Бөлім

Мен балаң – жарық күнде сәуле қуған...

Педагогтің тегі, аты, әкесінің аты

Бертлеуова Клара Алибековна

Пәні

Қазақ әдебиеті

Күні

Сынып: 6 «А»

Қатысушылар саны: 25

Ерекше білімді қажет ететін оқушы саны: 1

Қатыспағандар саны: 0

Сабақтың тақырыбы

С.Мұратбеков «Жусан иісі» (повестен үзінді)

Оқу бағдарламасына сәйкес оқыту мақсаты:

6.3.4.1 шығармада көтерілген мәселенің әлеуметтік рөлі туралы сыни хабарлама жасау

Сабақтың мақсаты

Барлық оқушылар үшін:

шығармада көтерілген мәселенің әлеуметтік рөлі туралы сыни хабарлама жазады.

ЕББҚ оқушылар үшін:

шығармада көтерілген мәселенің әлеуметтік рөлі туралы сыни хабарламаны берілген үлгі құрылым бойынша жазады.

Бағалау критерийлері:

• шатасқан әріптерді дұрыс құрастырады;

• cұрақтарға жауап береді;

• мәліметтер іріктейді, талдайды;

• пікірін білдіреді;

• сыни хабарлама жазады.

ЕБҚ бар оқушыға

• үзінділерді ретімен орналастырады;

• үлгі бойынша сыни хабарлама жазады.

Құндылықтарға баулу

Ашықтық: өзіндік ойларын еркін жеткізуге баулу

Ойлау дағдылары деңгейі

жоғары деңгейдегі ойлау дағдылары

Сабақтың барысы

Уақыты

Педагогтің әрекеті

Оқушының әрекеті

Бағалау

Ресурстар

Сабақтың басы

10 минут

1. Сәлемдесу.

«Жүректі тазарту» әдісі
Оқушыларға таза парақшалар таратылады. Оған дәл қазіргі кездегі бойындағы кірбіңді, ренішті, қолайсыз көңіл күйді жазу ұсынылады. Жазып болған соң, қоқыс жәшігіне тастайды. Осылайша барлық жағымсыз көңіл күйден арылып, тазарған жүрекпен, көтеріңкі көңіл күймен сабақ басталады.

2. Ұжымдық жұмыс. «Аннаграмма» әдісімен сұрақтарға жауап бере отырып, шатасқан әріптерді құрастыру.

3. «Сұрақтар жаңбыры» әдісі

Проблемалық сұрақтар:

1. Әңгімеде автор Аянның ішкі дүниесі мен армандарын, соғыс жылдарындағы балалар тағдырын қалай ашады?

(Бұл сұрақ оқушыны кейіпкер болмысы мен тарихи шындық арасындағы байланысты анықтауға жетелейді).

2. Әңгімедегі жусан иісі мен қара қағаз кейіпкердің жүрегінде қандай сезімдерді оятады?

(Иіс арқылы естелік пен сағыныш сезімін талдауға арналған. Қара қағаз соқушыларға оғыс кезіндегі қайғы мен үмітсіздік жайлы ойлануға мүмкіндік береді).

3. Аянның ат қораға жасырынып жылауы әлсіздік пе, әлде рухани күрестің көрінісі ме? (Оқушыны кейіпкердің ішкі сезіміне үңілтуге, эмоционалды сыни көзқарас қалыптастыруға итермелейді).

4. Ауыл тіршілігі мен адамдар арасындағы қарым-қатынас

қандай құндылықтармен өлшенеді?

(Әңгіме арқылы ауылдағы бірлік, мейірім, сабырлылық сияқты ұғымдарды терең түсіндіруге бағыттайды).

Шатасқан әріптерді дұрыс құрастыру мен

проблемалық сұрақтарға жауап бере отырып, сабақ тақырыбы мен мақсатын, бағалау критерийлері анықталады.

Сәлемдеседі. Жағымды психологиялық ахуал қалыптастырады.

Оқушылар сұрақтарға жауап бере отырып, шатасқан әріптерді құрастырады.

Проблемалық сұрақтарға жауап береді.

Сабақ тақырыбы мен мақсатын, бағалау критерийлерін анықтайды.

«Жарайсың!» әдісімен бағалау

Слайд №1

«Қазақ әдебиеті» оқулығы, 6-сынып.

https://learningapps.org/view40903654

https://www.bing.com/

Слайд №2

Сабақтың ортасы

5 минут

Жазылымға дайындық тапсырмасы.

«Біле жүрейік!» айдары

Сыни хабарлама жанры туралы еске түсіріп, нұсқау беру.

Сыни хабарлама – бұл көркем шығармаға байланысты жазылатын талдау және бағалау сипатындағы жазба жұмыс. Онда шығарма мазмұнына сүйене отырып, өз пікірін білдіреді. Кейіпкерлер мен оқиғаларға әлеуметтік көзқарас тұрғысынан талдау жасалынып, қоғамдық маңыздылығы ашылады.

