“Сиқырлы әлем”

№105 «Елкезек» МКҚКбөбекжай – бақшасы

Жолдыбаева Гулсим Алтынбековна – тәрбиеші

Ашық ұйымдастырылған оқу іс-әрекет

Тақырыбы:«Сиқырлы әлем»

Шымкент – 2023ж.

ҰО іс-әрекеттің тақырыбы: «Сиқырлы әлем»

ҰО іс-әрекеттің мақсаты:

• Балалардың көктем туралы білімдерін бекіту,табиғатқа деген сүйіспеншілігін ояту.

• Гүлдердің атын атап,оларды бір-бірінен ажырата білуге үйрету.

• Мнемотаблицаны пайдалана отырып,балалардың тілін дамыту,сөздік қорын байыту.

• Ойын арқылы балалардың зейінін, есте сақтау қабілетін дамыту.

• Жаттаудың мазмұнына қарай қимыл көрсете отырып, мәнерлеп айтуға үйрету.

• М.Монтессори педагогикасының элементтерінпайдалана отырып, балалардың саусақ қимылдарын дамыту,адамгершілікке,ұқыптылыққа баулу, төзімділікке тәрбиелеу, бастаған ісін аяғына дейін жеткізе білуге тәрбиелеу.

Қолданылатын көрнекіліктер:Көктем белгілеріне байланысты мнемотаблица,

ертегілер,үлестірмеліматериалдар,құрастыру құралдары,

сиқырлы кілемше.

Сөздік жұмыс:Сиқырлы кілемше,моншақ,күлте.

Билингвалды компонент:Бәйшешек-подснежник,жауқазын-тюльпан,түймедақ-

ромашка,бақ-бақ-одуванчик, көктікен-василек, раушан-роза.

Әдіс тәсілдер: Сұрақ-жауап, әңгімелесу,көрсету,түсіндіру.

ҰО іс-әрекеттің барысы: Балалар музыка әуенімен бөлмеге кіреді,жарты шеңбер

болып тұрады,қонақтармен амандасады. (Үш тілде)

Шаттық шеңбері: Ал, балалар, тұрайық,

Жарты шеңбер құрайық.

Терезені ашайық,

Таза ауаны жұтайық.

Күннен жылу алайық,

Жүрекке жылу жинайық.

Жүректегі жылуды ,

Қонақтарға сыйлайық.

Балалар орындарына жайғасады, осы кезде есік қағылады, есіктен көгершін хат алып келеді.Хатты тәрбиеші алып оқиды,хатты сиқыршы жазыпты,ол сендерді ертегілер еліне алып баруға келе жатқандығын хабарлап жазыпты.

Тәрбиеші:Ал, балалар сендердің ертегілер еліне барғыларың келеді ме?

Балалар:Иә!

Тәрбиеші:Ендеше,айтыңдаршы ертегілер еліне қандай көліктермен баруға болады?

Балалар:Көлік түрлерін атайды.(Машина,ұшақ,қайық,кеме т.б.)

Тәрбиеші:Жарайсыңдар,сендер көліктің көп түрлерін біледі екенсіңдер.Ал сендердің сиқырлы кілеммен ұшып көргендерің барма?

Балалар:Жоқ!

Тәрбиеші:Бүгін сендерді сиқыршы ханшайым сиқырлы кілемшесімен ертегілер еліне алып баратынын айтыпты.

Сиқыршы:Сәлеметсіздер ме?

Тәрбиеші:Сәлеметсізбе сиқыршы ханшайым,хош келдіңіз,төрлетіңіз.Балалар сиқыршы ханшайым өзінің сиқырлы кілемшесін ала келіпті.Сиқыршы ханшайым,енді біздерді сиқырлы кілемшемен апарасызба?

Сиқыршы ханшайым:Балалар, бұл сиқырлы кілеммен тек білімді балалар ғана ұша алады.Ұшу үшін менің тапсырмаларымды орындауларың керек.

-Сендер соған келісесіңдер ме?

-Орындай аласыңдар ма?

Балалар:Иә! Орындаймыз.

Тәрбиеші:Менің балаларым өте ақылды,білімді,қолдарынан келмейтіні жоқ.

Сиқыршы:Қане,сынап көрейік!Ендеше, айтыңдаршы:

• Қазір жылдың қай мезгілі?

Балалар:Қазір жылдың көктем мезгілі(хормен).

Сиқыршы:Көктемде қандай өзгерістер болады?

Балалар:Көктем мезгілінің белгілерін атайды(мнемоталицамен жұмыс жасайды)

Көктем мезгіліне мнемотаблица.

Тәрбиеші: - Балалар, сендерқандайжеміс ағаштарын білесіңдер?

Балалар:- Алма ағашы, алмұрт ағашы, өрік ағашы т.б.

Тәрбиеші:Сиқыршы,менің балаларым өзінің ана тілімен қатар орыс тілінде меңгерген.

Билингвалды компонент: Бәйшешек-подснежник,жауқазын-тюльпан,түймедақ-ромашка,бақ-бақ-одуванчик, көктікен-василек, раушан-роза.

Сергіту сәті:Жаңбыр жауып басылды,

Аспан шайдай ашылды.

Көкте қызыл-жасылды,

Кемпір қосақ асылды.

Тәрбиеші: - Балалар, осы гүлдердің сендермен ойын ойнағысы келіп тұр екен. Ал, сендердің ойнағыларың келе ме?

