Коучинг сабақтың тақырыбы

Сабақтағы кері байланыс

Жалпы мақсаты

Әріптестер арасында оқыту мен оқуды жетілдіру үшін оқушылардың рефлексивті іс-әркетінің тиімділігі туралы тәжірибе алмасу арқылы тиімді ұйымдастырылған кері байланысты маңыздылығын ұғындыру, тәжірибелеріне енгізуге бағыт - бағдар беру

Күтілетін нәтиже

Сабақтағы кері байланыстың тиімділігін түсінеді. Күнделікті сабақ соңында оқушылардан кері байланыс алады. Келесі сабақтың жоспарын құруда, оқушылардың ұсыныстарын ескереді. Әрбір мұғалім өзіне есеп беруге дағдыланады.

Әдебиет

1. Мұғалімге арналған нұсқаулық.

2. Үлестірме материалдар

3. А. Әлімов. «Интербелсенді әдістемені ЖОО - да қолдану мәселелері» атты оқу құралы, Алматы 2013ж.

4. А. Әлімов. «Оқытудағы ИНТЕРБЕЛСЕНДІ әдіс - тәсілдер»

Астана, 2014ж.

Уақыт

Коучтің әректі

Тыңдаушылардың әрекеті

10: 50 - 10: 55

1. Топтау: COFFEE - BREAK әдісі арқылы топтау. Тыңдаушыларға түрлі - түсті ыдыспен кофе ұсынылады. Әрбір тыңдаушыға жылы - шыраймен ұсыну. Тыңдаушыларға енді кофелерін өз туыстарымен бірге ішу ұсынылады. Бұл топтау тыңдаушылар арасында жылы қарым - қатынас орнатуға тиімді

Өз ыдыстарының түсіне байланысты 5 адамнан бір топ құрап отырады.

10: 55 - 11: 05

2. Слайдпен жұмыс:

Рефлексия мен кері байланыс туралы мәлімет беру.

3. Іс - тәжірибеден көрініс:

1. Мұғалімнің түснікті бағалауы, кері байланысымен. Яғни мұнда мұғалім не үшін тиісті бағаны қойғандығы жөнінде бағадан соң қысқаша кері байланыс жасаған.

2. Оқушыға түсініксіз бағалау түрі.

Бұл жұмыста оқушы не үшін тиісті бағаны алғандығы жайлы еш ақпарат жазылмаған.

Тыңдаушылар бұл жұмыс түрлерін көріп, өз ойларын ортаға салады, пікірлеседі.

11: 05 - 11: 15

3. Топтық жұмыс:

«Сабақта кері байланыстың тиімділігі». 4 топ осы тақырыпта өз жұмыстарын қорғайды.

Жұмысты түрлі бағытта қорғау ұсынылады. Барлық топты формативті бағалау.

Топ ішінде бірігіп жұмыс жасайды, диалогқа түседі, талқылайды.

11: 15 - 11: 20

4. Сабақтағы кері байланыстың қандай мақсатпен алынатыны жайлы, оның қандай түрлері болатыны жайлы мәлімет беру.

Тыңдаушылар кері байланыстың түрлерімен танысады.

11: 20 - 11: 23

5. Кері байланыстың мұғалімдер және оқушылар үшін маңызы жайлы мәлімет беру.

Талқылайды.

11: 23 - 11: 26

11: 26 - 11: 32

6. Кері байланысты ұсынғанда және оны алғандағы ұстанатын басты ережелермен таныстыру.

7. Қазіргі кезде сабақта қолданылатын кері байланыс түрлерімен таныстыру, әрқайсысын жете түсіндіру.

30 түрімен таныстыру.

Ережелермен танысады, өз ойларын қосады.

Сабақтарда қолданылатын түрлі кері байланыс түрлерімен танысады, талқылайды

11: 32 - 11: 36

7. Сабақтарда оқушылардан алынған кері байланыс түрлерімен таныстыру.

т. б түрлерімен таныстыру.

11: 36 - 11: 46

8. Шығармашылық жұмыс:

Әрбір топ ерекше бір кері байланыс түрін ойлап табу. Формативті бағалау.

Топ ішінде ерекше кері байланыс түрін шығарады.

11: 46 - 11: 52

9. Ширату. Алдын ала қатысушылар отыратын столдар астына «Ана», «Бала», «Хит» деген парақшалар жапсырылады. Аты айтып тұрғандай әр топ өз тақырыптары бойынша өлең айту керек. Бұл жаттығуда тыңдаушылар біраз сергіп қалады.

Әр топ тақырыптарына сәйкес өлең шырқайды.

11: 52 - 11: 56

10. Кері байланыс парағын толтыру. Бұл жерде әрбір тыңдаушы өтілген коучинг жұмысына, коучке кері байланыс жазады.

Коуч ұсынған кері байланыс парақшасын толтырады.

11: 56 - 12: 00

11. Қатысушыларға белсенділіктері үшін алғыс айтып, ерекше көзге түскендерін мадақтап, өтілген коучинг материалдары салынған дискіні алғыс айтып таратып беру.

Коучинг материалы салынған дискіні алады, бағаланады.