Салауатты өмір салтын сақтаймыз

Дене тәрбиесі пәні мұғалімі Жалелов Жонас Ибатович

Батыс Қазақстан облысы

Ақжайық ауданы

Бітік мектеп-бөбекжай кешені

Шара тақырыбы: Біз салауатты өмір салтын сақтаймыз

Мақсаты: Салауатты өмір салтын сақтау, оқушылардың өнер мен денсаулық туралы түсінік беру. Денсаулықтың негізі қимыл, спорт, дұрыс тамақтану, таза ауада жүру екенін балаларға ұғындыру.

Түрі: ашық шара

Әдісі: спорттық ойын түрлері

Көрнекілігі: доп, ысқырық, турник, мат, т.б.

Ұйымдастыру кезеңі:

-Оқушылардың дайындығын қадағалау.

-назарын жарысқа аудару.

Мұғалім: Елбасымыз Нұрсұлтан Назарбаевтың «Қазақстан -2030 »

стратегиялық даму бағдарламасындағы халқына жолдауында «Қазақстанның әрбір азаматының денсаулығы мықты, хал –ахаулы жақсы болуы тиіс » деп атап көрсеткен.

  Сол бағдарламаға негізінде денсаулық күніне орай бүгінгі өткізіліп отырған « Біз салауатты өмір салтын сақтаймыз »атты спорттық шарамызға қош келдіңіздер.

Бүгінгі шарада 5-9-сыныптар аралығында 5 топқа бөліну  арқылы өз салауаттылығымызды ортаға саламыз.

Сонымен, І бөлім: Таныстыру (Әр сынып өз топтарымен таныстырады)

ІІ бөлім - « Бірінші байлық-денсаулық » сұрақ-жауап кезеңі.

ІІІ бөлім – «Дене қимылы-дәрісіз ем,

Шыныға жүріп дертті жең»

Әр сыныптан бір оқушыдан шығып, сыныптық ерекшеліктеріне қарай дене көтеріп, турникке тартылудан жарысады.

ІY бөлім – «100 метрге жүгіру» жарысы

Әр сынып жас ерекшелігіне уақыт есебіне жүгіреді

Y бөлім – «Ептілікті сынайық, Денсаулықты шыңдайық» эстафеталық ойыны

Топтар допты екі аяқтың арасына қысып ұстап, межеленген жерді айналып келіп, допты топтың келесі мүшесіне тапсыруы тиіс. Ойын топ мүшелері толық қатысып шыққанша жалғасады

YІ бөлім - «Білегіңе ғана сенбе, біліміңе де сен!»

1.Топтың бір мүшесі ортаға шығып, берілген денсаулық туралы өлең жолдарын екі рет жүргізушінің айтуы бойынша тыңдап, үшіншіде өзі жатқа айтуы керек

2. Сол өлең жолдарын тобына қорытынды ұран ретінде жатқа айтқызу (5 минут жаттату)

Қорытынды бөлім

Денсаулық дегеніміз- адам өміріндегі ең үлкен байлықтың бірі, денсаулықтың арқасында адам еңбек етіп,жетістікке жетеді және жақсы өмір сүреді.Денсаулықты сақтап, оны нығайтуға әрбір адамның өзіңе ғана байланысты. Салауатты өмір салты - біздің болашағымыз.

Топтарды мадақтау (Әділ қазыларға сөз беру)

Сонымен, бүгінгі 5-9-сыныптар аралығында «Біз салауатты өмір салтын сақтаймыз» атты ашық шарада дене қуатын сынға салып жеңімпаздарымызды анықтадық. Бірақ спортпен шұғылданған әрбір жас өмірдің шынайы жеңімпазы екенін айтқым келеді. Қатысушыларға рахмет айтып, жарысымызды салтанатты түрде жабық деп жариялаймыз.