"Біздің бірлігіміз – болашақтың білімінде" өнер фестивалі

Сценарий

Мақсаты:

• Білім мен мәдениеттің болашаққа жол ашатынын көрсету;

• Өнер арқылы жас ұрпақты рухани тәрбиелеу.

Кіріспе

Жүргізуші 1:
Армысыздар, құрметті көрермендер!
Білім мен өнерді, достық пен бірлікті дәріптейтін ерекше кешімізге қош келдіңіздер!

Жүргізуші 2:
Бүгінгі фестиваль – бірлік пен болашаққа бастар білім жолының айнасы.
Олай болса, мерекемізді бастауға рұқсат етіңіздер!

Жүргізуші 1:
Ұжымды бастап жүретін,

Директоры мектептің.

Қыр-сырын нақты білетін,

Директор бұл мектептің. –дей келе фестивальды ашып беру үшін Алдиярова Алия Мұратқызына сөз беріп өтсек

Жүргізуші 2: Бүгінгі өнер фестиваліне келген қонақтар мен қазылар алқысын таныстырып өтсек:

Уразбекова Гулдана – комиссия төрайымы. № 5 Қ.Рысбеков атындағы мектеп интернатының тәрбие ісі жөніндегі орынбасары.

Жүргізуші 1:

Жұматаев Жантөре – Қазыбек би атындағы жалпы білім беретін мектебінің көркем еңбек пәні мұғалімі

Жүргізуші 2:

Алимбеков Шерхан – аудандық мәдениет үйінің меңгерушісі

Жүргізуші 1:

Аманжолова Дүйсенкүл - № 3 мектептің қазақ тілі мен әдебиеті пәні мұғалімі.

Жүргізуші 2:

Мамадияров Шухрат – Әл-Фараби жалпы білім беретін мектебінің музыка пәні мұғалімі.

Жүргізуші 1:

Бүгін өнерпаздардың атағын алысқа жеткізіп, жаңа таланттарды елге танытатын күн !

Жүргізуші 2:
Бірлігіміз жарасқан елдің келешегі кемел! Осы достық пен татулықты әнмен өрнектейік!

Жүргізуші 1:

Хор «Аманат». Ибрагим Ескендір әні, Ықылас Ожай сөзі
Жүргізуші 2:

5, 6, 7-сынып оқушыларының орындауында.

Бірге:

Қабыл алыңыздар!
(Хор «Аманат» әнін орындайды.)

Жүргізуші 1:
Әндер  әртүрлі  болады: халықтық, композиторлық, балалар  әні,  бесік жыры, той - думан әндер, лирикалық, патриоттық, эстрадалық, тақпақ  сазды т. б.

Жүргізуші 2:

Иә, әсіресе туған елің туралы ән тыңдағанға не жетсін, шіркін!!!!

Жүргізуші 1:
Олай болса, сахнада 9-сынып оқушысы Адилханова Гуласалдің орындауында патриоттық ән Сәкен Дәрібаевтің «Қазақстан» әнін тыңдап, көңіл көтеріңіздер!

Жүргізуші 1:
Еліміздің әрбір жетістігі – білімді ұрпақтың арқасы.
Қазақ даласынан шыққан ұлы ғұламалар мен ойшылдардың ізі бүгінгі жастардың бойында жалғасуда.

Жүргізуші 2:
Сондықтан да біздің болашағымыз – білімде! Ендеше, талантты өнерпаздарымызды сахнаға шақырамыз!

Жүргізуші 1:
Келесі кезекті талантты да, дарынды оқушыларымыздың көркем сөз оқуына береміз.

1- «Б» сынып оқушысы Мамиржанова Мухаррам «Білімдіден шыққан сөз»

7- «Б» сынып оқушысы Бабаханов Хусан «Ғылым таппай мақтанба»

Жүргізуші 2:
2- «В» сынып оқушысы Шакиров Самир «Оқушы жыры»

5-«В» сынып оқушысы Адилханова Дилноза «...................................»

(көркем сөз оқушылар сахнағаға шығады)

Жүргізуші 1:

Сән салтанат жасайық

Күй сандықты ашайық

Бұл мереке, бұл тойға

Биден шашу шашайық

Би – сезім мен әсемдіктің, өнер мен шеберліктің үйлесімі.
Көздің жауын алар, жүрекке қуаныш сыйлар мың бұралған бишілерді қошеметпен қарсы алыңыздар!

Жүргізуші 2:

Сахнада 4-«Б» сынып оқушыларының «Ер тұран» биін қабыл алыңыздар!

Жүргізуші 1:
Құрметті көрермендер! Өнер – көңілдің ажары, би – өнердің ғажабы! Би – көңілге шаттық сыйлайтын, жүректерді жаулап алатын, жанды сергітетін ерекше өнер!
Жүргізуші 2:

Құлпырған еліміздің ұл-қызымыз

Әзірге үлпілдеген құндызымыз

Арасын жер мен көкті бағындырған

Ертеңнің жарқыраған жұлдызымыз –

Ендеше, сіздерге көздің жауын алатын, тамаша өнерлерімен тәнті ететін керемет бишілерімізді шақырамыз! Қарсы алыңыздар!

2-«Б» сынып оқушыларының орындауында «Моряк» биі!

Жүргізуші 2: Қабыл алшы өнерлері баланың

Тілектері орындалсын ананың

Кең далада шарықтасын әуені

Әнші жұлдыз жас өнерпаз дананың

Көшентай Әнуардың орындауында Бекполат Тілеуханның «Алаш ұраны» әнін қабыл алыңыздар!

Жүргізуші 1: 

Жақсы әнші өнеге

Сегіз қырлы бір сырлы

Өнерді үйрен бір-бірлеп

Әнді шырқап, би билеп

-деп сахнада дуэт «Қазақстаным менің» орындайтын:

Мамадалиев Надыр, Адилханова Гуласал

Жүргізуші 2: 

Қошеметпен қарсы алыңыздар!

Жүргізуші 1: 

Уа халайық-халайық

Мұнда назар салайық

Ата жолын жалғамақ

Ел дәстүрін сақтамақ

Жүргізуші 2:
Қазақтың киелі домбырасынан төгілген күй, сырнайдан шыққан әуен – халықтың мәңгілік мұрасы!

Жүргізуші 1:
Ендігі кезек Көшентай Әнуардың орындауында Қазанғаптың «Ақжелең» күйі

Жүргізуші 1:
Бірлігі жарасқан ел – болашаққа нық қадам басады.

Жүргізуші 2:
Білімді, өнерлі, татулықты ту еткен ұрпақ – елдің ең үлкен байлығы.

Бірге:
"Біздің бірлігіміз – болашақтың білімінде!"

Жүргізуші 2:
«Біздің бірлігіміз – болашақтың білімінде» тақырыбындағы сахналық қойылымды тамашалаңыздар!

Қорытынды:

Жүргізуші 1:
Осымен "Біздің бірлігіміз – болашақтың білімінде" тақырыбындағы фестиваль өз мәресіне жетті.

Оқушыларымыздың өнеріне баға беру үшін әділ-қазылар алқасына сөз кезегін беріп өтсек.

Келесі кездескенше, амандықта болайық!