Сақ бол, жасұлан!

Ә.Жангелдин атындағы орта мектебі

Сақ бол, жас ұлан!

(жас жол инспекторлар сайысы

3-4 сыныптар)

Шалқар қаласы

2016-2017 оқу жылы

Тақырыбы: Сақ бол, жас ұлан!

Мақсат: Оқушылардың жолда жүру ережесін білуін анықтау. Өзара сайыста жол ережесі туралы білім-білік дағдыларын тексеру, шапшаңдыққа, жолда жүру ережесін сақтауға тәрбиелеу.

Көрнекілігі: Тақырып жазылған плакат, шарлар, велосипед, кедергілер.

Барысы

І Ұйымдастыру

Сайыс өтілетін орынды дайындау.

ІІ Кіріспе

Сәлеметсіздер ме, құрметті ұстаздар, оқушылар, жас жол инспекторлары. Бүгінгі «Сақ бол, жас ұлан» жас жол инспекторлар сайысына қош келіпсіздер.

Бүгінгі қоғамда әр адам мейлі ол жас немесе қарт адам болсын, жолда жүру ережесін білу өте қажет. Себебі бұл өмір қауіпсіздігінің бірден-бір кепілі. Бүгін біз сайысымыз арқылы біздің оқушылардың жолда жүру ережесін қаншалықты білетіндігін және сақтайтындығын аңғаратын боламыз. Ендеше, сайысқа қатысушы командалармен таныстыруды рұқсат етіңіздер.

4 «а» сыныбынан құрылған « » командасы

4 «б» сыныбынан құрылған « » командасы\

4 «в» сыныбынан құрылған « » командасы\

3 «а» сыныбынан құрылған « » командасы

3 «б» сыныбынан құрылған « » командасы

Алдымен бүгінгі сайысқа төрелік ететін қазылар алқасымен таныстырып өтейік.

қазылар алқасымен таныстыру

III.Негізгі бөлім

Бүгінгі сайыс төмендегідей бағдарламада өтеді.

1. Саппен жүріс

2. Эрудиттер сайысы

3. Қауіпсіз дөңгелек

4. Жас реттеуші

5. Командирлер сайысы

Сонымен қатар қатысушылардың киімдеріне ,саптағы тәртібіне де мән берулеріңіз сұралады.

Арманға алға күткен асығармыз,

Біз қалай толқын атпай басылармыз,

Бүгінге бізге келген қонақтарға

Басталсын сайысымыз сәлемменен.

Ендеше, бірінші кезең «Саппен жүрісті» бастаймыз. (әр команда саппен ән айтып өтеді).

Ғылым-білім жиғаны бұрынғынынң,

Білерсің өте келе құнын мұның,

Көшеде жүре білу,

Кішіге білгеніңді ұғындыру.

Келесі кезекте «эрудиттер» сайысы. Әр команданың эрудиттерін ортаға шақырамыз. (оқушыларға жол қозғалысы ережесі, жол белгілері туралы сұрақтар беріледі).

Көше деген мың ирек,

Үйренейік біртіндеп,

Барар жерге асықпа,

Бәйге алмайсын бұрын кеп.

Қиналмай-ақ жаттайсың

Ғұмыры еске сақтайсың.

Велосипед деме, қалқам жуас ат,

Ешкім оны тепкен де жоқ туа сап,

Алға қара, сенімді бол қолыңа,

Онда сенің тосқауыл бар жолыңда.

Әрине, велосипед тебе білу де өнер, сонымен қатар, спорттың қазіргі таңдағы дамыған түрі. Келесі кезекте «Қауіпсіз дөңгелек» сайысы. Мұнда әр команданың велосипедшілерін шақырамыз. 1-ші велосипедші мәнерлеп теуіп шығады, 2-ші велосипедші кедергілерден өтеді. Ендеше, іске сәт!

Ортаға әр команданың жол реттеушілерін шақырамыз (жол реттеушілерінің қимылын көрсетеді. Команданы сайыс жүргізушісі беріп тұрады).

-Балалар, егер біз жолда жүру тәртібін бұзсақ, алғашқы көмекке кім келеді деп ойлайсыңдар? Алайда, медбикелер көмегіне жүгінеміз деп жол жүру ережесін де бұзбауымыз керек. Келесі сайысымыз «Жас медбикелер» сайысы. Мұнда апаты болған уақытта алғашқы медициналық көмекті көрсетеді.

Келесі кезекте әр топтың ком андирлері жолда жүру ережесіне байланысты кластың есебін, іс-қағаздарын қорғайды. Ендеше «Командирлер сайысы»

(қазылар алқасына сөз кезегі беріледі).

Шуақты өміріміз күндей күліп,

Жүректе бүршік атып, гүлдейді үміт.

Арманға сапар тарту мүмкін емес,

Жол жүру ережесін білмей тұрып.

Қай көше, қай қалаға барсаңыз да

Қай ақыл өлшеміне салсаңыз да

Жол жүру ережесі-заңды тәртіп

Ол ортақ үлкен-кіші баршамызға

Бүгінгі «Сақ бол, жас ұлан!» атты жас жол инспекторлар сайысы осымен аяқталды. Қатысушы командаларға рахмет айтамыз.

Жолда жүру ережесін сақтайық!

Сұрақ-жауап:

1. Жолаушылар дегеніміз кімдер?
Кез — келген көлік түрін пайдаланатын адамдар.
2. Бағдаршам дегеніміз не?
Бағдаршам автомат жүйесіне қосылған үш көзді аспап. Жол қозғалысын реттейді.
3. Велосипедпен неше жастан бастап жолмен жүруге болады?
Жол бойына 14 жасқа толған балаларға ғана рұқсат.
4. Көшеде бағдаршам болмаса не істеу керек?
Өз көзіне сену керек, жол ортасына жеткенше, әуелі сол жаққа қара6 ортасынан асқан соң, оң жаққа мойныңды бұр

5. Қандай көліктің түрлеріне бағдаршамның қызыл жарығына жүруге рұқсат етеді?
Жедел жәрдем, полиция, өрт сөндіру машинасы.

6. Жолаушы таситын қоғамдық көліктерді қай жерден күтеді? Аялдамада

7. Жақындап қалған көліктің алдынан жүгіру неліктен қауіпті?
Жүргізуші көлікті тоқтата алмай, адам өміріне қауіп төнеді.
8. Полиция, жедел жәрдем, өрт сөндірушілер көліктері өтіп кеткенше күтіп тұру міндетті ме? Иә, міндетті.

9. Жолда қай жерден өту керек?

Жаяу жүргіншілер өтпесі белгісі қойылған жерден.