Қазақ халқының шешендік өнері – ұлттық мәдениеттің биік шыңы, ұлттың ойлау жүйесін, тілдік өрнегін және рухани дүниетанымын бейнелейтін асыл мұра. Шешендік сөздер ғасырлар бойы ел бірлігін сақтау, әділ билік айту, дау шешу, адамгершілік пен ізгілікті дәріптеу құралы ретінде қалыптасқан. Бұл өнер – тек өткеннің ескерткіші емес, қазіргі қоғамда да өзектілігін жоймаған, тәрбиелік және мәдени маңызы зор рухани қазына. Жаһандану жағдайында ұлттық рух пен мәдени кодты сақтау – білім беру жүйесінің басты міндеттерінің бірі. Осы тұрғыдан шешендік өнерді мектеп бағдарламасына енгізу, оның тілдік, танымдық және тәрбиелік әлеуетін тиімді пайдалану – жас ұрпақтың ұлттық сана-сезімін қалыптастырудың маңызды жолы болып табылады. «Шешендік сөздердің бүгінгі таңдағы құны» атты авторлық бағдарлама 8-сынып оқушыларына арналған әдебиет курсының мазмұнын кеңейтіп, шешендік дәстүрдің мәнін заманауи әдіс-тәсілдер арқылы терең меңгертуді көздейді. Бағдарламада шешендік өнердің тарихи бастаулары, қазақ би-шеш