Сабақ жоспары "Перовский марш" Құрманғазы

Сабақтың тақырыбы: "Перовский марш" Құрманғазы

Сабақтың мақсаты: аспапта көркемөнерлік туындылармен жұмыстану,

ноталық материалдар негізінде техникалық,

орындаушылық дағдыларды одан әрі дамыту, меңгерту.

Тембрлік есту қабілетін, ырғақты сезінуін дамыту.

Күй ойнап үйрену арқылы бойына сіңірген

шығармашылық қабілетін дамыта отырып, аспаптық

музыканы құрметтеуге тәрбиелеу.

Сабақтың көрнекілігі: Музыкалық аспап, үнтаспа, композитор портреттері

Сабақтың түрі: аралас.

Сабақ барысы:

I. Ұйымдастыру бөлімі.

II. Үй тапсырмасын қайталау.

Гамма, арпеджиоларды және позициялық жаттығуларды қайталау.

Алдыңғы сабақтарда ойнап үйренген шығармаларын еске түсіру, қайталау.

Жатқа орындау.

Үй тапсырмасына берілген шығарманы тексеру.

Динаның күйі "Тойбастар"

III. Жаңа сабақ.

Құрманғазы "Перовский марш"

Шығарманы домбыра аспабымен орындап оқушыға тыңдатамын.

Күй ұнады ма?

Жылдамдығы қандай?

Құрманғазы туралы не білесің?

Оқушының жауабын толықтырамын.

Күйшінің портретін көрсету.

Құрманғазы Сағырбайұлының өмірі, шығармашылығы туралы мағлұмат беру.

"Перовский марш" шығармасының шығу тарихын әңгімелеп беремін.

Орыс генерал-губернаторы Перовский сарайында өтетін кешке қазақ күйшісін шақырткан кезде, генералға арнап аяқ астынан шығарылған шығарма.

Шығарманы талдау.

Шығарманы фразалар бойынша аспапта шығару, нотасын парақтан оқу.

Саусақтарды дұрыс қою, қағыстармен жұмыс жасау. Шығарманы фразалар бойынша шығарып болған соң, фразаларды қосып ойнату.

IV. Сабақты қорытындылау.

Венн диаграммасын құру: Құрманғазы мен Динаның шығармаларын салыстыру.

V.Бағалау.

VI. Үйге тапсырма беру.