Мақсаты: Оқушыларға сыныптағы достықтың маңыздылығын түсіндіре отырып, сүйіспеншілік құндылығының мәнін ашу.

Міндеттері:

1. Білімділік: Оқушыларға адамдарға риясыз қызмет жасаудың маңыздылығы туралы түсіндіру.

2. Дамытушылық: Оқушылардағы шынайылық қасиеттерін дамыту.

3. Тәрбиелік: Оқушыларды айналасындағы адамдарға, жанашыр болуға тәрбиелеу.

Ресурстар:

(материалдар, дереккөздер)

1. https://kk.wikipedia.org

2. http://kz-minusovki.ucoz.kz

3. bilim-all.kz

Сабақтың барысы:

1. Ұйымдастыру кезеңі.

5 Т – ережесі:

1. Тәртіп.

2. Талап.

3. Тыныштық.

4. Тазалық.

5. Татулық.
   Балалар ережені есімізге түсіріп, сыныптың тәртібін сақтап, оқып - білуге талаптанып, тыныштықты орнатып, тазалықты сақтап, бүгінгі күнімізді татулықпен өткізейік.

Тыныштық сәті. Су асты патшалығына ойша саяхат. (Оқушылардан шеңбер құрып отыруды, қолдарын тізесіне немесе үстел үстіне қоюды, аяқтарын айқастырмауды өтініңіз. Арқаларын тік ұстауын қадағалаңыз. Жайлы, баяу музыка қойыңыз).

Мұғалім: Көзіңізді жұмыңыз және бірнеше рет терең тыныстаңыз; денеңізді босатыңыз. Бірнеше секундтан соң теңіз түбіне саяхат жасаймыз.

Теңіз жағасымен келе жатқаныңызды елестетіңіз. Толқындардың жеңіл шалпылына, шағалалардың шуылына құлақ түріңіз. Жалаң аяқтарыңызбен құмды сезініңіз. Шалғайдан қара нүкте көріп тұрсыз: ол жақындаған кезде дельфин екенін түсіндіңіз. Ол сізді теңіз түбіне алып кету үшін келді. Ол өте әдепті жәндік, сізді шыдамдылықпен күтіп тұр. Жайлап оның арқасына отырыңыз, мықтап ұстап, жолға шығыңыз. Дельфиннің арқасында жайланып отырып, өзіңді қауіпсіз сезіну, су астында жүзу қандай керемет. Жан-жағыңызға қараңыз: мұнда кемпірқосақ тәрізді арлы-берлі жарқырай қалқыған әсем балықтар қаншама. Теңіз түбіне бойлаған сайын айнала қалайша өзгереді, суда тербелген қаншама ғажайып балдырлар. Қараңызшы, қандай орасан зор балықтар, ал енді анау жаққа көз тастаңыз... бұл орасан зор сегізаяқ. Су асты неткен қызықты әрі ғажап әлем. Сіз бір нәрсені байқадыңыз ба? Мұнда неткен тұңғиық, толық тыныштық. Осы тыныштық күйде болыңыз.(Мұғалім бірнеше секунд үнсіз қалады).

Ал қазір жоғарыға, өз әлемімізге кері қайтуға дайындалыңыз. Айналаға жіті қараңыз. Ғажап түстерге тағы бір рет қараңыз және тыныштыққа құлақ түріңіз. Осындай тыныштық сізге самалдай әсер береді. Енді дельфин кері қарай жолға шықты. Сіз су бетіне шықтыңыз, жағаға жақындадыңыз. Дельфиннің арқасынан түсіңіз, оны сипалаңыз және осындай ғажап саяхатқа апарғаны үшін ризашылық білдіріңіз.

Сыныпқа оралыңыз және өз орныңызға келіңіз. Бірнеше секундтан соң көзіңізді ашыңыз, осы түйсінген тыныштықты өз бойыңызда сақтауға тырысыңыз. Рахмет!

2. Үй тапсырмасын тексеру.

1. №18 – сабақ. Оқулықта берілген 2 – тапсырманы орындау.

2. Келесі сабақ. №19, «Аптаның ақырғы күндері» мәтінін оқып келу.

Сұрақтар:

1. «Дос», «Достық» туралы ойларыңды мәтінмен байланыстырып ортаға салыңдар.

2. Достар арасындағы ізгі қарым – қатынасқа кедергі келтірмеу үшін не істеуіміз керек?

3. Достар арасындағы сенім мен құрмет қайткенде тереңдей түседі? Ол үшін не істеуіміз керек?

4. «Досы көппен - сыйлас, досы жоқпен - сырлас» дегенді қалай түсінесің?

3. Сабақтың дәйексөзі.

(Ұл балалар бір рет оқиды, қыз балалар бір рет оқиды, барлығы бірге қайталайды)

Айнымас досы бар адам – ең бақытты адам.

Халық мақалы

1. Досқа адал, қамқор болу үшін адам бойында қандай қасиеттер болуы тиіс деп ойлайсыңда?

2. Дәйексөзден қандай ой түйдіңіз?

