Музыка.

Күні: 22.01.19ж.

Педагогтің аты-жөні: Нурбосинова А

Тақырыбы: Қызықты жорық

Сабақтың мақсаты

Таныс әннің, музыкалық шығарманың күшті және әлсіз бөліктерін ажырату. . Қарапайым әуендерді, таныс әндерді сүйемелдеумен аспапта, есту қабілетіне сүйеніп ән салу.

Таныс би элементтері мен қимылдары негізінде, би қимылдарын ойдан шығарып орындау.

Күтілетін нәтиже

Таныс әннің, музыкалық шығарманың күшті және әлсіз бөліктерін ажырата алады. Қарапайым әуендер, таныс әндерді сүйемелдеумен және сүйемелдеусіз таза интонациялап есту қабілетіне сүйеніп ән сала алады

Тілдік мақсат

Мектептегі ұстаздары туралы әңгімелейді.

Сұрақтарға жауап береді.

Көптілділік:қызық-интересно-interesting

Пікір алмасу сұрақтары:

Дыбыс қандай болады? (шулы және музыкалық)

Әуеннің ырғағы әртүрлі болады. Неліктен деп ойлайсың? Ұстаз деген кім?

Әннің әуеніне қандай би қимылын ойлап табар едің?

Өткен сабақтан алған білім

Қарапайым әуендердің ырғағын ұрмалы аспаптармен ойнайды.

Таныс әндерді сүйемелдеумен және сүйемелдеусіз жеке және бірге еркін, таза орындай алады.

Жоспарланған уақыт

Жоспарланған іс-әрекет

Дұрыс әсерлі көңіл күй орнату.

Музыкалық сәлемдесу. «Сәлем! Привет! Неііо!» (әндете амандасу).

Мимикалық жаттығу. «Көңілді және мұңды». Көңілді немесе мұңды әуен ойналғанда сәйкес карточканы көрсетіп, өз беттерінде мимикамен көңіл күйін көрсетеді.

Мақсатты болжам.

Түрлі мамандықтар туралы, олардың еңбектерімен таныстыру.

«Ұстаздық еткен жалықпас

Үйретуден балаға...» деген сөзді қалай түсінесіңдер?

Тақырып бойынша жұмыс.

Әліппе-дәптермен жұмыс:

1-сабақ. Жорыққа шыққан көңілді достардың дауысы қай аспаптың дыбысына ұқсайды?

Дәптермен жұмыс:Орман тұрғындарымен дауысы сәйкес келетін аспапты сызықпен қос.

Қорытынды

Балаларды марапаттау

Дене шынықтыру.

Күні: 15.10.18ж.

Педагогтің аты –жөні: Кащиева В.

Тақырыбы: Біз спортпен айналысып, тез өсеміз.

Сабақтың мақсаты

Организмнің шынығуы мен төзімділігін нығайту үшін түрлі жүктемелерді біртіндеп арттыра отырып дене жаттығуларын орындау. Жүру мен жүгірудің негізгі түрлерін орындау, оларды кезек алмастыру, қарапайым дене жаттығуларымен ұштастыру. Секірудің әртүрлі түрлерін орындау, тепе-теңдікті сақтай отырып өзгер-мелі жағдайларда секіру. Дене қуаты қасиеттерін көрсету: әртүрлі дене әрекеті түріндегі ептілік, жылдамдық пен реакция.

Күтілетін нәтижелер

Қозғалыс кезінде екіден, бірден тізбекке тұру. Бір-бірінің артына, қатарынан тізіліп, жұптасып тізбекке тұру. Аяқты артқа қарай тізеден бүгіп, тізені жоғары көтеру.

Малдас құрып отырып бастан асырып доп беру.

Жүгіріп келіп баланың жоғары көтерілген қолынан 25 см биіктікке ілінген

Тілдік мақсат

Балалар спорт түрлері туралы білімін жалпылайды, жаттығу түріндегі тапсыр-маларын орындау арқылы денені, нысананы және кеңістікті бақылай

Талқылау үшін сұрақтар:

Сендерге спорттың қай түрі көбірек ұнайды? Жаттығуларды орындау кезінде тәуекелдіктерді қалай азайтуға болады? Баскетболда қандай мақсатта секіру орындалады? Сендер спорттың қай түрімен шұғылданғыларың келеді? Спорт-шыларға қандай пайдалы әдеттер чемпион болуға көмектеседі?

Алдыңғы оқыту

Екі тобық арасына допты қысып жүру. Білек пен табанға сүйеніп баспен допты итере отырып төрттағандап еңбектеу.

Жоспарланған уақыт

Жоспарланған іс-әрекет

Қызығушылықты ояту.

0-3минут

Балаларға спорт түрлері туралы жұмбақ шешу, өздерін спортшы ретінде елестету ұсынылады.

Тыныс алу жаттығулары

«Біз спортпен айналысып, тез өсеміз», – аяқтың ұшына көтеріліп, қолды жоғары көтеріп – демді ішке тарту. «Күн сайын биік боламыз» – қолды төмен түсіріп, табан мен толық тұру – демді сыртқа шығару.

Негізгі бөлім.

4-12минут

«Волейбол»

Жұппен жалпы даму жаттығулары. Жұптасып екі қатар тізбекке тұру кезіндегі арақашықтықты бақылайды. 3 метр қашықтықтан бір-біріне екі қолмен «кеуде» тұсынан доп лақтыру. Допты лақтыру күшін саралап, әріптесінің қолына туралап доп лақтыруға назар аударады. Нұсқау – екі шынтақты қыса ұстап алға-артқа-төмен бағыт бойынша доп лақтыру.

13–27

«Баскетбол»

Баланың жоғары көтерілген қолынан 30 см биіктікке ілінген затқа (таспа) жүгіріп келіп секіріп қол тигізу. Нұсқау – қолды сермеу қимылы мен аяқты серпу күшін үйлестіру. Көрсету кезінде тым алыстан емес және таспаға жүгіріп келмей аяқты тиісті жерде серпуге назар аударылады.

Қауіпсіздік техникасы: таспаға тек қол ұшын тигізу, іс-әрекетті саптан бір баладан ғана орындау.

Қорытынды бөлім

Қиналған балаларға көмектесу.

Математика.

Күні:24.01.19ж.

