Күз мерекесіне арналған ертеңгілік: «Алтын күз»

Музыкалық зал күз мерекесіне орай әдемі безендірілген. Балалар музыка ырғағымен залға кіріп, жарты шеңбер құрып тұрады.

Мақсаты: Балаларға күз мезгілінің ерекшелігі туралы түсініктерін кеңейту. Күз мезгілінің тіршілікте тиер пайдасын, табиғаттың өзгешелігін, қыр-сырын тақпақ, өлең жолдар мен нақыл сөздер арқылы ой-өрісін дамыту. Жыл мезгілінің ішіндегі күз айының алатын орны жөнінде айту.Балаларды табиғатты қорғауға, сүюге, аялауға, қажырлы еңбек етуге тәрбиелеу.

Ж ү р г і з у ш і : Құрметті қонақтар , балалар ! Күз мерекесі құтты болсын.

Ел байлығын арттырған берекелі де , мерекелі де күз мезгілі келді .Сары

алтындай сары күз себетке толы жемісін , қамбаға толы егінін сыйлай-ды . Бүгінгі «Берекелі алтын күз» атты ертеңгілігімізге хош келдіңіздер !

Жетті желмен Алтын күз,

Жеміс жинау салтымыз .

Жиын теріп болған соң ,

Той жасайды халқымыз ,

Мол өнімді жинаймыз

Елге бәрін сыйлаймыз

Ж ү р г і з уш і : Балауса тобының бүлдіршіндерінің орындауында « Алтын күз» әнін қабыл алыңыздар .

Ж ү р г і з у ш і : - Балалар , қазір жылдың қай мезгілі ?

• Күз екенін қайдан білдіңдер ?

• Иә , балалар , күз – молшылықтың , тоқшылықтың белгісі . Күзде жеміс-көкөністер піседі , егін жиналады.

Ағаштардан жапырақтар түсіп , жерге алуан түсті кілем жайғандай .

Ж ү р г і з у ш і : Жапқандай жапырағы іздерді

Қуантып байлығымен ізгі елді

Бір тойдырып қайту үшін елімді

Сабырлы , сары алтындай күз келді .

/ Музыка әуенімен ырғалып билеп , сары киім киген күз кіреді .

А л т ы н к ү з : Амансыңдар ма , балалар ,

Ерінбестен еңбек етіп келетін

Еңбекшіге бар жемісін беретін

Мен , Алтын күз ынтымақты еліне

Берекелі ырыс болып келетін .

Ж ү р г і з у ш і : - Хош келдің , мерекелі , берекелі Алтын күз ! Төрлет жоғары шық . Өзіңмен бірге береке , байлық , молшылық , тоқшылық ала келдіңіз . Оған біз қуаныштымыз .

А л т ы н к ү з : - Менің жемістерімнің барлығы да осы мерекеде отыр екен ғой ./ орындыққа барып жайғасады . /

Ж ү р г і з у ш і : - Сол жемістер бізге қонаққа келген екен , ендеше жемістерді қарсы алайық .

Еркежан (құлпынай )

Жапырақты тасалап,

Өсетін жері бақша-бақ.

Күрең қызыл шіркін-ай,

Менің атым құлпынай.

Диас (сәбіз )

Өсіретін бойыңды

Дамытатын ойыңды

Қоянға да азықпын,

Сәбіздерміз жазықсыз.

Дария (алма)

Пісіп тұрған алмамын,

Тамсандырар бал дәмім.

Жерге сілкіп түсірме,

Ісіп кетер маңдайым.

Алуа ( қызанақ )

Тал шыбығым бұралып,

Бақшаларда қызарып

Тұрған ол мен қызанақ

Күнге қарап ұялып.

Айсұлтан (картоп)

Картоп біздің атымыз

Жер астында жатырмыз

Бір тамыдан тараған,

Ағайынбыз бәріміз.

Аяла (Алмұрт)

Тіл үйірген алмұрпын,

Таңсығымын бар жұртты.

Жақсы өсіре алмайды,

Қараса егер салғырт кім.

Санжар (қияр)

Көктеп ерте шырмалып,

Әсем мен бүр жарып.

Атым қияр теріп ал,

Жиі-жиі суарып.

Айкүнжан (шие)

Мен моншақты шиемін,

Құмарсыңдар білемін,

Кетіп қалып жүрмесін,

Тамағыңа сүйегім.

Бекжан (пияз)

Асханадан шықпаймын,

Атым пияз, бұқпаймын.

Көзден жасты шығарам

Тұмаудан бірақ сақтаймын.

Аяулым (өрік)

Дөп дөңгелек сап-сары,

Ішінде бар дәні.

Қызығасың көріп,

Менің атым өрік.

Арыстан (қияр)

Мен қиярмын, сәндімін

Салаттардың сәнімін

Дәруменім мол менің

Жегенге қуат сыйлаймын.

