Пәні:

Дене шынықтыру.

Мұғалім:

Ильяс Мадина.

Күні:

22.12.25ж

Сынып:

4 сынып

Сабақтың тақырыбы:

Спорттық жүріс.

Сынып сағатының мақсаты:

Спорттық жүрістің мәні мен ерекшеліктерін түсіндіру.

Спорттық жүрістің дұрыс орындалу техникасын үйрету.

Оқушылардың дене төзімділігін, ептілігін және қозғалыс үйлесімділігін дамыту.

Қауіпсіздік ережелері:

Мұғалімнің нұсқаулығын тыңдап, қауіпсіздік талаптарын сақтау.

Жаттығу кезінде арақашықтықты сақтап, бір-бірін итермеу.

Спорттық жүріс кезінде алдыңғы оқушыға соқтықпау.

Құрал-жабдықтарды дұрыс пайдалану және рұқсатсыз алмау.

Жарақат немесе жайсыздық сезінсе, дереу мұғалімге хабарлау.

Құрал-жабдықтар:

Секундомер, белгі таспалары, конустар, ысқырық, спорт алаңы, бейнеқатар (қажет болса).

Сабақтың кезеңі/ уақыт

Педагогтың әрекеті

Оқушының әрекеті

Ресурстар

Сабақтың барысы:

(10мин)

–Амандасу.

–Сабаққа назар аударту.

–Сабақта сақталатын қауіпсіздік ережелерін қайта еске салады:

Жүгірмеу, бір-бірін итермеу;

Құрал-жабдықтарды рұқсатсыз алмау;

Жаттығу кезінде арақашықтық сақтау;

Қолайсыздық болса мұғалімге айту.

–Сабақтың тақырыбын хабарлайды: «Спорттық жүріс»

–Сабақтың мақсаттарын оқушыларға түсіндіреді:

Спорттық жүрістің ережесін білу;

Дұрыс жүріс техникасын үйрену;

Жылдамдық, төзімділік, ептілик дағдыларын дамыту.

Жылыну жаттығулары:(7–8 минут)

Жалпы дамыту жаттығуларын бірізділікпен жүргізеді:

1. Бас жаттығулары – оңға/солға бұру, айналдыру.

2. Иық жаттығулары – жоғары-төмен, алға-артқа айналдыру.

3. Қол жаттығулары – қолды жоғары созу, айналдыру.

4. Бел жаттығулары – оңға/солға бұрылу, айналдыру.

5. Аяқ бұлшықеттерін қыздыру – тізені көтеру, өкшені көтеру, отырып-тұру.

6. Орнында баяу жүріс → жылдам жүріс → қайта баяу жүріс.

–Мұғаліммен амандасады.

–Қатарға тұрады.

–Тыңдайды және сабаққа дайындалады.

–Барлық жаттығуларды мұғалімге қарап дұрыс қайталайды.

–Дене толық қызады.

Ысқырық,спорт алаңы.

Негізгі бөлім:

(20мин)

–Түсіндіру. «Спорттық жүріс деген не?»

(4мин)

Техника Көрсету және қайталау

(6 мин)

Практикалық жаттығулар (10 мин)

Спорттық жүріс – денені тік ұстап, екі аяқ кезектесіп, ешқашан қатарынан ауада қалмайтын, жылдам орындалатын жүріс түрі.

Спорттық жүрістің басты талаптары:

1. Әрдайым бір аяқ жерде болуы керек.

2. Қадам ұзын әрі серіппелі болуы қажет.

3. Қолдар 90° бұрышта бүгіліп, белсенді жұмыс істеуі керек.

4. Денені тік ұстап, алға қарау қажет.

20 метрлік сызық арқылы баяу спорттық жүрісті көрсетеді.

Дұрыс емес әрекеттерді түсіндіреді:

❌ аяқ толық басылмауы;

❌ денені еңкейту;

❌ қолды дұрыс қозғалту;

❌ тым жоғары қадам.

Әрбір қимылдың дұрысын қайта көрсетеді.

__________________________________________

1-жаттығу: “Сызық бойымен жүріс”

20 м қашықтықты баяу спорттық жүріспен өту.

Мақсаты: денені тік ұстау, аяқтың дұрыс басылуын үйрену.

2-жаттығу: “Қол қозғалысын үйлестіру”

Орнында тұрып қолды 90° бұрышта бүгіп, дұрыс қозғалыс жасайды.

3-жаттығу: “Қадам үлкейту”

20 м қашықтыққа қадам ұзындығын сақтап жүріп өту.

4-жаттығу: “Қашықтыққа жүріс”

40–60 м спорттық жүріс.

Мақсаты: жылдамдық пен төзімділікті дамыту.

–Тыңдайды, сұрақтарға жауап береді.

–Мұғалімнің артынан жүріп техникасын қайталайды.

–Дене қозғалысына назар аударады.

–Барлық жаттығуларды кезекпен орындайды.

Секундомер, белгі таспалары, конустар, ысқырық, спорт алаңы, бейнеқатар.

Сабақтың соңы:

(10мин)

1.Спорттық жүріс дегеніміз не?

2.Неліктен аяқ әрдайым жерде болуы керек?

3.Спорттық жүрісте қол қалай қозғалады?

4.Дене қалпы қандай болуы тиіс?

–Босаңсыту жаттығулары (2 минут)

Жай жүріс.

Терең тыныс алу.

Қолды созу, аяқ бұлшықеттерін созу.

–Жауап береді, жаттығуларды орындайды,қорытынды жасайды.

Спорт алаңы.