Бейсен Құранбектің рухымен сырласу

Тіршіліктің үні болған өзіңсіз,

Нағыз тілші, сөз шеберін көрдік біз.

Бейсен аға, елдің қамын күйттеген

Жанашырсыз, қазағымның пірі сіз!

Сіздей сірә, жан бар ма екен жалғанда?

Қазағымның бәрі сіздей болса, жаман ба?!

Құрметіне ие болдың патша көңіл халқыңның

Мақтанбайтын «сіз» дегенде жан бар ма?!

Кербұлақ деген көсіліп жатқан Күреңбел,

Қызылжар ауылын қазір дүйім біледі ел.

Бұл ауылдан Бейсен ағам түлеп ұшыпты,

«Талай дарын шыққан киелі мекен» дер...

Жұрт көретін «Айтуға оңай» бағдарламасы,

Айтуға ғана оңай болған шығар-ау шамасы.

«Қаракет» қып, күні-түні шапқылап,

Көп ізденіп, ұсынды елдің асыл ағасы!

Иә, қимаймыз, сыйлаймыз біз халайық!

Шыншыл, өжет деген атқа ол лайық.

Шындық іздеп шырылдаған тілшіні,

Нағыз батыр деп бәріміз санайық.