Педагогтің аты – жөні: Жарылғасова Ж

Тақырыбы: Геометриялық фигуралар.Серуенге атпен шығамыз.

Сабақтың мақсаты

Фигуралар мен заттардың пішінін білу.

Күтілетін нәтижелер

Пішіндерге қарап аппликация жасау білу.

Тілдік мақсаттар

Дағдыларын дамыту:

-Өзінің сұрақтарын қойғанда жəне педагог пен оқушылардың сұрақтарына жауап берген кезде сөйлемде лексика мен терминологияны пайдалана алады.

Пікір алмасуға арналған сұрақтар:

–11-ден 20-ға дейінгі сандардың атауы қалай пайда болатынын түсіндір.

–Адамға санай білу не үшін қажет деп ойлайсың?

–Қандай сандар екі таңбалы сандар деп аталады?

Жазу:

-Түрлі түсті қарындаштармен бояу, үзік сызықтармен бастырып жазу.

Алдыңғы білім

Заттардың сандық ұғымы туралы алғашқы білім, геометриялық фигуралар мен денелердің атауы.

Жоспарланған уақыт

Жоспарланған іс-әрекет

Басталуы

0-5минут

Ынталандыру.

Оқушылармен мектеп құралдары не үшін керек екені туралы əңгіме жүргіземіз.

Ортасы

6-15минут

Мақсат қою

Балалармен бірге 10 қарындашты жинап, дорбаға салады. 1 қарындашты шығарады. Неше зат қалды? Сендер оларды санай аласыңдар ма?

Жаңалық ашу.

Балалар 10 затты санай алады. Педагог онға неше зат қосылғанын сұрайды. Педагог осындай жағдайда санды атау үшін алдымен «он» сөзі айтылатынын жəне оған бірліктің атауы (біздің мысалда «бір» саны) қосылатынын түсіндіреді. «Он бір» саны пайда болды, ол онға бір қосылғанын білдіреді, екі цифрмен жазылады –11.

Балаларға түсіндіре отырып, № 1 тапсырманы орындау ұсынылады.

Балалар заттарды санап, санды атайды жəне сандардың жазбасын бояйды.

Сергіту сəті.

16-25минут

Балаларға №2 тапсырманы «Жылдам, бірақ қателеспе» жарыс ойынын орындауды ұсынады. Балалар ұсынылған сурет бойынша 1-ден 20-ға дейін санайды.

Балаларға 3-тапсырманы орындауды ұсынады. Балалар 1-ден 20-ға дейін санау тəртібімен цифрларды сызықпен біріктіреді.

Қорытынды.

Балаларды мадақтайды. Сабақтағы өз жұмысын «Сəттілік сатысы» арқылы бағалауды ұсынамыз.

Русский язык.

Дата : 11.10.18г.

Ф.И.О. педагога: Кащиева В.

Тема: Что делают дети на занатиях?

Цели обучения

Произносить и различать звуки в словах и фразах. Использовать в речи новые слова по лексическим темам. Находить информацию в картинках, иллюстрациях и соотносить их. Ориентироваться на странице прописи, различать рабочую строку и межстрочное пространство, рисовать узоры. Использовать слова, обозначающие действия предметов.

Предполагаемый результат

Находить информацию в картинках, иллюстрациях и соотносить их. использовать в речи новые слова по лексическим темам;

Произносить и различать звуки в словах и фразах;

Использовать слова, обозначающие действия предметов: думают, считают, сидят на занятии, ведет урок.

Предшествующие знания

Словарь по теме «что такое школа?», «кто работает в школе?».

Планируемое время

Запланированная деятельность

Создание положительного эмоционального настроя

Организационный момент.

Солнечный зайчик заглянул вам в глаза. он побежал дальше по лицу. Нежно погладьте его ладонями на лбу, носу, ротике, щечках, подбородке. Аккуратно поглаживайте, чтобы не спугнуть. Поглаживайте голову, шею, животик, руки, ноги. он забрался за шиворот – погладьте его и там. он не озорник, он любит и ласкает вас. А вы погладьте его и подружитесь с ним. улыбнитесь ему.

Актуализация жизненного опыта

Ребята, Балапан хочет узнать, что дети делают в школе на занятиях.

Работа в азбуке-тетради.

Задание № 1. Рассмотри картинку. Послушай, запомни и повтори.

Педагог предлагает детям рассмотреть иллюстрацию, назвать деятельность детей и учителя на занятии.

Работа по теме

Задание № 2. Послушайте диалог. о чем говорят дети?

Динамическая пауза «На работу».

(Сжать пальцы в кулачок, поочередно разгибать их, начиная с большого).

Большой палец встал один,

указательный за ним,

средний будет безымянный,

тот поднял мизинчик малый.

(Широко расставить пальцы в сторону)

встали братцы все – «ура!»,

На работу им пора!

Задание № 3. Соедини линией предмет и форму, на которую он похож.

Задание № 4. Продолжи ряд.

Итог

Оценит смайликом.

Экология.

Күні: 11.10.18ж.

Педагогтің аты-жөні: Кащиева В.

Тақырыбы: Табиғатта өзін – өзі ұстай білу ережесі.

Сабақтың мақсаты

Табиғатта өзін-өзі ұстай білудің ережесі

Күтілетін нəтижелер

«Табиғатта өзін-өзі ұстай білудің ережесі» деген ұғымды түсіндіре алады,

Табиғатқа зиян келтіруі ықтимал жағдаяттарды атауды. Қоршаған ортаға зиян келтіретін жағдаяттармен жəне іс-əрекеттермен күрес жолдарын айтып береді.

Тілдік мақсаттар

Дағдыларды дамыту.

. Болжамдар ұсыну үшін тіректер пайдалану. Табиғатта өзін-өзі ұстай білудің ережесін құру. Табиғатқа пайдалы іс-əрекеттер мен зиян келтіруі ықтимал жағдаяттардың маңыздылығы туралы əңгіме.

Көптілділік

табиғатты қорғау – защита природы – to protect nature

Талқылауға арналған сұрақтар.

Табиғатта өзін-өзі ұстай білу ержелерін білесің бе?

Табиғатқа пайдалы жəне зиянды іс-əрекеттер?

Сен табиғатқа қандай пайдалы іс-əрекет жасадың ?