4. Оқиға айту (Мұғалім сыйы)

Д остық

Ертеректе ел ішінде Әйтімбет деген сөзге шешен кісі болыпты. Бір отырыста Әйтімбет шешенге замандастары:

– Достық нешеу? – деп сұрақ қояды. Сонда Әйтімбет тұрып:

– Достықтың екі түрі болады. Бірі – адал достық, екіншісі – амал достық.

– Дұрыс-ақ. Енді қалай ажырата аламыз? – дегендерге:

– Адал достық – өмірлік нұсқа болады, амал достықтың өрісі қысқа болады, – деп жауап берген екен Әйтімбет.

Сұрақтар:

1. Әйтімбет шешеннің достықтың түрлері туралы айтқан сөзін қалай түсіндіңдер?

2. Адал дос бола білетін адамның бойынан қандай құндылықтар мен қасиеттер көрінеді?

3. Қандай адамдардың адал достары көп болады?Неліктен?

4. Өздеріңнің достықты қалай бағалайтындарыңды әңгімелеп беріңдер.

5. Шығармашылық жұмыс, топпен жұмыс.

Оқушылар төрт топқа бөлінеді.

Тапсырма: «Мақалды аяқта»

1 – топ: «Ынтымақ»

1. Тірлік, тірлік түбі – ....

2. Ағайын тату болса – ат көп,
   Абысын тату болса – ... ....

3. Теңге – тиыннан,
   Ынтымақ – ....

4. Ынтымақ түбі — ....

Бірлік, ас көп, ұйымнан, игілік.

2 – топ: «Татулық»

1. Бір жеңнен қол шығар,
   ... бас шығар.

2. Қырық кісі — бір жақ,
   ... кісі — бір жақ.

3. Ынтымақ — бұзылмайтын ...,
   Қосылып еккен ағаш — орман.

4. Аздың азаншысы болғанша,
   Көптің ... бол.

Бір жағадан, қыңыр, қорған, қазаншысы.

3 – топ: «Бірлік»

1. Күш — ....

2. Саусақ ... —
   Ине ілікпейді.

3. Итпен ит ырылдасса
   Тамағының тоқтығы.
   Жігітпен жігіт қырындасса
   ... жоқтығы.

4. ... күші — бірлікте.

Бірлікте, бірікпей, ынтымағының, тірліктің.

Топпен ән айту.

Қайрат Нұртас.

Ой ойлатқан талай -талай өтті күндер алыс,

Міне бүгін бізде үй-жай, ол да біздің парыз.

Өз үйіміз бір отан бір береке,

Қандай қызық бір қыдырсаң жанұямен бірге.

Қайырмасы:

Аман болсын ата-анамыз бізді өсіріп баптаған,

Аман жүрсін баурымыз алыстағы аңсаған.

Берік болсын босағамыз, отауымыз қосылған,

Ең керегі тату-тәтті болсын менің жанұям.

Адал жаным сен қолыма гүл боп біттің менің,

Тосу менен өтті талай күні менен түнім,

Шарашап келсем жұмыстан мен үйге,

Жадырап сен қарсы аласың нұрын шашқан күнім

Қайырмасы:

Аман болсын ата-анамыз бізді өсіріп баптаған,

Аман жүрсін баурымыз алыстағы аңсаған.

Берік болсын босағамыз, отауымыз қосылған,

Ең керегі тату-тәтті болсын менің жанұям.

Жанұяның бір қызығы арадағы бала,

Онсыз үйде болған емес құт- береке сірә,

Жастайымнан еркелетіп өсірген,

Аман болшы теңдесі жоқ Ата менен Ана!

Қайырмасы:

Аман болсын ата-анамыз бізді өсіріп баптаған,

Аман жүрсін баурымыз алыстағы аңсаған.

Берік болсын босағамыз, отауымыз қосылған,

Ең керегі тату-тәтті болсын менің жанұям.

7. Үй тапсырмасы.

1. №19 – сабақ. Оқулықта берілген 2 – тапсырманы орындау.

2. Келесі сабақ. №20, «Қоңыр күз еді» мәтінін оқып келу.

8. Сабақтың қорытынды сәті.

Тыныс алуға зейін қою.

Баяу музыка қойылады.

Мұғалім: Сіздерден аяқ-қолыңызды айқастырмай, түзу отыруыңызды өтінемін. Біз қазір тыныс алу жаттығуын жасаймыз. Тыныс алуға зейін қойған кезде, біздің ақылымыз дем алады. Ауаны ішке жұту кезінде тыныштық пен қуаныш қабылдаймыз. Демді сыртқа шығарған кезде өзіміздегі мазасыздықтарды сыртқа шығарамыз.

Кәне, дайындалайық, балалар. Көзімізді жұмамыз..., арқамызды тіктейміз..., қолдарыңды тізеге қоюға болады...

Д е м а л..... ш ы ғ а р... (жаймен 9-10 рет) немесе 1..................2 [3].

Бүгінгі сабақтан игерген жақсы қасиеттерді есімізге түсіріп, жүрегімізге сақтайық.