Шетелге кетемін бе, әлде өз елімде қалып оқимын ба?

«Мектеп бітті, енді не?» — деген сұрақты әр жас түлек кемінде жүз рет ойлайды. Әсіресе бүгінгі жастар үшін бұл сұрақ бір ғана емес, мың түрлі жауапты қажет етеді. Шетелге барып білім алу ма, әлде туған елде қалып, өз мүмкіндіктеріңді көрсету ма? Бұл таңдау енді жай ғана оқу орнын таңдау емес, өміріңнің бағытын анықтайтын шешімге айналды. Шетелге кету — ерлік пе, әлде авантюра ма?, осыған тоқталсақ. «Шетелге шығып келу — өзіңді сынау» деген сөз бар. Расында, әлемнің екінші шетіндегі елде оқу — бұл тек диплом алу емес, шынайы өмірлік сынақ. Тіл білмеу, жаңа мәдениетке үйрену, жалғыздық пен сағыныш — бұл қиындықтармен бетпе-бет келесің. Бірақ сол жерде сен өзіңді қайта табасың, шекараларды бұзып, әлемнің ең үздік мамандарының қатарына қосыласың. Шетелдік университеттерде оқыған жастардың 70%-ы оқу кезінде кем дегенде бір елде тағылымдамадан өтеді, жаңа достар табады, тілін жетілдіреді. Бұл тәжірибе – кәдімгі «алтын билеті» іспетті. Өз елімде қалу — батырлықтың басқа түрі. Ал Қазақстанда қалып, білім алу да өз алдына батырлық. Себебі бұл — туған жеріңді, мәдениетіңді сақтау, дамыту деген сөз. Бүгінгі таңда біздің университеттер әлемдік деңгейге жетіп келеді. Мысалға, Назарбаев Университеті, Лев Гумилев атындағы Еуразия Ұлттық университеті, Әл-Фараби атындағы Қазақ Ұлттық университеті секілді оқу орындары түлектерін әлемдік нарықта сұранысқа ие мамандарға айналдырып жатыр. Туған елде қалу — отбасыңа қолдау көрсету, достарыңмен бірге болу, ұлттық құндылықтарды бойға сіңіру мүмкіндігі. Бұл жерде де сен өзіңнің жолыңды ашып, стартаптар жасай, қоғамға пайдалы жобаларды қолға ала аласың.

Қайсысы дұрыс? Бұл сұрақтың нақты жауабы жоқ. Өйткені әр адамның арманы, мақсаттары әртүрлі. Бірақ маңыздысы — қорықпай, өзгеріске дайын болу. Әлемде миллиондаған жастар осындай таңдау алдында тұрғанда, сен де өз жүрегіңнің дауысын тыңдауың керек.

Әр мектеп бітіуші түлекке мотивация ретінде танымал адамдардың пікірлерін жаза кетсем...мүмкін бірі болмаса біріне пайдасы тиес ой болар.

— Илона Маск: «Өміріңді өзгертетін шешім — сенің қолыңда.»

— Димаш Құдайберген: «Өз елімді мақтан етемін, бірақ әлемді де танып келемін.»

Болашақ — сенің қолыңда. Шетелге кету де, елде қалу да — үлкен мүмкіндіктер. Тек сенің арманың, сенің еңбегің, сенің батылдығың маңызды. Қайда болсаң да, ең бастысы — өзіңе адал болып, жүрегіңмен жұмыс істей білу. Өйткені нағыз жеңіс — өзіңнің шынайы өміріңді құруда!

Улухманова Ақжан Бақытжанқызы

Жамбыл облысы, Тұрар Рысқұлов ауданы, Құлан ауылы

Ә.Бөкейханов атындағы орта мектептің түлегі