сабақ жоспары.Жасушалардың органикалық заттары 8 сынып

Әзірлеуші:А.Т.Орайханова

№59 МГ биология пәні мұғалімі.

Алматы қаласы Білім басқармасының

ҚББЖҒТӘО қолдауымен ұсынылып отыр

биология пәні бойынша 8 сынып оқушысының өзіндік жұмысының жоспары

I тоқсан: Сабақтың нөмірі: №4

Сабақтың тақырыбы: § 3. Жасушаның органикалық заттары: полимерлер мен мономерлер

1. Осы сабақ арқылы жүзеге асырылатын оқу мақсаттары: 8.4.1.1 биологиялық мысалдарды пайдаланып, полимерлер мен мономерлер арасындағы айырмашылықты сипаттау

2. Сабақтың мақсаттары: полимерлер мен мономерлерді сипаттайды арасындағы айырмашылықты анықтайды.

3.Қысқаша тезисті конспект: Жоғары молекулалы қосылыстарды қысқаша ЖМҚ деп стандартты атауға немесе «полимерлер» деп атайды. Полимерлер (грек. «поли» – көп, «мерос» – бөлшек) – ондаған және жүздеген мың, кейде миллиондаған атомдардан тұратын үлкен молекулалар. Атомдар санының өзгеруіне қарай макромолекулалардың сапалық қасиеттерінде де ерекшеліктері болады. Химиялық таза полимерлердің макромолекулалары қайталанып отыратын құрылым буындарынан құралады.

Құрылым буындарының саны полимерлену дәрежесі – n деп аталады, оның сан мәні 1000-нан 1 млн-ға жуық болуы мүмкін. Іс жүзінде кез келген полимерлер – құрамы және химиялық құрылысы бірдей, тек құрылым буын саны әртүрлі бірнеше макромолекуланың қоспасы. Егер құрылым буындары әртүрлі болса, онда сополимер деп атайды.

Полимер синтезделетін кіші молекулалы зат мономер деп аталады.

4.Оқулық беттеріне, Интернет-ресурстарға сілтеме:8 сынып ,биология 2018 ж 15-17 бет 5.Оқушыларға арналған тапсырмалар:

Оқулықтыі 17 бетіндегі 1-2тапсырманы дәптерге орындаңдар. 1 тапсырмада өз пікірлеріңді жазыңдар. 2 тапсырмада ретті және ретсіз полимерді анықтап жазыңдар.