Сабақ жоспары "Диктант" 9 сынып

Сабақтың

тақырыбы

Диктант Сыныбы: 9

Мерзімі

Мақсаты

Теориялық білімдерін қолдана біледі.Оқушылардың алған білімдерін тексеру.

Күтілетін

нәтижелер

Сауатты әрі көркем жаза алады.Грамматикалық талдау жасай алады.

Табыс

критерийлері

Сауаттылығы артады.

Дереккөздер

Нұсқаулық,ОүБ әдістемелігі,слайдтар

Әдіс-тәсілі

сұрақ-жауап

Материалдар мен жабдықтар

Диктанттар жинағы

Сабақтың өту барысы

Мұғалімнің іс-әрекеті

Оқушының іс-әрекеті

Ұйымдастыру кезеңі.

Жаңа сабақ

Түсіндірме диктант

Қазақ отбасындағы дәстүрлік тәрбие

Адамгершілік – адамның рухани арқауы. Ал моральдік жағынан кіршіксіз таза болу дегеніміз – адамгершіліктің асқар шыңы. Адам баласы қоғамда өзінің жақсы адамгершілік қасиеттерімен ардақталады. Адамгершілік негізі – имандылық пен ізеттілікте. Ол әрбір отбасынан басталады. Осыны жадында тұтқан қазақ халқы жастарды кішіпейілділікке, ізеттілікке, инабаттылыққа тәрбиелеуді бірінші міндет деп санаған. Ер балаларға үлкендерге қос қолдап сәлем беруді, қыз балаларға ибалық жасап жол беруді, жасы үлкендердің алдын кесіп өтпеуді уағыздаған. Жастардың жанына сыпайылық, кішіпейілділік қағидаларын үнемі сіңіруменболған.  Жастарды саналы тәртіпке тәрбиелеу мәселесі ерекше маңызға ие. Халық «Ұяда не көрсе, ұшқанда соны ілер» дейді . Жас шыбық иілгіш болса, жас адам да сондай жақсыға да, жаманға да бейім болатыны баршамызға аян. Ата-ананың үйдегі іс-әрекеті балалардың көз алдында өтеді. Сондықтан жақсы мен жаман әдетіміздің бала тәрбиесіне ықпалы зор.

(120 сөз)

Диктантты тыңдайды,сауатты әрі көркем жазуға үйренеді.

Бағалау критерийлерімен таныс болады.

А критерийі Жаңа ақпаратты түсіну және меңгеру.

В критерийі Жаңа ақпаратты көркем әрі сауатты жазу және мәтінмен жұмыс.

С критерийі Стиль және тілді қолдану.

Үйге тапсырма

«Қазақстан-менің Отаным»

Тақырыбында шығарма жазып келу

Патриоттық тәрбие қалыптастырады