Спорттық сайыс: "Кішкентай спортшылар"

Тақырыбы: « Кішкентай спортшы»

Мақсаты:

Балаларға денсаулықты сақтау туралы түсінік беру. Денесін шынықтыруға,денсаулығын нығайтуға дағдыландыру.Спортқа баули отырып,қызығушылығын арттыру. Тазалыққа, ұқыптылыққа баулу. Жарыс кезінде ойынға қызыға қатысуына жағдай жасау, бір-біріне достық қарым-қатынастарын дамыту.

Жүргізуші:

Құрметті тәрбиешілер мен балалар , бүгінгі «Кішкентай спортшылар» сайысына қош келдіңіздер! Көңілді жарысқа екі яғни, « Тұлпар» және «Сұңқар» тобының балалары қатысады.

Ұстаған салауатты өмір салтын, Жасқанып, ешқашан да мойымайтын, Болашақ спортшылар келді ортаға Қол соғып қарсы алайық , қане баршамыз! деп кішкентай спортшыларымызды карсы аламыз.

Жүргізуші: Әділқазы мүшелерімен таныс болайық.

Балалар, біз танертең тұрган бойда беті- қолымызды жуамыз содан соң не істейміз? - Жаттығу жасаймыз -Дұрыс айтасыңдар , балалар жаттығуды не үшін жасаймыз? -Денсаулығымыз мықты болу үшін, әдемі , сымбатты болып өсу үшін. –Ендеше балалар спорттық жарысымызды бастамас бұрын денемізді шынықтырып алайық.

Әуенмен жаттығу жасалады.

Жургізуші: Балалар ендеше ұранымызбен таныстырамыз 1. « Тұлпар» тобы:

Жеңсек тасымаймыз, Жеңілсек жасымаймыз . Бірлігіміз жарасқан, Тұлпар тобынан жалынды салем.

2. «Сұңқар» тобы:

Көк аспанда қалықтап Сұңқар тобы тек алға. Шарықтай бер, шарықта!

Сайыс 5 бөлімнен тұрады.

1. «Қос аяқпен секіру» ойыны Шарты: Қос аяқпен берілген шеңбер ішіне секіріп, белгіленген конусты айналып , кері қарай тап солай тапсырманы орындау. Эстафетаны келесі ойыншыға беру.

2. «Ептілік » ойыны

Шарты: Доптың үстінде отырып секіріп барып, дәл солай кері қарай қайтып келу.

3. «Кім шапшаң» ойыны

Шарты: Тарелкаға салынған допты құлатып алмай, берілген межеге дейін барып допты шелекке салып кері жүгіріп қайту.

4. «Секіргіш » ойыны

Шарты: Ойыншылар белгіленген орынға секіргішпен секіріп айналып келіп, екінші ойынға секіргішті береді.

5. «Кім жылдам» ойыны

Шарты: Қолымызды артымызға қойып, берілген алманы тістеп , кедергілердің арасымен жүгіріп , белгіленген межеге дейін барып, алманы ыдысқа салып, кері қарай тіке жүгіріп келу.

Спорт көркі өмірдің,

Спорт досың серігің.

Жаттықсаң шымыр боласың

Шынығып өсіп, толарсың-деп бүгінгі сайысымызды аяқтап сөз кезегін әділқазы мүшелеріне береміз.

« Боранқұл » бөбекжайы МКҚК

«Кішкентай спортшы»

(Спорттық сайыс)

Өткізген : Мереева .Ж

2019жыл.