Өткен сабақтан алған білім

Табиғат туралы қарапайым түсініктер; табиғатты сақтап қалу, табиғаттың зиянды амалдар жасамауға жəне пайдалы іс-əрекеттерге біршама тəуелділігі.

Жоспарланған уақыт

Жоспарланған іс-əрекет

Дұрыс əсерлі көңіл күй орнату.

Табиғат – бізді қоршаған əлем. Табиғат – адамзатқа барын беруге асыққан ана іспеттес. Адам табиғат арқылы барлық құндылықтарын өтейді. Сондықтан адамзат табиғатқа ерекше қамқорлықпен қарауы қажет.

Мақсатты болжам.

Болжамдар:

– Табиғатта өзін-өзі ұстай білу дегеніміз – қоршаған ортаға зиян келтірмеу.

Табиғатта өзін-өзі ұстай білу ережелерінің бірі- қоқыс тастамау.

Қандай дереккөзден біз мұны біле аламыз? Кітаптардан.

Тақырып бойынша жұмыс

Əліппе-дəптермен жұмыс

1.Балалардың іс-əрекетін дұрыс деп ойлайсыңдарма?

2.Суреттен нені байқадың, мұндай жағдайда сен қандай іс-əрекет жасар едің?

3.Суретте қай іс-əрекетті дұрыс деп ойлайсыңдар?

4.Сен табиғатта өзін-өзі ұстай білу ережелерін ұстанасың ба?

Сергіту сəті.

Табиғаттағы өзін-өзі ұстау ережелері:

1.Қоқысты кез келген жерге тастама, арнайы қоқыс жəшігіне сал!

2.Ағаштарды кеспе, бұтағын сындырма!

3.Жануарларға зиян келтірме, қамқорлық жаса!

4.Құстарды өлтірме, ұя жасап қамқорлық көрсет!

5.Өсімдіктерді (шөптер, гүлдер) жұлма!

6.Суды ластама, керісінше қоқыстардан тазарт!

7.Табиғат аясында түкірінбеу!

8.Табиғатқа қиянат жасама! Табиғатқа шынайы қамқорлық жасай біл!

Əліппе-дəптермен жұмыс

1.Сурет бойынша жұмыс. Балалардың іс-əрекетін дұрыс деп ойлайсыңдар ма? Суреттен нені байқадың, мұндай жағдайда сен қандай əрекет жасайтын едің?

2.Сурет бойынша ісі дұрыс балаға алғыс ойлап айтады, ал ісі теріс балаға қалай ақыл айту керектігін айтады.

3.Сен табиғатта өзін-өзі ұстай білу ережелерін естеріне түсіреді.

4. «Бір тал кессең, он тал ек» мақалын қалай түсінесің?

Мағынасын ашады. Сурет салады

Қорытынды

Қорытынды жасаймыз. Мадақтау.

Сөйлеуді дамыту.

Күні: 15.10.18ж.

Педагогтің аты – жөні: Кащиева В.

Тақырыбы: Мектеп ауласында.

Сабақтың мақсаты

Айтылған ойдың мәнін ашу үшін интонацияны сақтау, тілдесудің вербалды емес құралдарын қолдану. Сөздер мен фразалардағы дыбыстарды дұрыс дыбыстау. Өз тәжірибесі негізінде әңгіме құрастыру. Тыңдалған мәтіндегі ақпаратты сурет, сызба, белгілер қолданып жеткізу.

Күтілетін нәтижелер

Сөздер мен фразалардағы дыбыстарды дұрыс дыбыстайды. Тыңдалған мәтіндегі ақпаратты сурет, сызба, белгілер қолданып жеткізеді. Қимыл-қозғалыспен көрсетілген әрекетті түсінеді.

Тілдік мақсат

Сұрақтарға жауап береді, диалогпен сөйлесе алады. Сөздік қорын кеңейтеді.

Көптілділік: аула – двор – yard

Пікір алмасу сұрақтары:

Аулаңда қандай ойын түрлерін ойнайсың?

Өзіңнің мектебіңнің ауласында қандай өсімдіктер өседі?

Өткен сабақтан алған білім

Білімді бала қандай болу керектігін біледі.

Жоспарланған уақыт

Жоспарланған іс-әрекет

Жағымды көңіл күй қалыптастыру

0-2 минут

Шаттық шеңбері.

Келіңдер, келіңдер,

Шеңбер құрып беріңдер.

Ортаға түскен бұл допты,

Бір-біріңе беріңдер, - деп

Балаларға тілек айтып, допты қасындағы балаға беріп, әрі қарай жалғастыруларын сұрайды. Балалар бір-біріне жақсы күн тілеп, допты береді.

Мақсатты тұжырымдау.

Балаларға ым-ишаратпен, қимылмен іс-әрекет көрсетеді, ал балалар не істеп жатқанын табады.

1.Педагог гүлдерге су құйып жатқанын келтіреді

2.Жүгіріп футбол ойнап жүргенді.

3.Секіріп баскетбол ойнағанды көрсетеді.

4.Ағаштарды түптеп жатқанын көрсету.

Ойынды балалар жалғастырып, теннис, хоккей, шаңғы тепкенді қимылмен, ишарамен келтіреді.

Тақырып

бойынша жұмыс

Әліппе-дәптермен жұмыс:

1-тапсырма. Суреттердің ішінен өз мектебіңнің ауласында бар заттарды белгілеп көрсет.

Сергіту сәті:

Доп ойнауға лайық

Мектеп ауласына шығайық.

Жүгіріп доп тебеміз,

Футболдан біз жеңеміз.

Баскетболда достармен

Доп лақтырып ойнаймыз

Нысананы дәл көздеп,

Доп түсірмей қоймаймыз

Әліппе-дәптермен жұмыс:

2-тапсырма. «Сабақ», «спорт алаңы», «достар», «футбол» сөздерін қолданып мектеп жанындағы спорт алаңы туралы әңгімеле.

3-тапсырма. Мектеп ауласында достарыңмен бірге қандай қозғалыс ойындарын ойнайсыңдар?

4-тапсырма. Берілген допты боя. Басқа доп түрлерінің суретін сал.

Қорытынды

Балаларды марапаттаймыз.

Сауат ашу.

Күні: 16.10.18ж.

Педагогтің аты – жөні: Кащиева В.

Тақырыбы: Мен үлгілі – баламын. Р дыбысы мен әрпі.

