Спорт - денсаулық кепілі

Мектеп:

Мұғалімнің аты – жөні : Кадирова А№Е

Сынып:

Пән: Дүниетану

Күні:

Бөлімше: Денсаулық және қауіпсіздік

Қатысқандар саны:

Қатыспағандар саны:

Сабақтың тақырыбы

Спорт – денсаулық кепілі

Оқыту мақсаты

3.1.4.2 спорт түрлерін топтастыру, спорттың қандай да бір түрімен айналысу үшін қажетті негізгі және

өзінің бойындағы қабілеттерін анықтау.

Сабақтың мақсаттары (Күтілетін нәтижелер)

Барлық оқушылар:

• адамдар не үшін спортпен айналысатынын түсіндіреді;

• қыстық және жаздық спорт түрлерін ажырата алады.

Көптеген оқушылар:

• қандай да бір спорт түрімен айналысуға қажетті негізгі қабілеттерді және өзінің бойындағы қабілеттерді анықтайды;

• тақырыпты талқылайды, пікірлерімен бөліседі.

Кейбір оқушылар:

• белгілі бір спорт түрін таңдағанына қатысты өзінің пікірін дәлелдейді;

• өзінің мектебіндегі (ауылындағы, қаласындағы) спорт секциялары туралы ақпарат жинайды.

Тілдік мақсат

Оқушылар өзінің туа бітті қасиеттерін есепке ала отырып денсаулықты нығайту үшін спортпен айналысу қажеттілігі жайында талқылайды және соған қатысты шешімдер шығарады.

Пәнге қатысты лексика мен терминология:

Спорт, спорт түрлері, спортпен айналысуға арналған адам бойындағы туа бітті қасиеттер, спорт жарыстары, олимпиада ойындары.

Диалогке/жазылымға қажетті тіркестер

Спортпен айналысу денсаулықты нығайтады, көрікті сымбат сыйлайды, тыныс алу жолдарының жұмысын жақсартады, төзімділікке үйретеді, иілгіштікті дамытады.

Талқыланатын мәселелер:

• спорттың қандай түрлері бар?

• адамдар спортпен қандай мақсатта айналысады?

• спорт адам мінезіндегі қандай қасиеттерді қалыптастырады?

• спортпен айналысуға арналған адам бойындағы туа бітті қасиеттердің қандай маңыздылығы бар?

Жазылым:

Үлгі бойынша сөйлем құрастыру: «Спорт дегеніміз – ...».

Бастапқы білім

Спорт туралы қарапайым түсініктер

Сабақ барысы

Сабақта жоспрланған кезеңдер

Сабақта жспарланған іс-әрекет

Ресурстар

Сабақтың басы

5 мин

Мұғалім: Өлеңге назар аударыңдар: Спорт – сенің серігің

Жанға дауа, қолға күш. Сергітетін адамды Қимыл менен қозғалыс.

Балалар, әдетте спортпен қайда айналысады? Дұрыс, спорт залында.

Суреттерге қара. Адамдар не үшін спортпен айналысады? Кем дегенде 3 себебін атап шық.

Кластер құрастырамыз.

_{Денсаулық} Жақсы көңіл күй Сымбатты мүсін

Өзіңе деген _Спорт Зиянды әдеттерден

сенімділік арылу

Жақсы ұйқы

2. Үлгі бойынша сөйлем құрастыр: Спорт деген – денсаулық!

Спорт деген – қозғалыс! Спорт деген – сұлулық! Спорт деген – өмір!

Спорт деген – ! Спорт – бұл !

(Ұ, Ж) Сабақтың соңында қандай мақсаттарға қол жеткізуіміз керек, қалай ойлайсыңдар?

Оқулық Тақта

Оқушылар сабақтың мақсаттарын атайды:

• спорттың қандай түрлері бар екендігін білеміз;

• спорттың әр алуан түрлерімен айналысу үшін қажетті физикалық мүмкіндіктерді анықтаймыз.

