«[Р],[Л] дыбыстарын буында,сөзде және сөйлемде бекіту».

Сабақ жоспары

Пәні: Логопедия

Пән мұғалімі:

Сабақтың тақырыбы: «[Р],[Л] дыбыстарын   буында,сөзде  және сөйлемде  бекіту».

Сабақтың мақсаты:

• Артикуляциялық  жаттығуларды  және  ұсақ моторикажаттығуларын   дамыту.[Р],[Л] дыбыстарын  буында, сөзде,сөйлемде  дұрыс, анық  айтуға  үйрету, фонетикалық  есту қабілетін  жетілдіру.  Сабақта  АКТ-ны тиімді қолдану.

• Оқушыны  достыққа, татулыққа  тәрбиелеу.

Сабақтың барысы:

І. Ұйымдастыру кезеңі

1. Кіріспе

Сәлемдесу тренингі /Жылулық шеңбері/

2. Өткенді қайталау

Үй жұмысын тексеру

ІІ. Емдік уқалау

Бет бұлшық еттерін босаңсытып, ауыз қуысына арналған емдік уқалауды жасап, тілдің қимыл-қозғалысын жақсарту.

ІІІ. Тыныспен жұмыс

«Түтікше», «күрекше», (шар үрлеу, сыбызғы ойыншықтарын үрлеу)

Мұрынмен терең дем алып, ауыздан дем шығару.

Ауызбен терең дем алып, мұрыннан дем шығару.

ІV. Артикуляциялық жаттығулар (тапсырманың бағалануы)

Айна алдында мимикалық, ерінге, тілге арналған жатығулар жасау. «Барабан», «ат шауып келеді», «тіс тазалау», «футбол», «тәтті тосап», «грибок-гормошка», «заборчик-трубочка», «алтыбақан», «жылан», «блинчики», «тарақ», «шар», «тостағанша», «сылақшы», «маса», «сағат тілі».

V. [Р],[Л] дыбыстарын   буында,сөзде  және сөйлемде  бекіту.

1. Қай  дыбыстан  басталған?

Раушан, Рахат, Рамазан - «Р»

Ләйлек, лақ, лимон - «Л»

2. «Қосып оқы,тез оқы» . (Берілген буындарды қосып,тез оқуға үйрету).

Ба-ла, ла-шын, ра-ке-та, ла-уа-зым, ра-ди-о, лағ-ман, ро-та, ла-ма, Рус-лан.

3. «Тез ойла, сөз ойла». (сөздер  ойлап  айту)

Лақ, лас, рас, радио, Ринат, роза, раушан, лауазым, лак, лай, лимон, лашын, ру, рахмет, республика.

4. Сөйлемді  соңымнан дұрыс қайтала.

Рамазан  мен  Рахат  ажырамас достар.

Рауан мен  Руслан  бір үйдің  балалары.

Райхан  радио   тыңдап  отыр.

Түлкі тышқан аулайды.

Бақта бұлбұл  сайрайды.

Ауыл ішінде дауыл басталды.

VІ. Сергіту сәті.

Орнымыздан тұрайық.

Қолды белге қояйық.

Бір отырып,бір тұрып,

Сәл тынығып алайық.

VІІ. Логоритмикалық жаттығу

«Қоян»

Қоян, қоян тұршы,

Беті-қолыңды жушы,

Айнаға қарашы,

Шашыңды тарашы!

VІІІ. Қорытынды

Бүгінгі сабағымызда  қай дыбыстар туралы әңгімелестік?

[Р],[Л]  дыбыстарынан  басталатын сөздерді аташы.

Сабақ саған ұнады ма?

Үйге тапсырма: айна алдында артикуляциялық жаттығуын жасау, [Р],[Л] дыбыстарын   буында,сөзде  және сөйлемде  бекіту.