Сабақтың мақсаты

Сөздегі дыбыстарды, олардың түрлерін (дауысты, дауыссыз, жуан жəне жіңішке дауыстылар) ажыратып, дұрыс дыбыстау. Сөзді буынға бөлу, сөздегі буын санын жəне орналасу ретін анықтау. Балаларды адамгершілік сезімге тəрбиелеу. Жазу жолын, жоларалық кеңістікті, жолдың жоғарғы жəне төменгі сызығын сақтап, əріп элементтерін жазу.

Күтілетін нәтиже

Сұрақтарға жауап береді. Сөздегі дауысты, дауыссыз, жуан жəне жіңішке дыбыстарды ажыратады. Р дыбысы – дауыссыз дыбыс, р дыбысының айтылуын дұрыс дыбыстайды. Суреттегі заттардың аттарын атай алады, сөздегі р дыбысының орнын ажыратады. Р дыбысының баспа түрін жазу жолдарына жазады.

Тілдік мақсат

Сұраққа толық жауап беріп, р əрпімен танысады.

Сөздерді пайдаланып, əңгіме құрастырады. Р əрпінің баспа түрін жазады.

Пікір алмасу сұрақтары.

Бұл суретте не болып жатыр?

Сөздерді пайдаланып, əңгіме құрастыр

Раушанға қалай көмек береміз?

Р əрпі тағы қай затқа ұқсайды?

Өткен сабақтардан алған білім

Сөз бен сөйлемді ажыратады. Дауыссыз, дауысты əріптерден сөз құрайды. Əңгіме құрастырады.

Жоспарланған уақыт

Жоспарланған іс-әрекет

Дұрыс әсерлі көңіл күй орнату.

Балаларды ортаға шаттық шеңберіне тұрғызады.

Балалар шаттық шеңберін құрып, бір-бірлеріне жылы лебіздерін білдіреді.

Армысың, əлем!

Армысың, жарық күн! (Қолдарын жайып, көкке көтереді).

Армысың, абзал адам! (Қолдарын алға созады).

Армысың, менің досым!(Қолдарын бір-біріне қарап созады).

Мақсатты болжам.

Қарғаның суретін көрсетеді.

Қарға қалай дыбыстайды?

Балалар қарғаның дыбысын келтіреді.

Балалар қарға құсы туралы əңгімелеседі.

Тақырып бойынша жұмыс

Əліппе-дəптермен жұмыс

1-тапсырма

Бұл суретте не болып жатыр? Балалар суреттегі көріністі əңгімелейді. Қарғаның дыбысын келтіреді. Суреттегі заттарды атайды. Р дыбысы естілетін сөздерді анықтайды.

2-тапсырма 1-тапсырмадағы суретпен байланысты. Суреттегі бала санын анықтайды. Санды көрсетеді (төрт).

3-тапсырма. Р əрпінің баспа түрімен таныстырады.

Р дыбысының айтылуын үйретеді (Р – тілдің алдымен жəне дірілмен айтылады).

Р əрпімен таныс болады. Р – дауыссыз дыбыс, көк түспен белгілейміз. Р əрпінің бейнесіне қарап ұқсас заттарды атау. Р əрпін ауада жазып көрсетеді.

Сергіту сəті

4-тапсырма. Р əрпінің жазылуын көрсете отырып, қандай затқа ұқсайтынын елестетеді.

5-тапсырма. Домино тастарынан Р əрпін құрастырады.

Өз беттерімен Р əрпін құрастырады. Р əрпінің баспа түрін жазу жолдарына жазады.

Қорытынды

Смайликпен бағалау.

Драма

Күні: 12.10.18ж.

Педагогтің аты – жөні: Кащиева В.

Тақырыбы: Мектепте не үйренемін.

Сабақтың мақсаты

Дыбыстарды түрлі екпінде анық және дұрыс айту, сыбырлап және қатты айту. Түрлі эмоция мен сезімді білдіру үшін дауыс күшінің түрлі дәрежесін қолдану. Эмоциялық күйді анықтау және беру. Өз әрекетін серігінің әрекетімен үйлестіру, оның қалай әрекет ететінін алдын ала сезу. Сюжетті-рөлдік ойындарға қатысу. Ым-ишара, дауыс ырғағы, ойын атрибуттарын қолданып таныс әдеби шығармалар негізінде кейіпкерлердің бейнесін жасау.

Күтілетін нәтижелер

Түрлі эмоция мен сезімді білдіру үшін дауыс күшінің түрлі дәрежесін іске асыру дағдылары қалыптасады;

Дыбыстарды түрлі екпінде анық және дұрыс айту дағдылары қалыптасады

Өз әрекетін серігінің әрекетімен үйлестіреді, оның қалай әрекет ететінін алдын ала сезу дағдылары қалыптасады;

Ым-ишара, дауыс ырғағы, ойын атрибуттарын қолданып таныс әдеби шығармалар негізінде кейіпкерлердің бейнесін жасайды.

Тілдік мақсаттар

Түрлі эмоция мен сезімді достарының ортасында білдіреді; Диалог арқылы сөйлеу қабілеттері қалыптасады.

Көптілділік:

мектеп – школа – school

дәптер – тетрадь – notebook

кітап – книга – book

Пікір алмасу сұрақтары.

Мектепке не үшін барады?

Дұрыс сөйлеу не үшін керек?

Кітап не үшін керек?

Алдыңғы білім

Дауыс ырғағын ажырату, қуыршақтарды басқарудың кейбір әдістерін білу.

Жоспарланған уақыт

Жоспарланған іс-әрекет

Оң көңіл күй орнату.

0–2 мин

Қоңырау соғып, балаларды шаттық шеңберіне жинаймыз.

Қоңырау біздің сиқырлы,

Сыңғырлап ән салды.

Шақырды түріп ұйқыңды,

«Шеңберге тұр!» – деп баршаңды.

Арайлап таң атты,

Алтын сәуле таратты.

Жарқырайды күніміз,

Жарқырайды даламыз.

Қайырлы күн, балалар!

– Қайырлы күн, апай!

Мақсат қою.

3–5 мин

Балалар мектепке не үшін барады?

Мектеп сендерге ұнай ма?

Мектептен не үйрендіңдер?

Мектеп бізге керек пе?

Балалардың жауаптарын тыңдаймыз.

