Сәкен сері Жүнісов

Тербетілген Кішкенекөл бесігінде

Алтын әріптер тұру керек есіміңде

Туған жерің жасыра алмай сағынышын

Өтіп жатыр өмірдің көші күнде

Ежелден киелі ғой Көкше жері

Аты шыққан әйгілі Кішкене көлі

Ақан сері ақынның жолын қуып

Жүнісов атаныпты Сәкен сері

Әсем сөзбен жеткізген ақ қараны

Серілер ел есінде сақталады

Бағалап еңбегіңді Қазақ елі

Маңдай тер тамшыларың ақталады

Өмірдің жазып жақсы жаманын

Орындалды.Тек биікте талабың

<<Жапандағы жалғыз үй>> романыңмен

Суреттедің сол дәуірдің заманын

Қиын кездер өткізген азабы мұң

Көтердің әдебиетін қазағымның

Өзіңіздей жазушы тумас сірә

Өмірді өзгеріссіз жазатын шын

Ана тілдің құдіретін сезініп

Талай түнде көрмедің-ау көз іліп

Сол еңбегің ұмытылмас ешқашан

Бағаласа өскелең жас тез ұғып

Өлең жырмен шындықты ақтарамын

Дарын келіп өшпесе бақ талабым

Қазақ әдебиеттің классигі атанған

Сәкен сері Жүнісовпен мақтанамын

Талды мекен жас ағып жанарыңнан

Төгілді ғой талай сөз қаламыңнан

Мәңгі өшпейді елімдегі ерлер ғана

Қатпар-қатпар тарихтың парағынан

Тілеуберді Алданышұлы 07.09.2020