Студенттік өмірдегі жетістіктерім

Студенттік өмірде менің жеткен жетістіктерім

Менің студенттік өмірімнің алғашқы кезеңі 2020 жылдан басталды.Қазір Қ.Жұбанов атындағы Ақтөбе өңірлік университетінің қазақ филологиясы мамандығының  2 курс студентімін.Бірінші жоғарғы білім алып,күндізгі бөлімде білім алудамын. Еліміздегі жағдайға байланысты оқу жылының алғашқы кезінде онлайн оқу болды. Оқу кезінде унверситет студенті болып Алматы қаласының Мәдениет басқармасының ұйымдастыруымен М. