Спорт - ұлттық құндылықтарды насихаттау құралы

Спорт - ұлттық құндылықтарды насихаттау құралы

23.09.2026 жылы «К.Қадыржанов атындағы Қызылқия жалпы орта білім беретін мектебі»КММ-де 4-ші сынып оқушыларына арналған «Қозғалмалы ойындар. Ашық алаңқайдағы ойындар. Асық ойыны» тақырыбында сыныптан тыс іс-шара өткізілді. Мақсаты: Оқушыларға қазақ халқының ұлттық ойындарының бірі — асық ойыны туралы түсінік беру, оның ережелерімен таныстыру. Ұлттық ойындарға деген қызығушылығын арттыру, ептілікке, дәлдікке, шапшаңдыққа, төзімділікке және ұйымшылдыққа тәрбиелеу. Ұлттық құндылықтарды дәріптеп, оқушылардың салауатты өмір салтын ұстануына ықпал ету.Іс-шара барысында оқушылар асық ойынының ережелерімен танысып, түрлі ойын түрлеріне қатысты. Ойын арқылы оқушылардың мергендігі, шапшаңдығы мен ептілігі сыналып, достық қарым-қатынас пен өзара қолдау нығая түсті. Ұлттық ойын — ұрпақтан ұрпаққа жалғасқан асыл мұрамыз. Осындай іс-шаралар арқылы оқушылардың ұлттық мәдениетке деген құрметі артып, салт-дәстүрімізді тануға деген қызығушылығы қалыптасады. Іс шараны өткізген дене шынықтыру пән мұғалімі Койшегулов Рашид Равильевич.