Балалар: Иә.

Дидактикалық ойын:«Жасырынған гүлді тап».

Сиқыршы:Жарайсыңдар, балалар!Балалар сендер ертегілерді жақсы көресіңдерме?

Балалар:Иә!

Сиқыршы:Сендер қандай ертегілерді білесіңдер?

Балалар:Өздеріне таныс ертегілерді атайды.(Шалқан,Бауырсақ,Үш аю,Маша мен аю,Үйшік т.б.)

(Сиқыршының тапсырмалары)

1. тапсырма:Ертегілер елінде мыстан кемпір ертегі кейіпкерлерін ауыстырып жіберіпті,олар тіпті өзінің қай ертегіден екендігін ұмытып кетіпті.Бізге соларға көмектесу керек.Ол сендердің қолдарыңнан келе ме?

Балалар:Иә!

Сиқыршы: Жарайсыңдар балалар!Ертегі кейіпкерлері аюға арнап бір сергіту сәтін орындап берейік.

Сергіту сәті: Қорбаңдаған аюдың,

Құлпынайы көп екен.

Теріп-теріп алайық,

Қалтамызға салайық.

Тәрбиеші:Сиқыршы менің балаларымды енді кілемге отырғызасыз ба?

Сиқыршы:Менің тағы да бір тапсырмам бар еді.Соны орындаған соң отыруларына болады.

Тәрбиеші:Ол не қылған тапсырма?

Сиқыршы: Менің ертегілер елінде күлшеқыз атты әдемі, сыпайы қыз бар.Соның мерекелерге тағатын түрлі-түсті моншақтары болатын.Ол сол моншақтарын мерекеге барамын деп асығып жүріп, абайсызда үзіп алыпты. Моншақтары араласып кетіпті.Сол моншақтарды түстеріне ажыратып беруді өтінген еді.Сендер күлшеқыздың тапсырмасын орындай аласыңдарма?

Балалар:Иә!

2- тапсырма:

Сиқыршы:Жарайсыңдар!Сендер өте білімді, ақылды, тәртіпті екенсіңдер.Апайларың дұрыс айтқан екен.Сендер сиқырлы кілеммен ұшуға лайық екенсіңдер.Келіңдер кілемшеге, ертегілер еліне апарайын.Көзімізді жұмамыз.

Релаксация:Асу-асу таулардан

Алыс-алыс белдерден

Орманды-тау көлдерден өттік

Ғажайып табиғаты бар ертегілер еліне жеттік.

Сиқыршы:Балалар, біз ертегілер еліне де келіп жеттік, көздеріңді ашыңдар.

• Айналаға қараңдаршы, біз қандай ертегідеміз?

• Ертегіде қандай кейіпкерлер бар?

(Балалар ертегінің атын атап, кейіпкерлерін атайды.)

Сиқыршы:Балалар сендер осы «Бауырсақ» ертегісін сомдай білесіңдерме?

Тәрбиеші:Әрине, менің балаларым қазір саған «Бауырсақ» ертегісін сомдап береді.

Балалар«Бауырсақ»ертегісін сомдайды.

Түлкі:Бауырсаққа менің достарыма гүл жасап берсең, сені жемеуге уәде беремін.

Бауырсақ:Балалардан сендер маған көмектесіңдерші деп өтінеді.

Балалар:Тапсырманы орындайды.

Түлкі:Маған кішкентай емес үлкен гүл керек, өзі биік , әдемі болсын.

Бауырсақ:Сасып не істерін білмейді

Сиқыршы:Ол сөз емес маған, қазірмен оны сиқырлап, әдемі гүлдесте жасап беремін.

(Бір кішкентай гүлді сиқырлап, әдемі көп гүлдестеге айналдырады)

Тәрбиеші:Жарайсың сиқыршы, сен бізге көп көмектестің,рахмет саған.Балалар,

албіздің балабақшамызға қайтатын уақытымыз болды. Сиқыршы, бізді балабақшамызға қалай апарасың?

Сиқыршы:Балалар сендер сиқырлы кілеммен ұшып көрдіңдер, енді менің тағы да бір сиқырымның куәсі болыңдар.

Ал, енді көздеріңді жұмыңдар, мен сендерді бір сәтте балабақшаларыңа апарып саламын.

(таяқшасын ары-бері бұлғайды, өзінің сиқырлы сөздерін айтады)

Тәрбиеші:Міне, балалар бақшамызға да келіп жеттік.

Сиқыршы:Балалар мен сендерге бүгін риза болдым,менің сендерге арналған силығым бар соны берейін.

(сиқыршы силығын балаларға беріп, қоштасып кетеді)

Тәрбиеші: Балалар бүгін сендерге саяхатымыз ұнады ма?

-Біз қайда бардық?

-Немен бардық?

-Кілемшемен ұшу үшін не істедік?

-Кімдерге көмектестік?

Жарайсыңдар балалар, мен сендерді мақтан тұтамын!

Тәрбиеші:Ал енді қонақтармен қоштасайық:

Балалар:Біз қатарға тұрайық

Жарты шеңбер құрайық

Көріскенше күн жақсы

Сау-саламат болайық!

(Балалар өлең жолдарына сәйкес іс-қимылдар жасайды)

Тәрбиеші:Осымен бүгінгі сиқырлы әлемге саяхатымыз аяқталды, зейіндеріңізге көп рахмет.