"Саусақпен сурет салу"

Мұғалжар аудандық оқушылар шығармашылығын

дамыту орталығы

ТӘРБИЕ САҒАТЫ

«Саусақпен сурет салу»

Өткізген: Бұрғали Г.Ғ.

2021-2022 оқу жылы

Сабақтың тақырыбы: «Саусақпен сурет салу»

Сабақтың түрі: Танымдық сабақ

Сабақтың көрнекілігі: альбом, гуашь немесе акварель

Сабақтың әдісі: көрсету, сұрақ-жауап

Сабақтың мақсаты: Оқушыларға дәстүрден тыс саусақпен сурет салу атты техникасын үйрету, көрсету. Шығармашылық қабілеттерін дамыту. Суретке деген қызығушылықтарын арттыру.

САБАҚТЫҢ БАРЫСЫ:

Қол астында қылқалам жоқ па? Ештеңе етпейді. Бір саусағымызды көк бояуға батырамыз, келесісін сары бояуға, үшіншісін қызыл бояуға маламыз. Палитрадан несі кем!... Бұл барлық жастағы балаларға ұнайтын қарапайым да оңай әдіс. Олар үлкен ынтамен салады. Саусақпен сурет салу бірнеше кезеңнен тұрады. Балалар әуелі бір саусақпен, сосын бірнеше саусақпен сурет салып үйренеді. Біз көбелектерді, балықтарды, көгалды нүктелер, ирек сызықтармен безендіріп үйренеміз. Келесі кезеңде балалар бояуларды араластыруды үйренеді. Әр саусағын әртүрлі бояуға батырып бір түстің үстіне келесі түсті жағады. Түстерді араластыру нәтижесінде балалар өздеріне қажет түсті табады. Естиярлар тобында қарапайым бейнелерді бояудан бастап, мектепке дайындық тобында «саусақпен бояу» техникасын жете меңгерген балалар сурет тақырыбын өздері таңдап, оны нұқу, жағу, бояуларды араластыру әдістерімен ұтымды безендіре алады. Ертегілерге салынған сюжеттерді де балалар өте сәтті бояды.

Сурет өнерінде суретті тек қарындаштармен қылқаламдармен салуды қажет етпейді. Балалар дәстүрлі емес техникаларда салғанды жақсы көреді, өйткені суреттер ерекше және әдемі шығады. Саусақпен сурет салу балалардың қол моторикасын жақсы дамытуға көмектеседі.

Бүгін біз көктем гүлдерін салып көретін боламыз.