Нұрәли (алма)

Мен алмамын, алмамын

Таңдандырар бал дәмім

Пісіп толдым, мінекей

Баптап ерек бағбаным.

Құралай (капуста)

Бақшаларда тізіліп,

Қаперсіз мен жатамын.

Қабат-қабат атанып,

Қырық қабат атанып.

Еркежан(алмұрт)

Мен алмұртпын, алмұртпын,

Аузындамын бар жұрттың.

Жүргізуші; Келесі кезекте « Балдырған »тобының бүлдіршіндерінің орындауында «Жапырақтар» биін қабыл алыңыздар.

Ойын ата-аналармен «Дәмінен тап»

Ж ү р г і з уш і : Берекесін сыйлауға

Өлкемізге күз келді

Жемістерін жинауға

Шақырады біздерді .

Жүргізуші:

Келесі кезекте қыздарымыздың « Қуыршақтар » биін тамашалайық
Келіпті күзге би арнамаққа!

Би «Қуыршақтар» Орындайтындар: Балауса тобы қыздары.

Алтын күз:

-Балалар, мен сендерге күз мезгіліне байланысты жұмбақтар жасырғым келіп тұр, сендердің тапқырлықтарыңды байқайын.

1. Ағайынды бәрі :

Шықса жасыл , түссе сары . / жапырақ /

2. Тәтті , тәттінің іші қатты

Қаттының іші тәтті . / өрік /

3. Қалың киім киінгенді ұнатады

Шешіндірсе жылатады . / пияз /

4. Жер бетінде шашы бар

Жер астында басы бар . / сәбіз /

5. Көкпеңбек еді көктемде

Қызарды күні жеткенде . / алма /

6. Көк ала костюм киеді

Күннің көзін сүйеді . / қарбыз /

8. Тігіп алып көк шалбар

Қызыл күрең доп жатыр . / қызылша /

Жүргізуші: Ұлдар тобының орындауында «Саңырауқұлақтар» биін қабыл алыңыздар

Жүргізуші:

Тентек жел шашып кетіпті
Жапырақтарды сан алуан
Тезірек жинап алайық
Қане, қане кім жылдам?!

Ойын «Кім жылдам?» ( Саңырауқұлақтар менжапырақтарды себетке жинайды) Балалар ойнайды.

Жүргізуші: Ендігі кезекте көрініс «Шұбар тауық» балдырған тобының бүлдіршіндері қарсы алыңыздар.

«Қошақаным» әні

Жүргізуші:

-Балалар, қазір жылдың қай мезгілі? (күз)

-Күз мезгілінде табиғатта қандай құбылыстар болады? (жаңбыр жауады)

-Жаңбырдан қорғану үшін бізге не қажет? (қолшатыр)

-Дұрыс айтасыңдар!

Жүргізуші:

Күзде жаңбыр жауады

Ойнатпайды біздерді

Қолымызда қолшатыр .

Ойнауға біз барамыз

-Ендеше «Қолшатыр» ойынын тамашалайық.

Ойын шарты: Ата-аналар балалармен бірге шығып екі топқа бөлінеді. Екі топтың алдыңда бір-бір қолшатыр.Әуен ойнағанда ата –аналар балалармен шеңбер бойы жүріп билейді, әуен тоқтаған кезде жауынның дыбысы естіледі , өз қолшатырларының астына барып тығыла қалады. Сөйтіп жаңбырдан қорғанады.

Жүргізуші :

Тыңдаңыздар,тыңдаңыздар!

Сән әлемінен сырттап, құр қалмаңыздар,
«Алтын Күз – 2018» сәнді киімдер шеруін тамашалаңыздар!

-Сіздердің назарларыңызға «Күншуақ» тобының қыздары --аналары дайындаған киім үлгілерін  көрсетпекші.
-Ендеше, сәнді киімдер топтамасын ортаға шақырамыз! Қарсы алыңыздар!

(Мода көрсету )

А л т ы н к ү з :

-Ал , балалар , менің де қоштасатын уақытым келді .

Өнерлерің өрге жүзсін .Сендерге әкелген сыйым бар, тәттіден ауыз тиіңіздер.

Туған жерден кетерде

Қоңыр әнге саламын

Қош болыңдар бәрің де

Қимай кетіп барамын .

Ж ү р г і з у ш і :

-Бүгінгі күз мерекесіне арналған ертеңгілігіміз аяқталды . Жомарт күздің сыйы әрбір отбасының ақ дастарханынан арылмасын . Еліміз аман, жұртымыз тыныш болсын! Деніміз сау , аспанымыз ашық болсын !

-Құттықтау сөз кезегі балабақша меңгерушісі Ермек Тұрдиқызынаға және ата -аналарға сөз беріледі.