары екендеріңді, Отанға деген сүйіспеншіліктеріңді қалай дәлелдейсіңдер?

Тәрбиеші: Балалар өлең жолдарын айтып береді

Қуаныш: Республикаыш: күні бұл,

Мерекеміз мерейлі.

Тақпақ айтып жатаймыз,

Хантөре: Республика күнінде,

Ән айтамыз, билейміз.

Қайғы жұтып, алаңдап,

Мұңаюды білмейміз.

Айша: Балалармыз бақытты,

Мерекені тойлайтын.

Республика күнінде,

Бар жақсыны ойлайтын.

Айым: Республика күні бұл,

Шаттығымды көбейтер.

Қазағымның үні бұл,

Тынысымды кеңейтер.

Данияр: Құтты болсын, Қазағым,

Республика күні бұл.

Мерейлі де тәуелсіз,

Қазағымның үні бұл.

Мадияр: Республикам ғажабым,

Артсын даңқың, ажарың.

Қазақ елі жанданып,

Таусылмасын базарың!

Зайнаб: Республика күні бұл,

Құтты болсын гүл елім.

Көңілімнің нұрысың,

Сен деп соғад жүрегім.

Мырзаболат: Көңілге нұр сыйлайтын,

Республикам сен менің.

Өзің барда биіктеп,

Көтерілер еңсем мың!

Батырхан: Республикам сен барда,

Түспес менің көңілім.

Тәуелсіз ел айбыным,

Шуақ берер өмірім.

Елші:

-Сүйкімді балақайлар бүгін мен қойған сұрақтарға дұрыс жауап бергендеріңе көп-көп рахмет!

Тәрбиеші:-Елші сіз бізге қонаққа келгеніңізге көп-көп рахмет!

Кәнекей балалар елшіге рахмет айтайық.

Әліде біздің құрметті қонағымыз болып, төрімізге шығып балалардың өнерін тамашалаңыз!

(Елші төрге шығып орындыққа жайғасады)

Музыкалық номерлер:

Енді ортаны баршаңызға ашайық,

Көрерменге жырдан шашу шашайық.

Ән мен күйді,жырмен биді шалқытып,

Өнерменен інжу-маржан шашайық!

Ән: «Отан туған еліміз» А.З. Еспенбетова

Орындайтындар: Айару, Нұрсезім

Тәрбиеші:

Сән-салтанат жасайық,

Күй сандықты ашайық,

Бұл мереке,бұл тойға,

Бимен шашу шашайық

Би: Ұлдар биі

Қазақ жері – кең байтақ, ұлан – ғайыр  дала. Оның  табиғаты алуан түрлі, жері бай. Мұнда  жазық  дала да, көл  де, шөл  де, аймақ  та бар. Әлемге  әйгілі  тарихи  ескерткіштер, табиғаты  көркем  қорықтар, көптеп кездеседі. Ал келесі  орындалатын  әсем  әуен де  осы  жайында болмақ. Қабыл алыңыздар!

Оркестр:

Өлең жолдарын кезек берсек:
Зере: Жақсы көріп, сүйетін,

Республикам жаным бұл.

Шуақ берер шырайлы,

Сәтті атар таңым бұл.

Султан: Республикам киелім,

Соғып тұрар жүрегім.

Республикам жасай бер,

Мықты болып тірегің.

Дидар: Республикам өзіңсің,

Сыйлар бізге гүл бағын.

Бір өзіңе арналар,

Таусылмайды жырларым.

Бекмагамбет: Республикам әнімсің,

Жүрегімде тербелер.

Ел жоқ шығар өзіңе,

Республикам тең келер.

Жарас: Республика күні бұл,

Құтты болсын қазағым.

Елім менің тәуелсіз,

Таусылмасын базарың.

Алижан: Азаттығы жанданған,

Жасай берсін еліміз.

Республика күнінде,

Гүлдей берсін жеріміз.

Алина: Жадыратып жанды бұл,

Нұр сыйласын арай, күн.

Құтты болсын бүгінгі,

Республика күні бұл.

Нұрислам:

«Үш бақытым». М. Мақатаев

Ең бірінші бақытым – Халқым менің,

Соған берем ойымнның алтын кенін.

Ол бар болса, мен бармын, қор болмаймын,

Қымбатырақ алтыннан нарқым менің.

Ал екінші бақытым – Тілім менің,

Тас жүректі тіліммен тілімдедім.

Кей-кейде дүниеден түңілсем де,

Қасиетті тілімнен түңілмедім.

Айару:

Т. Молдағалиев. «Туған жерге»

Күнім сенсің, тас төбемде тұрса түн,

Анам сенсің, жолдан тайсам ұрсатын.

Саған қарай ұшып келем туған жер,

Көктем жаққа құстар солай ұшатын.

