Сабақ жоспары: Ел спортшылары Етістік 6-сынып

Пән: қазақ тілі

Ұзақ мерзімді жоспар

бөлімі: Спорт. Белгілі

спорт жұлдыздары

Мектеп: Ақсуат МББК КММ

Күні: 05.02.2025

Мұғалімнің аты-жөні: Ильясова Х

6-сынып Т1

Қатысқан оқушылар саны:

Қатыспағандар:

Сабақтың тақырыбы

№11-сабақ. Ел спортшылары. Етістік

Осы сабақта қол жеткізілетін оқу мақсаттары (оқу бағдарламасына сілтеме)

Т/А2. Әлеуметтік – мәдени, ресми-іскери тақырыптарға байланысты диалог, монологтердегі (нұсқаулық, өмірбаян) көтерілген мәселені талдау;

ӘТН4. Етістіктің етіс түрлері мен салт, сабақты етістіктердің тіркесімдік мүмкіндігін ауызша және жазбаша тілдесім барысында қолдану.

Бағалау критерийі

Ресми-іскери тақырыптарға байланысты диалог (өмірбаян) көтерілген мәселені талдайды;

Етістіктің құрамына қарай түрлерін ажыратады.

Етістіктердің тіркесімдік мүмкіндігін ауызша және жазбаша тілдесім барысында қолданады.

Жоспар

Сабақтың жоспарланған кезеңдері

Жоспар бойынша орындалуы тиіс іс-әрекеттер

Дереккөз

Оқушыларды сабақтың мақсатымен, бағалау

критерийлерімен таныстыру

«Ой түрткі» әдісі

1-тапсырма

Суреттегі спортшылар туралы білетін

ақпараттарыңмен бөлісіңіздер?

Өзіңді тексер

Дескриптор

-Суреттегі спортшылар туралы деректерді біледі;

-Спорт түрлерін ажыратады.

Етістік дегеніміз не?

Етістік – заттың қимылын, іс-әрекеті мен қалып-күйін білдіретін сөз табы. Не істеді? Не қылды? қайтті? Не істеп жатыр? Не істейді? Не істемек? деген сұрақтарға жауап береді. Мысалы: «Білегі күшті бірді жығады, Білімі күшті мыңды жығады» деген мақалда жығады сөзі – етістік. Етістік құрамына қарай дара етістік және күрделі етістік болып бөлінеді. Дара етістік бір ғана сөзден тұрады: біл, түс, көр. Күрделі етістік екі не одан да көп сөзден құралып, бір мағынаны білдіреді: оқып отыр, бара жатыр.

2- тапсырма

Тыңдалым мәтіні

Серік Жұманғалиұлы Сәпиев 1983 жылы 16 қарашада Қарағанды облысында дүниеге келген. Болашақ әлем чемпионы бокспен 11 жасынан айналысып келеді. Е.Бөкетов атындағы Қарағанды мемлекеттік университетінің дене шынықтыру және спорт, экономика факультеттерін бітірген. Ол өзі туып-өскен Қарағандының  іргесіндегі Абай қаласында  Александр Стрельниковтың  тәрбиесін көрді. Боксшы 2005 және 2007 жылғы әлем чемпионы, 2012 жылғы олимпиада чемпионы, ҚР еңбек сіңірген спорт шебері, 2012 жылғы Вэл Баркер кубогының иегері.
Әлемнің екі дүркін чемпионы, Азияның екі дүркін чемпионы, Азия ойындарының жеңімпазы, бірқатар ірі турнирлер медальдары мен жүлделерінің иегері. Қазақстанның атақты боксшыларының бірі, 2008 жылғы Бейжің жазғы олимпиада ойындарына қатысушы. 2012 жылғы Лондон олимпиадасында жапондық Ясухиро Сузукиді, венесуэлалық Габриель Маэстр Перезді, ресейлік Андрей Замковойды, ал финалда жарыс қожайыны – британдық Фрэдди Эвансты жеңіп, 69 келіге дейінгі салмақта олимпиада чемпионы атанды.

2-тапсырма. «Оқы, ойлан, талқыла» әдісі бойынша

мәтін мазмұнындағы сұрақтарға жауап беріңіздер

Кім ? Қайда? Қашан? Не істеді?

Мәтінде көтерілген мәселелерді талқылау мақсатында диалог құрастырыңыздар

Өзіңді тексер

Диалог

-Болашақ әлем чемпионы неше жасынан бастап бокспен

айналысты?

-Ол кімнің тәрбиесін көрді?

Дескриптор

-Өмірбаян, диалогтегі көтерілген мәселені талқылайды;

-Мәтін мазмұнын түсініп, сұрақтарға жауап береді.

3-тапсырма

«Қос жазба күнделігі» әдісі бойынша берілген сөйлемдерден етістікті тауып, етістіктің құрамына қарай түрлерін ажыратыңыздар

Жақсылық Үшкемпіров 1951 жылы туған. 1980 ж. XXII Олимпиада ойындарында Мәскеуде жеңіске ие болды.

Өзіңді тексер

«Қос жазба күнделігі» әдісі

Дескриптор

-Сөйлемдерден етістікті табады;

-Етістіктің құрамына қарай түрлерін ажыратады.

Оқу тапсырмасы

https://www.azattyq.org/a/world_london_2012_iliyn/24666964

Берілген сілтеме бойынша тыңдалым мәтіннен етістіктерді тауып, құрамына қарай талдаңыздар.

6-сынып оқулығы. «Мектеп» баспасы. 2018 жыл.

105-бет.

Сабақтағы белсенді әдістер. NIS

https://www.azattyq.org/a/world_london_2012_iliyn/24666964.html

htm