Тақырыб бойынша жұмыс

Әліппе-дәптермен жұмыс.

1-тапсырма. «Оқу құралдары хикаясы» ертегісінің кейіпкерлерін ата.

2-тапсырма. «Бірлік болмай, тірлік болмас». Мақалдың мазмұнын талдай отырып ертегі мазмұнымен байланыстыру.

3-тапсырма. Дыбысты дұрыс айту жаттығулары:

Ме-ме-ме – мектеп.

Дә-дә-дә – дәптер.

Кі-кі-кі – кітап.

Бі-бі-бі – білім.

4-тапсырма. Қасында отырған жұбымен оқу құралдары арасындағы диалогті құрастыруға тапсырма беріледі.

1. Өшіргіш пен Дәптер.

2. Өшіргіш пен Қаламсауыт.

3. Кітап пен Дәптер.

Қорытынды

Балаларды смайликпен бағалаймыз.

Оқу ісінің меңгерушісі: Сағызбаева А.

Драмма.

Күні: 01.12.17ж.

Педагогтің аты-жөні: Кащиева В.

Тақырыбы: Дос болайық бәріміз.

Сабақтың мақсаты

Ілікпе сөз бен фразаларды айтуда тыныс алуды реттеу. Дыбыстарды түрлі екпінданық және дұрыс айту, сыбырлап және қатты айту. Түрлі эмоция мен сезімді білдіру үшін дауыс күшінің түрлі дәрежесін қолдану. Басқа кейіпкерлермен рөлдік қарым-қатынасқа түсу.

Күтілетін нәтиже

командаға немесе музыкалық белгіге сәйкес әрекет етеді. түрлі эмоция мен сезімді білдіру үшін дауыс күшінің түрлі дәрежесін қолданады; ым-ишара, дауыс ырғағы, ойын атрибуттарын қолданып таныс әдеби шығармалар негізінде кейіпкерлердің бейнелерін жасайды.

Тілдік мақсат

Тәрбиеленушілер:

театрланған қойылымдар арқылы тілін дамытады;

кейіпкерлердің іс-әрекеттері мен дауыс ырғақтарын сәйкестендіре дұрыс сөйлейді; байланыстырып сөйлеуге дағдыланады;

сөздік қоры жинақталады. Көптілділік:

достық – дружба – friendship Негізгі терминдер мен сөз тіркестері. қаумалап, алқымға алып, найза.

Сабақта диалог/хатта қолданылатын тіл:

Пікір алмасу сұрақтары.

Сендер қалай ойлайсыңдар, дос қандай болу керек?

Айтыңдаршы, бұрын-соңды сендерге достарың көмекке келді ме? Қандай жағдайда?

Сен досыңа қандай көмек берер едің?

Өткен сабақтардан алған білім

Ертегі туралы білімдері. Театр туралы түсініктері.

Түрлі екпінде сөйлеу, дауыс екпінінен көңіл күйді ажырата білу.

Жоспарланған уақыт

Жоспарланған іс-әрекет

Дұрыс әсерлі

көңіл күй

орнату.

0-2 минут

Педагог Айсұлу мен Қуаныштың қонаққа келгенін айтып, оларды достық шеңберіне шақырады.

Қосыл, қосыл шеңберге, Нағыз адал дос болып. Қосыл, қосыл шеңберге, Ең сенімді дос болып.

Қосыл, қосыл шеңберге, Ең мейірбан дос болып. Қосыл, қосыл шеңберге, Нағыз шыншыл дос болып. Қосыл, қосыл шеңберге,

Нағыз қайырымды дос болып.

• Балалар, Қуаныш пен Айсұлу сендермен дос болғысы келеді.

• Сендер қалай ойлайсыңдар, дос қандай болу керек?

• Айтыңдаршы, бұрын-соңды сендерге достарың көмекке келді ме? Қандай жағдайда?

Достық – адамдардың арасындағы сыйласымды қарым-қатынас. Достарыңды отбасы мүшелері сияқты жақсы көріп, сыйлап, оларға әрқашан көмек көрсетулерің қажет. Жақсы достарыңды мақтан тұтуларыңа болады. Достар әрқашан бір-біріне көмектеседі, бір-бірімен жанжалдаспайды, өтірік айтпайды.

Мақсатты

болжам

Сабақтың

ортасы

(Ө) Әліппе-дәптермен жұмыс.

Мақалмен таныстыру. Мағынасын түсіндіру.

Тақырып

бойынша жұмыс

6-27 минут

Ағаш тамырымен мықты, Адам досымен мықты.

ойын: «Достасу»

Шарты: Тәрбиеленушілер шеңбер бойына жіпті ұстап тұрады. Жіпті орау арқылы кезекпен бір-біріне ұсынады. Жіп алған бала досына тілек айтып, келесі балаға береді. Ойын жіп

оралып біткенше жалғасады.

Дәптермен жұмыс

Әліппе-дәптермен жұмыс.

Суреттегі кейіпкерлер қандай дыбыс шығарады? Солардың дыбысын салып, қимылын бейнелеп көрсет.

-Достық туралы қандай ертегі білесің?

«Достық» ертегісін ұсынады.

Педагог ертегіні суреттер көрсетіп баяндайды.

Әліппе-дәптермен жұмыс.

-Достарыңмен қандай ойындар ойнайсың? Досыңмен бірігіп ым- ишара арқылы көрсет.

Өзіңе ұнаған кейіпкердің суретін сал.

Сергіту сәті.

Достар бірге жүреміз (қол ұстасып айнала жүру),

Бірге ойнаймыз, күлеміз (бір-біріне қарап күлу). Бірге балық аулаймыз (қолдарын алға созу), Қуанамыз, билейміз (би қимылдарын жасау).

Бөлінбейді іргеміз (қол ұстасып, жоғары созу),

Әрқашанда біргеміз (иілу, қол шапалақтау).

Әліппе-дәптермен жұмыс.

Өзіңе ұнаған кейіпкердің суретін сал.

Бүгін біз достар туралы әңгімелестік. Досымызға үнемі жақсы, жылы сөздер айту керектігін үйрендік. Достар бір-біріне көмектеседі. Достықтарың ұзақ, тұрақты болу үшін бір-біріңе көмектесіп, адал болуларың керек. Сонда ғана достықтарың берік болады.

