"Спорт -денсаулық кепілі"

Тақырыбы: «Спорт – денсаулық кепілі»

Білім беру саласы: «Денсаулық»

Ұйымдастырылған оқу іс - әрекеті: «Қауіпсіз мінез – құлық негіздері»

Мақсаты: Балаларды адамның ең маңызды негізгі мүшесі – жүрекпен таныстыру. Жүректің жұмысы және оның қызметі туралы мәлімет беру. Спорт, дене шынықтырудың маңызы туралы түсінік бере отырып, сабақ барысына қимыл қозғалысты енгізу.

Көрнекілігі: айна,слайд,музыка,бояу қарындаш пен қағаз.

I - Кіріспе кезеңі:

- Балалар бүгін аптаның қай күні? (дүйсенбі)

- Бүгінгі сабағымыз қауіпсіздік негіздері.

- Сабағымыздың тақырыбы «Спорт – денсаулық кепілі».

Балалар, біз күнделікті таңертеңгілік ұйқыдан тұрғаннан соң не жасаймыз? (ертеңгілік жаттығу)

Таңертеңгілік жаттығу, спортпен шұғылдану, денемізді шынықтыру арқылы біз денсаулығымызды, дене бітімімізді шынықтырамыз. Денсаулықтың қадірін, әдетте, адам ауырғанда ғана біледі. Денсаулықтың мықты болуы адамның өзіне де байланысты. Адамдар әрқашан қимыл қозғалыста жүрсе біздің ағзамыздағы қан жүрісі де қозғалыста болып, жұмысы жақсарады. Ауруларға қарсы тұра алатын боламыз. Денсаулығымызды сақтау үшін зиянды әдеттер денсаулақ болуымыз қажет. Адам денсаулығына жақын достар не деп ойлайсыңдар?

(тазалық, спорт, таза ауа, дұрыс тамақтану, күн тәртібі.)

Шаттық шеңбері:

- Балалар, бүгінгі сабағымызды жақсы көңіл – күймен өткізейік. Олай болса, бір – бірімізге жақсы лебіздер айтып сабағымызды бастайық.

(жүректі бір – біріне ұсынып, лебіздерін айтады)

- Намысты бол, жігерлі бол, әділ бол, сезімтал бол, жаңашыл бол, салмақты бол, турашыл бол, шешен бол, өнерлі бол, адал бол, күшті бол, мейірімді бол, ақылды бол, қайратты бол, сыпайы бол, көңілді бол, білімді бол.

1. Жыл мезгілдерінің суретін көрсетіп, сұрау.

‒Жылдың неше мезгілі бар?

Валеология туралы түсінік беру.

Валеология ‒денсаулық туралы ғылым. «Валео» латынша «Сау бол», ал «Логос» ғылым дегенді білдіреді.

Валеология‒денсаулық туралы ғылым, ол балаларды ақылды, көңілді, дені сау болып өсуге баулиды. Ең бастысы, ол ауырмай, салауатты өмір сүруге үйретеді.

3 . Күлкі жаттығуы.

Балалар айнаға қарап әдемі мейірімді күлкіні бейнелеп береді.(1 минут)

II. Негізгі бөлім.

Жұмбақ

Таппайтын тағат,

Тығулы сағат (жүрек)

Адамның ең маңызды мүшесі ол – жүрек. Жүрек сол жақ көкірек қуысында орналасқан. Жүрек қан айналымын реттейтін мүше. Жүрек ауырмауы үшін спортпен айналысу қажет. Дене шынықтыру, спортпен шұғылдану, шаңғымен, конькимен сырғанау, суға түсу, таза ауада қыдыру қажет.

( Интербелсенді Тақта арқылы спорт түрлерінің суреті ілінеді)

- Балалар мына суретте спорттың қандай түрлерін көріп тұрсыздар?

- Спортпен, гимнастикамен шұғылдан баса, жиі қозғалмаса, бұлшық еттер серпінділігін жоғалтады. Әлсірегенше жұмыс істеуге, жүгіруге болмайды, бұлай ету жүректі әлсіретіп алады. • Дене шынықтыру сабағы бала денсаулығының негізі болыпта былады.

• Жүрек үнемі демалыссыз жұмыс істеп тұрады.

• Спортпен шұғылдану бұлшық еттерді дамытып, жақсы жиырылуына көмектеседі

ддджжжжжжжжжжжжжжжжжжжжжжжжжжжжжжжжжжжжжжжжжжжжжжжжжжжжжжжжжжжжжжжСендердің жүректерің өз жұдырығыңның көлеміндей. Адамда жүрек біреу ғана, оны сақтау қажет.

Сергіту сәті: Интербелсенді тақтадан видео сергіту көрсетіледі.

Шынықтырып денені «Қара жорға» билейік.

Балалар өз жүрегіміздің суретін қағаз бетіне түсіріп көрейікші.

(Балаларға бояу қарындаш пен қағаз беріледі)

III. Қорытынды.

- Шынықтыру дегеніміз не? Ол не үшін қажет?

- Шынықтырудың қандай түрлерін білесіңдер?

- Адамдар не үшін таңертеңгілік жаттығуды жасайды?

МКҚК «Болашақ» балабақшасы

«Бекітемін»

МКҚК «Болашақ» балабақшасы

әдіскері _________

«_____» __________ 2018жылы

№ 5 «Ақыл» мектепалды даярлық тобына арналған қауіпсіз мінез – құлық негіздері бойынша «Спорт – денсаулық кепілі» атты ұйымдастырылған оқу қызметінің конспектісі

Дене шынықтыру нұсқаушысы: Жұмасатова С

Әдіскер: Утенова А.

Құрық ауылы 2018 жылы