Сабақ жоспары Ертегілер еліне саяхат

Сабақ барысы

Дефектологтың әрекеті

Баланың әрекеті

І. Ұйымдастыру кезеңі

- Балалармен сәлемдесу

- Көңіл күйлерің қалай?

- Қазір жылдың қай мезгілі?

- Енді, әдеттегідей шаттық шеңберге жиналып, бүгінгі күнге сәттілік тілейміз.

Шаттық шеңбері

Білер қазақ баласы,

Сәлем сөздің анасы.

Алдымыздан кезіккен,

Көп апайды қарашы.

Бәріңе де ізетпен,

Иіліп сәлем береміз.

Ұсақ қол моторикасын дамытуға арналған жаттығулар

Моншақ тізу

ІІ. Мақсаттылық

Балаларды қоршаған ортаға бейімдеу, ертегілер туралы түсініктерін қалыптастыру, ертегілерге қызығушылығын арттыру.

ІІІ. Ынталандыру

Ертегі кітаптар, бояуға арналған суреттер.

ІV.Коммуникативтік

Мұғалімнің айтқанын тыңдап, сабаққа зейін қою.

Мұғалімді тыңдау.

V.Мазмұндық

Дидактикалық ойындар арқылы ертегі кейіпкерлерін тани білу. Бір бірінен ажырата білу. Балалар бүгін бізде ерекше оқу қызметі болмақ, себебі бізге ертегілер елінен сиқырлы поезд Желаяқ келе жатыр екен. Балалар сендер ертегіні жақсы көресіңдер ме? Ертегілер елі өте ғажап, айнала толы әдемі түрлі түсті гүлдерге, жап жасыл ағаштарға толы керемет. Бүгін біз «Бауырсақ» ертегісін айтамыз.

Берілген тапсырманы орындайды.

VI.Бақылау

Баланың сабаққа ынтасын, зейінін бақылау. Суретпен жұмыс. Бауырсақ ертегісіндегі кейіпкерлермен таныстыру.

Д/О: «Сиқырлы қалам». Түрлі түсті қарындаштар арқылы ертегіде бауырсаққа кездесетін бірінші кейіпкерді бояу. (Қоян)

Сергіту сәті:

Дауыл тұрды, жел соқты,

Бұлт қаптады аспанды.

Күн күркіреп шатырлар,

Жаңбыр жауды тарсылдап.

Кемпірқосақ көрінді,

Жаңбыр аздап басылды.

Артынан күн де ашылды.

Үйге тапсырма

I – деңгей: Ш/О: «Мүсіндеу». Ертегідегі басты кейіпкер бауырсақты ермексаздың көмегімен мүсіндеу.

ІІ деңгей:Ш /О: «Сиқырлы қалам». Түрлі түсті қарындаштар арқылы ертегіде бауырсаққа кездесетін үшінші кейіпкерді атап, суретін салып, оны бояу.

ІІІ деңгей: Қ/О: «Пародия». Ертегіде кездесетін кейіпкерлердің пародиясын іс − қимыл арқылы салу.

(қасқыр, қоян, түлкі, аю)

Қойылған сұрақтарға жауап береді.

VII.Аналитикалық

Жарайсың балақай, бүгін сабаққа белсене қатыстың.