Сабақтың ортасы

20 мин

Мұғалім: Балалар, келесі сөйлемде қанша спорт түрі жайлы айтылады:

Волейболмен, футболмен, кайтингпен және жүзумен айналыс, ескекпен жарысуға қатыс, велосипед айда, қыста коньки теп, барлық жарыста жеңіске жет!

Мұнда спорттың жеті түрі айтылған, оның ішінде спорттың ерекше түрі – кайтингте бар. Кайтингте спортшы батпырауықтың көмегімен жылжып отырады.

Бүгінде әлемде 200-ден астам спорт түрі бар деп есептелінеді. Осындай көп спорт түрлерін қалай реттеуге болады?

Спорт түрлерін әртүрлі топтарға бөледі. Мысалы, өткізу уақытына қарай қыстық және жаздық болып бөлінеді.

Оқулықтағы тапсырманы орындау: Суреттерге қарап, спорттың қыстық түрлерін таңдап ал. Қыстық спорт түрінің жаздықтан ең басты айырмашылығы неде, қалай ойлайсыңдар?

Дұрыс айтасыңдар, балалар! Спорттың қыстық түрлерін өткізуге, ең алдымен, қар мен мұз керек. Ал жаздық спорт түрлерінен өтетін жарыстар жылдың кез келген мезгілінде спорт залында немесе стадионда өте береді.

Оқулықтағы «Сен білесің бе?» айдарындағы мәтінді оқимыз.

Балалар! Соңғы Олимпиада ойындары қашан және қайда өтті, кім біледі? Қазақстандық спортшылардан кімдер жүлдегер атанды?

Білетіндерге жарайсыңдар дегім келеді! Ал қалғандарыңа ғаламтор ресурстарына жүгініп, олимпиада жайында ақпарат алуларыңа кеңес беремін.

(Ж) Суреттердегі спорт түрлері қыстық па әлде жаздық па анықта. Алдымен спорттың жаздық түрлерін, сосын қыстық түрлерін ата.

Пантомима: ыммен немесе қозғалыспен қандай да бір спорт түрін бейнеле. Қалғандары жауабын табады.

Мұғалім: Ал енді балалардың спортпен қалай айналысатынын қараймыз.

Электронды қосымшадан «Балалар спорты» бейнеролигін көру (тапсырмаға дейін)

Оқулық

Оқулық

Дәптер

Электронды қосымша

10 мин

ҚБ «Қалыптастырушы сұрақ» стратегиясы. Бейнематериалды көрген соң, оқушылардың білімін тексерудің формасы. Мұғалім балаларға қосымша мынадай сұрақтар қояды:

• Көрген материалдан спорттың қандай түрлері жайында білдіңдер?

• Балалар неліктен спортпен айналысады?

• Спортпен айналысудың арқасында балалардың бойында қандай жақсы қасиеттер қалыптасады?

• Сен қандай спорт түрімен айналыссам болады деп ойланып жүрсің?

Құрдастарың Айжан мен Асқар қандай ойда екен. Біліп көрейік. Олардың алға қойған мақсаттары қандай, оқыңдар. Кімнің жауабы саған жақын? Айжанның ба, Асқардың ба? Неліктен?

(Т) «Позицияны ұстан» стратегиясы (жеңілдетілген нұсқасы). Бір пікірді таңда және сол пікірді қорғайтын бір дәлел айт.

Пікірді таңдауға және оған дәлел табуға 1 минут беріледі.

Ниет білдірген оқушылар ортаға шығып, кімнің пікірін қолдағандарына қарай тақтаның екі жағына тұра бастайды. Алдымен бірінші топ сөйлейді (мысалы, Айжанның пікірін қолдағандар), сосын екінші топ сөйлейді.

Мұғалім пікірталасты қорытындылайды.