Сабақтың қорытындысы Рефлексия.

28-30 минут

Айсұлу мен Қуаныш тәрбиеленушілерге өз жұмыстарын бағалауды айтады.

Көңілді және көңілсіз бетперделерді бояу:

1. Өз жұмысына көңілі толса, көңілді бетперденің суретін бояйды.

2. Өз жұмысына көңілі толмаса, көңілсіз бетперденің суретін бояйды.

Дене шынықтыру

Күні: 15.12.17ж.

Педагогтің аты – жөні: Кащиева В

Тақырыбы: Қазақстанның солтүстігінен оңтүстігіне саяхат.

Сабақтың мақсаты

Бір орында тұрып және қозғалыс барысында сапқа тұру түрлерін, мәнерлі сап түзу, жүру түрлерін орындау. Жүру мен жүгірудің негізгі түрлерін орындау, оларды алма-кезек орындау, қарапайым дене жаттығуларымен ұштастыру. Өрмелеу, өрмелеп шығу, астымен еңбектеу, еңбектеп өту түрлерін орындау. Допты домалату, лақтыру және қағып алу, допты жерге оң қолмен және сол қолмен ұру, екі қолымен басынан асыра лақтыру және бір қолмен кедергіден лақтыру. Командалық ойындар рөлдері мен тәсілдерін қолдану.

Күтілетін нәтиже

Топпен, саппен кеңістікте қауіпсіз жұмыс істеу. Кеңістікте бағдарлау. Бір қатар сапқа тұрып, қолдарын алдында тұрған баланың иығына қойып«жыланша» ирелеңдеп жүру.

Тілдік мақсат

Балалар іс-қимылды талдау және бағалау, өзгенің олқылығы мен әлеуетті анықтау дағдыларын көрсетеді. Саяхатқа шығудың қандай түрлерін білесіңдер? Қазіргі уақытқа дейін саяхат-тың қандай әдістері сақталған? Қазақстанның қай қалалары есіңде көбірек сақталып қалды? Гимнастикалық қабырғамен өрмелеу кезінде қандай тәсілді қолдандыңдар?

Алдыңғы оқыту

4 метр қашықтықтан көлденең нысанаға асық лақтыру.

Малдас құрып отырып асық лақтыру және қағып алу – алақанды жоғары және төмен қарату.

Жоспарланған уақыт

Жоспарланған іс-әрекет

Қызығушылықты ояту

Балалармен өзара түсіністік, іс-қимылды үйлестіру деген не екенін талқылаңыз.

Қазақстанның қалаларына саяхат жасауды ұсыныңыз.

Ортақ кеңістікті бөлу және қимыл-қозғалыс тәуекелдігін азайтуға балалардың назарын аударыңыз. Пойызбен саяхат – бір қатар саппен алдындағы баланың иығына қолын қоя отырып ирелеңдей жүру. Бағытты және қозғалыс қарқынын өзгертіңіз.

Негізгі бөлім

Астана

Ұлттық ұланды жаттықтыру. Қатарынан тізіліп бір аяқпен залдың қарсы бетіне дейін

жүру, жүгіру, секіру. Саппен тізбектеле жүргенде қимыл-қозғалысты үйлестіруге денені тік ұстауға көңіл бөлу.

Алматы

Гимнастикалық қабырғамен өрмелеу. Гимнастикалық қабырға тақтайшаларымен көлденеңінен қосымша адымдап жүру – түрлі тәсілмен (оң қол сол аяқ, сол қол оң аяқ) кезек қадамдар аттап төмен түсу.

Қорытынды

Қиналған балаларға көмек қолын созамыз.

Қауіпсіз мінез – құлық негіздері

Күні: 09.10.18ж.

Педагогтің ата – жөні: Кащиева В

Тақырыбы: Дене бітімі дегеніміз не?

Сабақтың мақсаты

Адамның дене құрылысын білу. Дене бітімін сақтаудың ережелерін білу

Күтілетін нәтиже

Адамның қарапайым дене құрылысын атайды. Дене бітімін сақтаудың ережелерін түсінеді.

Тілдік мақсат

Дағдыларын дамыту:

Жаңа сөздерді дұрыс атайды және оның мағынасын түсінеді. Денсаулық сақтау әдісі туралы болжамдарды талқылайды

Көптілділік: сымбат – осанка – рosture

Пікір алмасу сұрақтары:

Адам ненің көмегімен түрлі қозғалыстарды жасайды?

Адам сүйегі қаншалықты мықты болады?

Омыртқа қисаюы несімен қауіпті (дене бітімі)?

Тері жарақаты кезінде не жасау керек?

Дене күтіміне қандай құралдар көмектеседі?

Өткен сабақтан алған білім

Адамның дене құрылысы жайлы қарапайым түсінік.

Жоспарланған уақыт

Жоспарланған іс-әрекет

Дұрыс әсерлі көңіл күй орнату.

Кел, балалар, кел бері,

Қыздырайық денені.

Орнымызда тұрып-ақ,

Жүгірейік бір уақ:

Бір, екі, үш! Бір, екі, үш!

Екпіндей түс!

Аяқты алға созайық,

Тік көтеріп, қозғайық.

Тым сылбыр да болмайық,

Алға және озбайық.

Мақсатты болжам.

Неліктен адамның денсаулығы мен көңіл күйіне жаттығу орындау маңызды? Ненің әсерінен адамның денесі мықты, икемді, сымбатты болады?

Тақырыб бойынша жұмыс

Ертеңгілік жаттығу таңғы уақытта, ұйқыдан тұрғанда немесе сабақта орындалатын жаттығулар жиынтығы. Адамның денесі мықты әрі күшті және сымбатты болуы үшін жүйелі түрде жаттығу жасау емес, сонымен қатар үнемі өзінің жүрісі мен дене бітімін қадағалау керек.

Әліппе-дәптермен жұмыс.

– Қаңқа дегеніміз не?

Балалар адам қаңқасының суретін қарайды. Адамның барлық сүйектері «қаңқа» деп аталады. Адам қаңқасы – адамның барлық ішкі ағзаларын сақтауға мықты тірек.

Балаларға дәптердегі дұрыс қалыпты омыртқа суретін белгілеуді ұсынамыз.

