Сөйлеуді дамыту. Тақырыбы:Алтын бала (әңгіме).

ТАҚЫРЫБЫ: Кітап – алтын қазына

Педагогтің аты-жөні:

Күні:

ҰОҚ оқытылу

Мақсаты:

0.1.1.1 Сөздер мен фразалардағы дыбыстарды дұрыс дыбыстау

0.1.4.2 Берілген тақырып аясында диалогке қатысу

0.1.6.2 Өз тәжірибесі негізінде әңгіме құрастыру

0.2.1.1 Тыңдалған мәтіндегі ақпаратты сурет, сызба, белгілер қолданып жеткізу

Күтілетін нәтиже

Барлық тәрбиеленушілер: Сөздер мен фразалардағы дыбыстарды дұрыс дыбыстайды. Тыңдалған мәтіндегі ақпаратты сурет, сызба, белгілер қолданып жеткізеді.

Көпшілік тәрбиеленушілер: Суретке қарап әңгіме құрайды, диалогпен сөйлейді.

Кейбір тәрбиеленушілер: Өз тәжірибесі негізінде әңгіме құрастырады.

Көптілділік:

кітап – книга – book, кітапхана – библиотека – library

Негізгі терминдер мен сөз тіркестері

Кітапхана, жазушылар, ғалымдар

Пікір алмасу сұрақтары:

Суретте не көріп тұрсыңдар?

Суреттегі балалар қайда жүр?

Кітапханада балалар не істеп отыр?

Кітапханада шулауға, дауыс көтеріп сөйлеуге бола ма?

Кітапты жыртқан балаға кітапханашы не айтады деп ойлайсың?

Өткен ҰОҚ алған білім

Отанның адам баласына қаншалықты қымбат екенін түсінеді.

Жоспарланған уақыт

уақыт Жоспарланған іс-әрекет

Ресурстар

І. Дұрыс әсерлі көңіл

күй орнату.

0-2 минут

Шаттық шеңбері.

– Балалар, мен сендерге қазір сұрақтар қоямын,

сендер менімен келіссеңдер, «Уәде береміз!» – деп дауыстап айтыңдар.

– Бүгін бір-бірімізбен ренжіспеуге уәде бересіңдер ме?

– Тату, дос боп ойнауға уәде бересіңдер ме?

Ойын бұрышын көрсетіп:

– Ойыншықтармен ұқыпты ойнауға уәде бересіңдер ме?

ІІ. Мақсатты болжам.

3-5 минут

ҰОҚ ортасы

Суретші бұрышын көрсетіп:

– Қағаз, қаламдарды шашпауға уәде бересіңдер ме?

Кітапхана бұрышын көрсетіп:

– Кітаптармен дос болуға уәде бересіңдер ме?

– Балалар, тек адамдар ғана бір-бірімен дос болмайды, кітаппен де дос болуға болады.

Балалардың назарын кітапхана бұрышына бұрып,

кітапханаға жақындайды.

– Біз барлық білімді осы кітаптан аламыз. Кітапты сызып бүлдіруге, жыртуға болмайды. Халық «Кітап – алтын қазына» деп, кітапты мол байлыққа, қазынаға теңеген. Көп кітап жинақталған жерді «кітапхана» дейміз.

Әліппе-дәптермен жұмыс:

1-тапсырма. Сен кітапханада болып көрдің бе?

Сен ата-анаңмен бірге қандай кітап оқыдың?

Суретте не көріп тұрсың, суреттегі балалар қайда

жүр?

Кітапханада балалар не істеп отыр?

Кітапханада шулауға, дауыс көтеріп сөйлеуге

болмайды.

Балалар суретке қарап әңгіме құрайды.

сотқар бала мен кітапханашы сөзін балаларға

диалогпен айтқызады.

Әліппе-дәптермен жұмыс:

2-тапсырма. Балалардың қылығына баға бер. Дұрыс суретті көк түсті қаламмен, дұрыс емес, істеуге болмайтын суретті қызыл қаламмен белгілейміз.

Кітапханада өзін ұстау ережесін құруды

ұсынады. Бірлесіп талқылау.

Сөздік жұмыс: қазына – байлық.

Сергіту сәті:

Қызық кітап табайық,

Қолға оны алайық.

Ішінде не бар екен деп,

Парақтап ашып қарайық.

Әртүрлі кітаптарды балаларға көрсетеміз.

Кітапты жазушылар, ғалымдар, білімді адамдар

жазады. Кітаптар үлкен-кіші, қалың-жұқа, суретті-суретсіз және әртүрлі тақырыпта болады. Ертегілер жинағы, аңдар туралы, киімдер туралы, тағамдар туралы кітаптар болатыны түсіндіреді.

Кітапхана бұрышы, кітаптар

Әліппе-дәптермен жұмыс:

3-тапсырма. Қай кітапта не туралы айтылған деп

ойлайсың, сызық арқылы қос.

Ойын: «Сөз айт, тез айт»

Шарты: Балалар мен сөйлемнің басын айтам,

сендер аяқтайсыңдар.

Өлең жазатын адам ... (ақын)

Байды алдайтын кейіпкер? (Алдаркөсе)

Бәйгеде шабады ... (ат)

Ең сұлу құс ... (аққу)

Қонжықтың анасы ... (аю)

5-тен кейінгі сан ... (6)

Аң патшасы ... (арыстан)

Ұлттық ойынның бірі ... (асық, алтыбақан, ақсүйек)

Жеміс түрі ... (алма, алмұрт)

Қасқыр, түлкі, қоян ... (аң)

Әкемнің әкесі ... (ата)

Көлік күтетін жер ... (аялдама)

Ең қадірлі ас ... (нан)

Анамның туыстары ... (нағашы)

Бір өркешті жануар ... (нар)

4-тапсырма. Жаңылтпашты жаңылмай айт:

Айланбадан арба айналып барады,

Арбадағылар айбарланып барады.

Жарайсыңдар балалар!

Кітапхана

бұрышы, кітаптар

Әліппе дәптер

ӘЛІППЕ ДӘПТЕР

Әліппе дәптер

IV. ҰОҚ

қорытындысы.

Рефлексия.

28-30 минут

Қорытынды жасайды, балаларды

марапаттайды.Рефлексиялық бағалау: өз жұмысын бағалап

қорыту

Әліппе-дәптер, түрлі

түсті қарындаштар