Сабақ "Шәкәрім Құдайбердіұлы поэмалары. "Қалқаман - Мамыр" 8-сынып

Сабақтың тақырыбы: Шәкәрім поэмалары. «Қалақаман – Мамыр»

Сабақтың мақсаты:

а) Шәкәрім поэмалары туралы түсінік бере отырып,ерлікке,адамгершілікке баулу;

ә) тәрбиелік мәні бар мысалдар келтіре отырып оқушыларды елін,жерін,Отанын сүюге тәрбиелеу;

б) оқушылардың білімін бақылау арқылы мәнерлеп оқуға, шығарманы талдай білуге дағдыландыру;

Сабақтың түрі: аралас сабақ

Сабақтың әдісі: сұрақ-жауап, түсіндіру,топтау , т.б

Сабақтың көрнекілігі:, кітаптар,үнтаспа, дидактикалық материалдар т.б

Пәнаралық байланыс: тарих, қазақ тілі

Сабақтың барысы: а) Ұйымдастыру кезеңі:

Оқушылармен амандасу,түгендеу. Оқушылардың зейінін сабаққа аудару. «Ақ тілек» тренингі арқылы бүгінгі сабаққа, бір-біріне тілек тілейді.

ә) Үй тапсырмасын пысықтау:

Үйге берілген Шәкәрімнің өмірі, шығармашылығы туралы сұрау. «Қарлы кесек» әдісі арқылы оқушылар бір-біріне сұрақ қойып, жауаптасады.

б) Жаңа сабақты түсіндіру:

Шәкәрім мұрасының қомақты саласы –поэмалары. Ақынның «Еңлік –Кебек» (1891), «Қалқаман-Мамыр» (1888) дастандары қазақ елінің тұрмыс , тарихынан жазылған. «Ләйлі-Мәжнүн» дастаны нәзира дәстүрі негізінде,шығыс аңызы желісімен шығарылған. «Еңлік –Кебек» , «Қалқаман-Мамыр» дастандары -сүйіспеншілікті, адал махаббатты, таза сезімді жыр еткен шығармалар. Ел аузындағы махаббат аңыздарын ақын суреткерлік шеберлікпен жырлап, жеке бас трагедиясынан халық трагедиясын көтереді.

Кітаппен жұмыс: Әр топқа дастанды бөліп, оқып, «Хикая картасын» толтыруға уақыт беремін. «Джигсо» әдісімен әр топ спикерлері бір –бірлеріне әңгімелеп береді. Сөйтіп дастанды толық түсініп, әрі қарай талдау жұмыстарына кіріседі.

Топпен жұмыс:

1. Топ. «Жылдар сөйлейді» айдарымен ақынның өміріне, шығармашылығына қатысты жылдар мен оқиғаларды толтырады.

2. Топ. «Кейіпкерлер» айдарымен дастанның кейіпкерлеріне тоқталып, мінездеме береді.

3. Топ. «Менің ойымша...» дастандағы оқиғаға өз көзқарасын жазу

Білімді бекіту:

«Ыстық орындық» әр топтан бір оқушы бүгінгі тақырыпты қалай меңгергенін, өз ойын көркем тілмен қорытындылайды.

Білімді бағалау: Әр топ спикері өз тобындағы оқушыларды бағалайды, мен ол бағаға көзқарасымды білдіремін.

Үйге тапсырма: Шәкәрімнің . «Еңлік –Кебек» поэмасын оқып, «Венн диаграммасына» салып, екі поэманы салыстыру.