С. Мұқанов «Саятшы Ораз» әңгімесі

Күні: Сыныбы:7сынып
Сабақтың тақырыбы: С. Мұқанов «Саятшы Ораз» әңгімесі
Сабақтың мақсаты:
1. Білімділік. Әр түрлі тәсілдер арқылы шығарманың негізгі мағынасын меңгерту, талдау жасату арқылы алған білімдерін тексеру, танымдық қызығушылығын ояту.
2. Дамытушылық. Дүниетанымын, сөз саптауын, қабылдауын дамыту..
3. Тәрбиелік. Табиғатты аялай білуге, ынтымақ пен бірлікке, адамгершілікке тәрбиелеу.
Сабақтың типі: жаңа сабақ
Сабақтың түрі: жаңа білімді меңгерту
Әдіс - тәсілі: түсіндіру, СТО әдісі, проблемалық ізденіс, талдау, топпен жұмыс
Көрнекілігі: кесте, слайд
Сабақтың барысы.
1. Ұйымдастыру.
Оқушылармен амандасып, түгендеу.
2. Үй тапсырмасын тексеру.
«Есіл бойында» әңгімесін мазмұндау
3. Өткен тақырыпты пысықтау.
«Сөздер сөйлейді» ойыны
1. «Ақырын жүріп, анық бас»- Повесть дегеніміз не?
2. «Сенбе жұртқа тұрса да қанша мақтап»- Есіл бойында әңгімесінің тақырыбы?
3. «Сөйлеші тілім жосылып»- М. Мақатаевтың өлеңін жатқа айт.
4. «Жүрегімнің түбіне терең бойла»- Мырзатай қандай әннің тарихын баяндайды?
5. «Талаптыға нұр жауар»- С. Мұқанов шығаршылығын қандай салаларға бөлеміз?
4. Сабақтың мақсатын қою.
5. Жаңа сабақ. Қызығушылықты ояту.

Аңшылық тәсілдері: қақпан құру, інді қазып алу, құс салу, итпен алу

Сөздік жұмысы.
Саятшы - құсбегі, құс баптаушы.
Сауға беру - ақысыз олжа үлестіру.
Қаршыға - өте алғыр құс
Шілік - өсімдік.
Ителгі - жыртқыш құс

Топтық жұмыс.
1 - топ
1 - тапсырма
Әңгімеге жоспар құру
1. Жаңа қоныс.
2. Саятшы Ораз.
3. Ораздың мергендігі.
4. Ораздың құс баптау шеберлігі.
5. Оразға үйір болған балалар.
6. Ораздың адамгершілігі.
7. Аңшылық туралы әңгімелер.

2 - топ.
Композициялық құрылысына талдау
Басталуы - Мұқан үйінің Сүлейменнің ауылына көшіп келуі.
Дамуы. Ораз үйімен қатар қоныс те буі.
Шиеленісуі.- Мұқанның сырқаттануы.
Шарықтау шегі - Арқа сүйеген Сүлейменнің сараңдық танытуы
Шешімі - Ораздың адамгершілік танытуы

2 - тапсырма. Мәтінмен жұмыс.
Мәтіннен көркемдегіш құралдарды табады.

3 - тапсырма.
Сәйкестендір.
Сүлеймен – Сәбиттің...,....,... адам. (Сәбиттің ағасы, жездесі, кедей, бай, орта дәулетті қолы ашық, сараң).

4 - тапсырма.
Оразға образдық талдау жасау.
Концептуалды кесте
Кейіпкер: Ораз
Өмірге қызығушылығы: өте жоғары, кедейшілікке мойымай, аң аулап күн көрді, елге көмектесті, әрдайым жайдары жүрді.
Адамгершілік қасиеті: Мол олжасын елге сауғаға берді, мейірімді, қайырымы мол адам.
Кейіпкерге берілетін баға: өте жақсы

6. Білімді бекіту.
1. Әңгіме кімнің атынан баяндалады?
2. Әңгіме не жайында айтылады?
3. Ораздың баптайтын құстары?
4. Аңшылыққа қатысты қандай ырым - тыйымдарды білеміз?
7. Үй тапсырмасы.
Әңгімені мазмұндау.
7. Бағалау.