Сыни хабарлама әдетте 3 бөлімнен тұрады:

1. Кіріспе

• шығарма атауы, авторы айтылады;

• шығарманың жалпы мазмұны мен көтерілген мәселеге қысқаша тоқталу;

• бұл мәселенің неліктен маңызды екені көрсетіледі.

2. Негізгі бөлім:

• шығармада көтерілген негізгі әлеуметтік мәселе ашылады (мысалы: соғыс жылдарындағы кезең);

• сол мәселені кейіпкерлер мен оқиғалар арқылы қалай суреттегені талданады;

• осы мәселенің қазіргі қоғамдағы орны, маңыздылығы, өзектілігі айтылады;

• оқушы өз көзқарасын білдіреді, дәлелдер келтіреді (үзінді, оқиға, салыстыру).

3. Қорытынды

• шығармада көтерілген мәселенің оқырманға әсері мен ой салуы;

• өз пікірі мен көзқарасына түйін жасап, мәселенің қоғам үшін қаншалықты маңызды екенін бағалайды.

Сыни хабарлама туралы мәліметпен танысады.

Мұғалімнің қошеметі

Слайд №3 Оқулық, 55-67 бет,

жазба жұмысын орындауға арналған сызба, үлгі сыни хабарлама мәтіні

25 минут

Топқа бөлу. Сан арқылы топқа бөлу.

1-тапсырма. «Ойлан, жинақта, бөліс» әдісі. Топтық жұмыс. Берілген кесте бойынша пікірін білдіріп, сыни хабарлама жазыңдар.

1. Мәселе: әңгіменің ішінде қандай қиын жағдай көрсетілгенін жаз. (Мысалы: Аянның жалғыздығы, соғыс кезіндегі қиындық, ата-ананың жоқтығы т.б.)

2. Автор ұстанымы: жазушы бұл жағдай арқылы не айтқысы келді? (Ол бізге қандай ой тастайды?)

3. Менің көзқарасым: сен бұл жағдай туралы не ойлайсың? Неге солай ойлайсың? Өз сезіміңді, пікіріңді жаз.

4. Қоғаммен байланыс: мұндай жағдай қазір бар ма? Қайда кездеседі? Қазіргі өмірмен байланыстыр.

5. Қорытынды пікір: осы мәселені шешу үшін не істеу керек деп ойлайсың?

Саралау тапсырмасы:

ЕББҚ оқушылар үшін:

Құрылым бойынша жазылған сыни хабарлама үлгімен танысуға арналған ресурс беріледі.

Сыни хабарлама жазуға арналған синтаксистік бірліктер ұсынылады.

Оқушылар сандар арқылы топқа бөлінеді.

Оқушылар топ мүшелерімен бірлесе кестені толтырады.

1. Мәселе: әңгіменің ішінде қандай қиын жағдай көтерілгенін жазады.

2. Автор ұстанымы: жазушының ұстанымын, не айтқысы келгенін анықтайды.

3. Оқушылар өз көзқарасын жазады.

4. Қазіргі өмірмен байланыстырады.

5. Қорытындылайды.

Дескрипторы:

• мәселені анықтайды;

• автор ұстанымын талдайды;

• көзқарасын білдіреді;

• қоғаммен байланысын көрсетеді;

• қорытындылайды;

• «Галерея» әдісімен қабырғаға іледі, оқиды.

Дескрипторы:

• ресурпен танысады;

• құрылым бойынша сыни хабарлама жазады.

Кері байланыс. «Плюс-минус-сұрақ» әдісі.

1. Жұмыстың үш сәтті тұсын анықтайды, астын сызып, неге сәтті болғанын түсіндіреді;

2. Келіспейтін тұстарын көрсетіп, оны қалай жетілдіруге болатыны туралы ұсыныс береді;

Жұмыстың түсінбеген тұстарына сұрақ қойып, жауап алады.

«Қолдау» әдісі.

Слайд №4

Үлестірмелі парақшалар

Сабақтың соңы

5 минут

Рефлексия.

Жеке жұмыс. «Пайыз» әдісі

100 пайыз, 80 пайыз, 50 пайыз, 30 пайыз белгілері сыныптың әр бұрышына ілінеді. Мұғалімнің сұрақтарына жауап беріп, сабаққа қатысуын, оқуын бағалайды.

-Сабақ ұнады ма?

- Не үйрендің?

-Неден қиналдың?

-Нені жетілдіру керек?

Бекіту. Мұғалім «Түйінді ой» әдісімен бүгінгі тақырып бойынша түйген ойларын айтып, қорытындылайды.

Оқушылар сабақ мазмұны бойынша ойтұжырым жасайды.

Мұғалім балдық жүйемен бағалайды.

Слайд №5