Ернар:

Қасым Аманжолов. «Туған жер»

Шықшы тауға, қарашы кең далаға,

Мәз боласың ұқсайсың жас балаға.

Ол шеті мен бұл шетіне жүгірсең,

Шаршайсың ба, құмарың бір қана ма?

Уа ,дариға, алтын бесік – туған жер,

Қадіріңді келсем білмей кеше гөр.

Жата алмас ем топырағыңда тебіренбей,

Ақын болмай, тасың болсам мен егер.

Әмина:

М. Мақатаев «Отан»

Мен оның түнін сүйем, күнін сүйем,

Ағынды өзен, асқар тау, гүлін сүйем

Мен оның қасиетті тілін сүйем,

Мен оның құдіретті үнін сүйем.

Бар жәндігін сүйемін қыбырлаған,

Бәрі маған «Отан» деп сыбырлаған.

Жаным менің,

Кеудемді жарып шық та,

Бозторғайы бол оның шырылдаған!

Көрініс: «Мерекеге дайындық»

Ата жұмсақ креслода отырады. Әже орындықта тігін тігіп отырады. Немересі бөлмеге қуанып келеді:

Қызы: - Ата, әже балабақшада Республика күні тойланғалы жатыр. Үлкен ертеңгілік болады.

Атасы: - Қандай тамаша! Республика күні тойланғалы жатыр ма? Бұл ұлы мереке ғой

Әжесі: - Керемет, қызым, мерекені жақсылап тойлаңдар. Көргендерің той болсын.

Қызы: Әже, маған сіздің көмегіңіз керек. Сол мерекеде мен «Күн» болып билеймін.

Әжесі: Жарайды, сенің мерекеге арнап ерекше көйлек тігіп берейін

Қызы: Ооо, алақай, әже! Мен сізге көмектесемін.

Әжесі: Қызым, күннің түсі қандай болады?

Қызы: Сары түс болады, әже.

Әжесі: Дұрыс айтасың қызым, сары түстен ерекше сәнді көйлек тігейік.

(фоновая музыка)

Әжесі: Ал, қызым сенің көйлегің дайын, келші кигізіп көрейін (көйлекті кигізеді)

(Қыз көйлекті киіп, музыка ырғағымен айналып жүреді)

Қызы: Рақмет, әже!

Әжесі: Атасы, Республика күніне арнап немереңе батаңды бер

Атасы: Ал балаларым, қолдарыңды жайыңдар! Аспанымыз ашық болсын! Еліміз аман болсын! Немерелерім, болашақтарың жарқын болсын! Білімді болыңдар!!! Әумин

(Әже, ата және немересі қол ұстасып, бас иеді де сахнадан шығып кетеді)

Ойын: «Суретті текшелерді құрастыр»

Мақсаты: текшүелердегі суреттерді дұрыс құрастыру.

Тәрбиеші:Сары арқаның сары даласын, ұлан ғайыр кең даламызды ата бабаларымыз ат тұяғын дүбірлетіп қорғап бізге мұраға қалдырған. Олай болса тәуелсіз елінде, бабасының жерінде мың бұралып билейтін

«Қыздар биі» биін қарсы алыңыздар!

Би: Қыздар биі

Қазақстан-республикам  мақтанышым

Мен сені жырламаймын, мақтан үшін.

Құдайым маған құйттай жүрек берген,

Лүпілдеп сені сүйіп, сақтау үшін.

Ән: «Отан-Ана»

Орындайтын: Назымбек Аяла

Тәрбиеші:Кең байтақ туған елім Қазақстан, Мен сені әрқашанда мақтан тұтам

Алтын дән, мыс, мырышы, мұнайымен,

Баршаны байлығымен таңқалдырған.

Төбеңде көк байрақты желбіретіп,

Жасашы, жасай берші Қазақстан!

Хор: «Балдырғандар әні»

Тәрбиеші:Құрметті әріптестер, балалар,еліміз бірлікте, ұрпағымыз өрлікте болсын, әрқашан төбемізден күлімдеген күн сөнбесін, аспанды бұлт шалмай, бақытты балалық шақтың бағында тәтті де, тату өмір сүрейік -деп бүгінгі Республика күні мерекесіне арналған шағын мерекелік бағдарламамызды аяқтаймыз! Келесі кездескенше сау-сәламатта болыңыздар!

Жалаушаны бұлғап «Республика күні құтты болсын!!!» ұранын айту.

Фото сессия.

МКҚК «Қошақан» бөбекжайы

«Қыран елім - Қазақстаным»

25-қазан Республика күніне арналған «Айгөлек» ересек тобының ертеңгілігі

Тәрбиешілер: Донбаева Э.Б.

Каратаева А.Н.

2024-2025 оқу жылы