ҚБ Сөзбен бағалау. Жақсы пікір айтқан балаларды мұғалім «Жарайсың!»,

«Бәрекелді!» деген сөздермен көтермелейді.

Қандай спорт түрімен айналысатыныңды тек қана өзің шешесің. Біреулер сүйікті актерлеріне немесе әншілеріне еліктеп, солардың айналысатын спорт түрлерін таңдайды. Біреулер достарына серік болып спорт секцияларына барады. Біреулер ата-анасының ұсынысына байланысты спорт түрін таңдайды. Ең бастысы, өзіңе ұнайтын спорт түрін таңдау керек.

(Ө) Егер сен спортпен айналысам деп шешім қабылдасаң. Өз іс-әрекеттеріңді ретімен жаз. Ол спорттың қандай түрі? Таңдау себебің қандай? т.б. Ал егер әлі спорт түрін таңдамаған болсаң төмендегі сөйлемдерді толтырып, орындауға тырыс.

Сөйлемдегі бос орындарды толтыр

Мен (спорт түрі ) айналысқым келеді, себебі

Дәптер

(дәлелдерді келтір),

(мысалдарды келтір). Сол себепті мен бұл спорт түрін таңдаймын.

Ал егер спорттық секцияларға мүлдем жазылғың келмесе ше? Мүмкін сен сурет салу немесе музыкамен, математика немесе гербарий жинаумен әуестеніп жүрген шығарсың. Әлде денсаулық жағдайыңа байланысты саған спортпен айналысу зиян шығар. Осындай жағдайларда не істеу керек?

(Т) Оқушылар пікірлерін айтады. Мысалы, қозғалысы көп өмір салтын ұстану: серуендеу, аулада құрдастарыңмен ойнау, жаяу жүру және мектепте дене шынықтырумен айналысу.

Мұғалім: – Балалар, сендердің айтқан пікірлеріңмен мен де келісемін!

Кім салауатты өмір салтын қолдайды, қолдарыңды көтеріңдер! Деніміз сау болу үшін, не істеуіміз керек? Кім біледі?

Оқушылар: Шынығу керек!

Мұғалім: Егер денің сау болсын десең, үнемі шынығып жүр. Ағзаны шынықтырудың көптеген жолдары бар. Мысалы сүлгіні суға малып алып, онымен денені ысқылау, салқын сумен құйыну, күн сәулесі ваннасын қабылдау.

ҚБ «Жұдырық-алақан» стратегиясы өзін-өзі бағалаудың дағдыларын қалыптастыруға бағытталған. Егер оқушылар сабақта қойылған мақсаттарға және күтілген нәтижелерге жеткендеріне сенімді болса – онда алақан ашық болады;

Оқушылар сабақта қойылған мақсаттардың кейбіріне ғана жеттік, әлі де жұмыс жасауымыз керек деп есептесе, үш саусағын жоғары көтереді;

Егер оқушылар сабақта қойылған мақсаттарға жетпедік деп есептесе, онда жұдырықпен

білдіреді.

Сабақтың соңы

5 мин

Электронды қосымшадағы 3-16 слайдтарда берілген тапсырмаларды орындау.

ҚБ «Эмоциялы-музыкалық аяқтама» стратегиясы.

Оқушылар үш музыкалық шығармадан үзінді тыңдайды (шығарманың композиторын көрсеткен жөн). Үрейлі әуен, тыныш әуен және көңілді әуен тыңдалады. Оқушылар өзінің көңіл күйіне сәйкес келетін музыкалық үзіндіні таңдайды.

Электронды қосымша

Үй тапсырмасы

1. Оқулықтағы «Өзім жасаймын» айдарындағы тапсырма.

2. Әртүрлі дереккөздерден (ғаламтор ресурстары, қосымша әдебиеттер, үлкендерден сұрау) белгілі бір спорт түрімен айналысу үшін (өзің таңдаған спорт түрін жаз) қандай қабілеттер болу керек екенін анықта.

Оқулық