Рухани жаңғыру – ел болашағы.

Дөңгілағаш негізгі мектебінің ұстаздары қаңтардың 11 жұлдызында дөңгелек үстел ұйымдастыра отырып, елбасымыздың 2018 жылғы 10 қаңтар күнгі жолдауын талқылады. Басты назарда болған мәселелер өте көп болды. Бірақ соның ішінде, білім саласына қатысты ой-пікірлерді талқыға салдық. Елбасымыз өз жолдауында айтқандай жаңартылған білім бағдарламасы аясында арнайы курс өткен ұстаздарға, олардың еңбек өтілі, санатына байланысты жалақыларын жоғарлату, жоспарлағаны біздің мектептің ұстаздарын бір қуантып тастады. Осы қаулы барлық ұстаздарды өз білімдерін жоғарлатуға, жаңа әдіс-тәсілдерді игеріп, оқушыларға сапалы білім беруге әсер ететіні сөзсіз. Осы тұрғыда, оқу бағдарламасын арнайы оқып, курстарға барып, өз білімін жетілдіріп келген, ұстаздарымыз да баршылық. Атай кететін болсақ, бастауыш сынып мұғалімі, тәжірибесі мол ұстаз Жакупова С.Т, тәрбие ісінің меңгерушісі Калиева Г.Т, математика пәнінің мұғалімі Каирбекова Қ.Б, оқу ісінің меңгерушісі Жахина А.Б. Осындай білікті ұстаздардың арқасында біз жаңартылған білім бағдарламасы бойынша көптеген тың ақпараттар алдық. Алдағы уақытта да, арнайы курсқа жас мамандарды жіберу жоспарымызда бар. Орта білім саласында жаңартылған мазмұнға көшу басталды. Жаңартылған білім бағдарламасы негізінде біздің 1,2,5,7 сыныптар аралығында оқушылар білім алып жатыр. Елбасымыз ұсынған «Рухани жаңғыру» бағдарламасының да мәні зор. Осыған байланысты біздің мектебімізде «Мәңгілік ел», «Рухани жаңғыру» бағдарламалары аясында көптеген жұмыстар атқарылуда. Әр сынып жетекшісінде «Рухани жаңғыру», «Мәңгілік ел» тақырыптарында сынып папкасы, буклет жасалған. Мектебімізде «Рухани жаңғыру», «Мәңгілік ел» атты стенді ілулі тұр. «Мәңгілік ел» жобасы бойынша тәрбие сағаты, сынып сағаты және т.б іс- шаралар жүргізіліп тұрады.

Дайындаған:

Дөңгілағаш негізгі мектебінің

қазақ тілі мен әдебиеті пәнінің мұғалімі

Қуаныш М.Қ