Пәні: Информатика

Сабақ: 27 Сынып: 5 «Б» Күні: 2.04.2014 ж

Сабақтың тақырыбы: Сандық ақпараттарды өңдеу. Калькулятор

Сабақтың мақсаты:

1. Білімділік: Оқушыларды калькулятор программасын таныстыру,

калькуляторды іске қосуды онымен жұмыс жасауды және сандық ақпараттарды өңдеуді үйрету, арифметикалық амалдарды қолданып есептер шығару.

2. Дамытушылық: Компьютердің басқа программаларын меңгерте отырып,

логикалық ойлау қабілетін дамыту, өз ойын жүйелей жеткізе алуға дағдысын қалыптастыру, оқушылардың шеберліктерін, тапқырлықтарын бақылау.

3. Тәрбиелік: Компьютермен жұмыс істеу барысында ұқыптылыққа баулу,

қауіпсіздік ережесіне байланысты балаларды сақтыққа үйрету, информатика пәніне деген оң көзқарас пен қызығушылығын арттыру.

Сабақтың типі: Көрсете отырып түсіндіру

Сабақтың түрі: Аралас сабақ

Сабақтың көрнекілігі: Дербес компьютер, электрондық оқулық, Интерактивті тақта, слайд.

Сабақтың жоспары:

І. Ұйымдастыру кезеңі

ІІ. Үй тапсырмасын сұрау

ІІІ. Үй тапсырмасын бекіту

IV. Жаңа сабақ

V. Жаңа сабақты бекіту

VI. Сабақты қорытындылау

VII . Бағалау

VIIІ.Үйге тапсырма

Сабақтың барысы:

І. Ұйымдастыру кезеңі

1) Оқушылармен амандасу

2) Оқушыларды түгендеу

3) Сабаққа дайындықтарын тексеру

ІІ. Үй тапсырмасын сұрау. Тест арқылы

1. WordPad бағдарламасы қандай редактор?

■ графикалық

■ мәтіндік

■ кестелік

2. Мәтін үзіндісін көшіру үшін қай команданы орындаймыз?

■ Правка - Копировать

■ Правка - Вырезать

■ Правка – Вставить

3. WordPad - ты қосу үшін орындалатын әрекет қайсы?

■ Пуск – Стандартные – WordPad

■ Пуск – Все программы – WordPad

■ Пуск – Все программы – Стандартные – WordPad

4. Бұрын сақталған құжатты ашу командасы:

■ Файл – Окрыть

■ Файл – Создать

■ Файл – Сохранить

5. Блокнот қандай программа?

■ өте кішкентай мәтіндік редактор

■ мүмкіндіктері зор мәтіндік редактор

■ кестелік процессор

6. Мәтін үзіндісін қиып алу үшін қолданылатын команда

■ Правка - Копировать

■ Правка - Вырезать

■ Правка – Вставить

7. Мәтін терудің неше ережесі бар?

■ 9

■ 8

■ 7

ІІІ. Үй тапсырмасын бекіту

1. Қарапайым мәтіндік редактор дегеніміз не?

2. Қарапайым редактор мен графикалық редактордың айырмашылығы неде?

3. Аралас құжаттарды қалай құрамыз?

4. Құжаттарды қалай сақтаймыз?

IV. Жаңа сабақ

Ребусты шеш:

’’’’’’’ ‘‘‘ ’ ‘‘ ’’’’

‘‘ ’’ ’’’’ ‘‘ ’ ’’’’’ ’ ‘‘ ’’’

’

Түсіндіру, баяндау

Сандық ақпаратты өңдеу. Калькулятормен жұмыс жасау. Компьютердің сандық ақпаратпен жұмыс істеуін WindowsXP - дің Калькулятор қолданбасының көмегімен көрсетуге болады. Бұл қолданбалы программа кәдімгі электрондық калькулятордың жұмысын модельдейді. Калькулятор қолданбасы компьютердің сандық ақпаратпен жұмысын: бір жүйеден екінші жүйеге сандарды аударуды, логикалық арифметика принциптерін, есептеу дәлдігін және т. б. тереңірек игеруге мүмкіндік береді.

Жүйеде калькулятордың екі түрі бар: қарапайым және инженерлік. Калькуляторды іске қосу үшін, мынадай тізбекті орындаймыз: Іске қосу – Программалар – Стандартты – Калькулятор.(Пуск – Все программы – Стандартные – Калькулятор)

Мұны орындағаннан кейін, экранда калькулятордың терезесі пайда болады. Егер калькулятор бірінші рет қосылса, онда Қарапайым калькулятор шығады.

Экрандағы калькулятордың түрі кәдімгі қалта калькуляторының түріне ұқсайды, тек оған тақырып жолы мен меню жолы қосылған.Қарапайым калькулятор арифметикалық амалдардан басқа санаулы әрекеттерді және бірнеше функцияларды ғана орындайды. Калькулятордың бір түрінен екінші түріне ауысу Түр (Вид) менюінен оның сәйкес түрін таңдау арқылы орындалады. Бұл калькулятордың жұмыс жасаудың принципі кәдімгі калькулятормен

жұмысістеумен бірдей. Сандарды және командаларды калькуляторға енгізу тышқанның сол жақ батырмасымен калькулятордың батырмаларын шерту арқылы орындалады.

V. Жаңа сабақты бекіту:

«Ойнай отырып, ойлай отыр» ойыны

№3 тапсырма. Есепте:

VI. Сабақты қорытындылау:

1. Сандық ақпараттарды өңдеу дегеніміз не?

2. Калькулятор программасын іске қалай қосады?

3. Калькулятордың неше түрі бар?

4. Калькуляторды бір түрінен екінші түріне қалай ауыстырады?

5. Арифметикалық амалдарды ата?

VII . Бағалау

VIIІ. Үйге тапсырма:

§27 - §28 сандық ақпараттарды өңдеу. Калькулятор.

191-199 бет оқу. «Калькулятор» сөзіне байланысты сөзжұмбақ құрастырып келу.