С.Қырықбаева атындағы орта мектебінің 2016 жылдың қантардын 6-шы күні өтетін «Шынықсан шымыр боларсың» атты көнілді спорттық жарыстараның спорттық іс-шарасы

Жарыстың өтілу жоспары

Тақырыбы: Шынықсаң шымыр боласың!

Мақсаты: Салауатты өмір салтын ұстануға баулу. Спортқа деген қызығушылығын арттыру.

Міндеті: Әр түрлі спорттық ойын түрлерімен танысу, тәсілдерін меңгеру;

Оқушылардың икемділігі мен ептіліктерін, мергендік пен шапшаңдылық қабілеттерін дамыту.

Түрі: Эстафеталық ойын

Көрнекілігі: түрлі - түсті шарлар, доптар, кедергілер, жалаушалар, ысқырық, уақыт өлшеуіш.

Құрметті мұғалімдер, оқушылар бүгінгі «Шынықсаң шымыр боласың!» сайысына қош келдіңіздер!

Көңілді жарысқа1, 2, 3, 4 сынып оқушылары қатысады.

Жарысқа қатысушыларды ортаға шақырамыз.

Бүгінгі сайыста 4 топ қатысады.

Ұстанған салауатты өмір салтын,

Жасқанып, ешқашан да мойымайтын,

Болашақ спортшылар келді ортаға

Қол соғып қарсы алайық, қане, халқым!

- Сайысты бастамас бұрын, сайысымызға әділ баға беретін әділқазылар алқасымен таныстырайық.

- Спорттық сайысымыз 5 балдық жүйемен бағаланады.

І кезең: «Секіргіштер сайысы» Шарты: Секіртпемен кедергілер арасымен белгіленген жерге дейін секіріп барып, секіріп қайту.

ІІ кезең: «Ақ қала» Шарты:

1. Үлкен резеңке доптың үстіне отырып секіріп жарысу.

2. Допты жерге ұрып жүгіру.

3. Футбол добын теуіп бару.

4. Допқа шелек кигізу.

ІІІ кезең: «Тоннель» Шарты: Әр топқа матадан жасалған туннель беріледі. Әр ойыншы туннель арасынан өтіп, белгіленген жерге дейін жүгіріп, орнына келеді.

ІV кезең: «Дартс» Шарты: Дротиктерді лақтырып, тиген жердегі сан есептелініп, сол бойынша қай топтың ұпайы көп, сол топ сол шарттың жеңімпазы болады.

V кезең. «Мергендер». Шарты: Әр ойыншы белгіленген жерге дейін кедергілер арасымен жүгіріп, ілініп тұрған шарды атады. Қанша шар жарғаны саналады.

Құрметті сайыскерлер, шарттар түсінікті болса сайысымызды бастаймыз!

Сіздерге сәт сапар!

1 - Топтың ұраны: Спортпен достас, жалқаулықпен қоштас.

2 - Топтың ұраны: Бәріміз – біріміз үшін, біріміз – бәріміз үшін.

3 - Топтың ұраны: Салауатты өмір салтын сақтаймыз,

Жаттығудан ешқашан да қашпаймыз.

4 - топтың ұраны: Парасатты, айбынды,

Боламыз біз сегіз қырлы, бір сырлы.

Әр кезең сайын әділқазылар өз бағасын береді.

Көрсетті міне өз өнерін балалар,

Сайыстың да соңы келіп таянар.

Жеңімпазды анықтайық қанекей,

Әділқазы сайысты әділ бағалар,

- деп, сайысымыздың шарттары бойынша қорытынды шығарып жеңімпаздарды анықтап, марапаттау үшін сөз әділқазыларға беріледі.

Спорт – көркі өмірдің,

Спорт - досың, серігің.

Жаттықсаң шымыр боларсың,

Шынығып, өсіп, толарсың, - демекші салауатты өмір салтын ұстанып, спортты серік етейік!

«Шынықсан шымыр боларсың» көңілді старт жарысының

ХАТТАМАСЫ

Күні:___________ Өтетін орны:_____________

Әділ қазы мүшесі : ______________________________________________

Әділ қазы қолы: ______________________________________________