– Адамның дене бітімін не өзгертуі мүмкін? Балалармен бірге Әліппе-дәптердегі үстелге қалай отыру керек, кітап, дәптерлерді қалай ұстау кер және кім ауыр сөмке көтеретіні жайлы суреттерді қарап талқылаймыз.

Қорытынды

Смайликпен марапаттау.

Математика.

Күні: 20.12.17ж.

Педагогтің аты – жөні: Кащиева В.

Тақырыбы : Біз өнім жинадық. Ұзындықты өлшеймін.

Сабақтың мақсаты

Шартты өлшемнің көмегімен заттарды ұзындығы/салмағы бойынша салыстыру.

Сабақтың әдіс тәсілі

Сурақ – жауап, түсіндіру.

Сабақтың көрнекілігі

Сандар жинағы, суреттер

Күтілетін нəтижелер

Бір-біріне тұстастыру немесе бір-біріне беттестіру арқылы заттарды ұзындығы бойынша салыстырады. Шартты өлшемнің көмегімен заттарды ұзындығы бойынша салыстырады.

Тілдік мақсаттар

-Заттардың ұзындықтарына қатысты өздерінің тұжырымдамаларын жасай алады : бұл зат ... қарағанда ұзынырақ (қысқарақ), бірақ.... қарағанда ұзынырақ (қысқарақ) .

Жазу: -жиектеу, бояу.

Алдыңғы білім

Ұзындық, ұзын, қысқа, ұзындығы бойынша салыстыру

Жоспарланған уақыт

Жоспарланған іс-əрекет

Басталуы

Ынталандыру.

Педагог көгөністер бейнеленген суретті көрсетіп, былай деп сұрайды:

Көгөністердің атауларын білесіңдер ме?

Содан кейін көгөністердің пайдасы туралы білуді жəне ұзындықты өлшеп үйренуді ұсынады.

Ортасы

1-тапсырманы орындауды ұсынады, онда көгөністерді ұзындығы бойынша салыстыру керек. Осыған ұқсас тəжірибелік жұмыс ұйымдастыруға болады.

Балалар заттарды қатар қойып салыстырады немесе бір- біріне беттестіреді жəне ұзындық туралы қорытынды жасайды.

1- тапсырманың екінші бөлігін орындауды ұсынады, онда көгөністерді салыстырып, өзінің жұмбақтарын ойлап табуы керек.

Дәптермен жұмыс

Жеке жұмыс істеу үшін 2 -тапсырманы орындауды ұсынады, онда ең ұзын бұрышты қызылмен, ал ең қысқасын жасылмен бояу керек. Қызылдан қысқарақ, бірақ жасылдан ұзынырақ бұрышты сарымен бояу керек(түстерді мəтінде қарындашпен көрсету керек), өлшем ретінде қағаз жолақты алуға болады.

3-тапсырманы орындауды ұсынады, онда көгөністердің ұзындығын салыстыру керек. Əртүрлі қорытынды шығуы мүмкін. Мысалы: Əлия мен Сырым көгөністердің ұзындығын өлшемдермен өлшейді.

Қорытынды

Балаларды мадақтаймыз.

Сауат ашу.

Күні : 20.12.17ж.

Педагогтің аты – жөні: Кащиева В.

Тақырыбы: Жыл мезгілдері. Кк дыбысы және әрпі.

Сабақтың мақсаты

Сөздегі дауысты, дауыссыз дыбыстарды ажыратып, дұрыс дыбыстау. Сөзді буынға бөлу, сөздегі буын санын жəне орналасу ретін анықтау. Суреттер бойынша тапсырмадағы сұрақтарға жауап беріп əңгіме құрастыру. Жазу жолына к əрпінің элементтерін жазу.

Сабақтың әдіс тәсілі

Сурақ – жауап, түсіндіру.

Сабақтың көрнекілігі

Суреттер, кеспе әріптер

Күтілетін нәтижелер

Сурет бойынша сұрақтарға жауап беріп шағын əңгіме құрастырады. Сөздегі дыбыстарды, олардың түрлерін ажыратады. К дыбысы – дауыссыз дыбыс, к дыбысының айтылуын дұрыс дыбыстайды. Суреттегі заттардың аттарын атай алады, сөздегі к дыбысының орнын ажыратады.

К əрпінің баспа түрін жазу жолына жазады.

Тілдік мақсат

Суреттер бойынша сөйлем құрастырады. Сөйлемдегі сөздер санын ажыратып, буынға бөледі.

Өткен сабақтан алған білім

Сөздерге дыбыстық талдау жасатып,

Жоспарланған уақыт

Жоспарланған жұмыс түрлері

Дұрыс əсерлі көңіл күй орнату.

Балаларды шаттық шеңберіне тұрғызып, жақсы тілек тілейді:

Балаларға бір-бірінің қолдарынан ұстап тұрып, əсемдікке байланысты тілек айтуларын өтінеді.

Мысалы: Айна, сен сұлусың!

Марат, сен сымбаттысың!

Ғалия, сенің көйлегің əдемі!

Мақсатты болжам.

Балалардың қолына бірдей пішінді домалақ айна таратып береді. Балалар айнаға қарап тұрып, өздерінің əдеміліктерін айтып жеткізеді.

Тақырып бойынша жұмыс

Əліппе-дəптермен жұмыс.

1-тапсырма. Балалар сурет бойынша əр маусымның ерекшеліктерін əңгімелейді.Əр маусымдағы табиғат құбылыстарын, еңбек түрін, балалардың ойындары туралы өз ойларын білдіреді.

2-тапсырма. Сұраққа жауап болатын суретті сызықпен көрсету. Күшік, кілем, көбелек сөздеріне дыбыстық талдау жасату.

3-тапсырма. К дыбысын педагог 3-4 қайталап айтады.

Балалар қандай дыбыс естіп тұрсыңдар?

Балалар к дыбысын қайталап айтады.

К дыбысының дауыссыз айтқан кезде ерін ашылып, тілдің ұшы астыңғы тістің түбіне тиеді.

К – қатаң, дауыссыз дыбыс.

Сергіту сəті.

Балалар өлең жолдарын қимылмен қайталайды.

Қояным тұршы

Бетіңді жушы,

Айнаға қарашы,

Шашыңды тарашы!

Енді алға адымдап жүрші!

