Солтүстік Қазақстан облысы

Петропавл қаласы

Қазақ мектеп – гимназиясының

Бастауыш сынып мұғалімі

Фазылова Кульжан Ермековна

Сабақтың тақырыбы: Негізгі, туынды сын есім

Сабақтың мақсаты: Оқушылардың сын есім туралы білімдерін толықтыру, негізгі және туынды сын есім туралы түсінік беру, туынды сын есім жасай білуге, сын есімдерді қатыстырып, түрлі шығармашылық тапсырмалар орындай білуге үйрету.

Күтілетін нәтиже: Оқушылар негізгі, туынды сын есімдерді ажырата біледі,туынды сын есім жасауды үйренеді, сын есімдерді пайдаланып, түрлі тапсырмаларды орындай алады.

Сабақтың көрнекілігі: Презентация, текше, көбелектер, стикерлер

Оқыту әдістері: Диалог, кубизм, ойын, сыни ойлаудың элементтері

Сабақтың барысы: Психологиялық дайындық

«Би билейміз» қимылды ән.

Иілеміз оңға бір, иілеміз солға бір.

Бір анда, бір мында, өзіңді өзің айнала.

Бас аяқты топ,топ,топ,

Шапалақта хоп, хоп, хоп.

Бір анда, бір мында, өзіңді өзің айнала.

Басымызды иеміз, би билейміз күлеміз,

Бір анда, бір мында, өзіңді өзің айнала.

Бағалау. Парта шетіндегі стикерге, өздерің бүгінгі сабақта қандай баға алам деп ойласаңдар, соны жазып қойыңдар.

Үй тапсырмасын қайталау.

Өткен сабақта қандай тақырыппен таныстық? Сын есім

Ендеше, сын есім туралы қайталайық.

«Кубизм» стратегиясы.

1. Сын есім дегеніміз не?

2. Сын есім қандай сұрақтарға жауап береді. Мысал келтір.

3. Сын есім заттың қандай белгілерін көрсетеді.

4. Сын есім қандай сөз табымен байланысты айтылады

5. «Тамақ» сөзіне қатысты бірнеше сын есімдерді тауып айт.

6. «Әдемі» сөзін бірнеше зат есімдермен тіркестіріп айт.

Жаңа сабаққа кіріспе

Бүгінгі күнді дәптерлеріңе жазып қойыңдар.

Ендеше, бір сәт өзімізге көңіл бөліп, «Мен қандаймын?» деген сөзге жауап жазайықшы. Оқушылардың жауабын тыңдау.

Тақтамен жұмыс.

Әдемі, ақылды деген сөздерді тақтаға жазайық.

Ал, енді сөөз құрамына талдайық. (оқушыға талдату, сұрақ қойғызу).

Бұлар туралы не айтуға болады?

Әдемі - негізі сын есім, ақылды – туынды сын есім.

Ендеше бүгінгі тақырыбымыз, негізгі және туынды сын есім.

Ереже шығарту. Негізгі, туынды сын есім дегеніміз не?

Интерактивті тақтамен жұмыс.

1 слайд. Кесте бойынша толық түсінік беру.

2 слайд. Ауызша тапсырмаларды орындау.

Сөзді оқып, негізгі немесе туынды сын есім екенін ажырату.

Топпен жұмыс. Оқулықпен жұмыс. 59 бет

1 топ: 2 – жаттығу

2 топ: 1 – жаттығу

3 топ: 3 - жаттығу

«Көбелекті аулайық» ойыны.

Мақсаты: Туынды сын есім жасау.

Әр топтан бір оқушы шығады, көбелектерде жазылған сөздер мен жұрнақтарды таңдап, туынды сын есім жасап, көбелектер жинайды. Көбелек көп жинаған оқушы жеңіске жетеді.

Сергіту сәті. Видеоматериалдан қайталау арқылы,би қимылдарын жасайды.

Қорытынды: Өз таңдаулары бойынша тапсырманы таңдап, орындайды.

1. Ертегі құрастыру

2. Өлең құрастыру.

3. Әңгіме құрастыру «Біздің сынып».

4. 59 бет 4 – жаттығу

Бағалау. Оқушылар сабақ басында қойған бағаларын алып, сабақ соңында бір шешімге келіп, өзін -өзі бағалайды.

Үйге тапсырма: 60 бет, 5 –жаттығу, ереже жаттау.