4-тапсырма. Кітап парағын К бейнесінде ашып көрсетеді. А.Бақтыгерееваның «Анаға сыйлық» өлеңі оқылып, мазмұны айтылады. Тек, күн сөздеріне дыбыстық талдау жасатылады.

Қорытынды

Смайлик арқылы бағалайды.

Мүсіндеу.

Күні: 12.10.17ж.

Педагогтің аты – жөні: Кащиева В.

Тақырыбы: Қарасаң көзің тоймайды, «Қыз Жібек» қандай.

Сабақтың мақсаты

Әлем халықтарының ұлттық ойыншықтары мысалында затқа қарап, елестетіп және ойдан құрастырып жапсырып мәнерленген образды сәндеу әдістерін пайдалану (рельеф, илеу, кескішпен ойып алу немесе қырып із салу). Жұмыс барысында жұмыс орнын, құралдарын ретке келтіру.

Күтілетін нәтижелер

Қыз Жібектің мүсінін жасайды;

Алақанның көмегімен ермексазды айналдыра домалақтап, шар жасай алады.

Бөліктердің пішінін келтіріп, бір-біріне мықтап бекітеді.

Саусағының көмегімен «өрнек» сала алады; бұйымдарды безендіреді;

Тілдік мақсаттар

Дағдыларын дамыту:

Ауызша сөйлеу қабілеті,

Сұрақтарға жауап беру;

Талдау, талқылау, қорытынды жасау;

Көптілділік: бойжеткен – барышня – miss.

Талқыланатын сұрақтар:

– Ойыншықтар қандай материалдардан жасалады?

– Ұлттық ойыншықтардың қандай түрлерін білесіңдер?

– Ойыншықтардың қандай ерекшеліктері бар?

– Ойыншықтар қандай қызмет атқарады?

Өткен сабақтан алған білім

Мүсіндеудің «сюжеттік», «заттық», «безендіру» сынды бағыттары туралы қарапайым түсініктер.

Жоспарланған уақыт

Жоспарланған іс-әрекет

Жағымды көңіл күй қалыптастыру

Мүсінші-Ермек балаларды халық арасынан шыққан шеберлермен танысу үшін ойыншықтар көрмесіне аттануға шақырады.

Балалар ойыншықтармен танысады және өздеріне таныс ойыншықтардың атауын атап көрсетеді.

Мақсатты тұжырымдау.

Ой қорыту.

Ойыншықтар бір-біріне ұқсамайтын, әртүрлі тәсілдермен жасалған.

Пікір: Қолөнер шебері атану үшін, әлбетте, оқу қажет. Ол үшін балаларды көне өнердің қыр-сырына баулитын «Шығармашылық мектептері» бар.

Тақырыб бойынша жұмыс

Әліппе-альбоммен жұмыс. Әліппе-альбомдағы үлгімен танысу.

Үлгілерді көрсету: «Қыз Жібек». Мүсінші суретке қарап, Қыз Жібектің мүсінін сомдаудың және оны қазақы ою-өрнектермен безендіруді ұсынады. (ермексаздан).

Қорытынды

Мадақтау

Жаратылыстану.

Күні: 15.10.18ж.

Педагогтің аты – жөні: Кащиева В.

Тақырыбы: Өсімдіктердің қандай түрлерін білесің?

Сабақтың мақсаты

Өсімдіктерді ағаштар, бұталар, шөптер тобына ажырату.

Күтілетін нәтиже

Әр топтан (шөпті, бұталар, ағаштар) 5-6 өсімдікті атай алады;

Органдардың құрылысы мен орналасу ерекшелігін көрсете отырып, өсімдікті сипаттай алады;

Өсімдік дамуының бірізділігін түсінеді.

Өсімдіктің әрбір органы атқаратын қызметтерді санап шығады;

Өсімдікті кесте бойынша сипаттайды

Тілдік мақсат

Дағдыларды дамыту:

Өзінің жинақтаған білімінің нәтижесінде баланың осы ҰОҚ-ның тақырыбын, танымдық іс- әрекетінің мақсатын анықтай білуін дамыту. Талқылау кезінде «қалай?», «неге?», «не үшін?»,

«бұл немен байланысты?», «егер..., не болады? деген сұрақтарды пайдалану.

Көптілділік:

шөптесін – травянистый – gramineous

Талқылау үшін сұрақтар:

Өсімдіктердің топтарын қалай ажыратуға болады? Ағаш туралы не білесіңдер?

Бұта арқылы өсетін өсімдіктерді кім атап береді? Шөптектес өсімдіктердің ерекшелігі қандай?

Өткен сабақтан алған білім

Өсімдіктің табиғаттағы, адам өміріндегі рөлі және олардың тіршілік қарекетіндегі үдерістердің ерекшеліктері; өсімдік түрлері туралы білім.

Жоспарланған уақыт

Жоспарланған іс-әрекет

Дұрыс әсерлі көңіл күй орнату

Шаттық шеңбері.

Қуанамын мен де,

Қуанасың сен де,

Қуанайық достарым,

Арайлап атқан күнге!

Армысың, Жер-ана,

Армысың, алтын күн,

Армысыңдар, балалар!

Көңіл күйлерің қалай

Мақсатты болжам

– Қазір жылдың қай мезгілі?

– Ауа райы бүгін қандай болып тұр?

– Сендер ағаш түрлерін атап бере аласыңдар ма?

Тақырып бойынша жұмыс

Өсімдіктерді қалай ажыратасың?

Өсімдіктің қандай бөліктерін көріп тұрмыз? Олар қандай жұмыс атқарады?

Өсімдіктің қандай бөліктерін біз көрмейміз? Өсімдік түрлеріне: ағаштар бұталар, шөптесін өсімдіктер жатады. Ағаштарға: емен, қайың, қарағаш, тал, жөке, жеміс ағаштары жатады.

Шөптесін өсімдіктерге: бақбақ, раушангүл, құлпынай, қоңыраугүл, қалампыр, қызғалдақ жатады.

Бұталарға: шырғанақ, жыңғыл, бөртегүл жатады.

Сергіту сәті:

Ормандағы аюдың,

Құлпынайы көп екен.

Теріп, теріп алайық,

Қалтамызға салайық!

Әліппе-дәптермен жұмыс.

1. Ағаштардың аттарын айтады.

2. Бұталарды айтады.

Шөптесін өсімдіктердің аттарын атайды

Қорытынды

Балаларды марапаттау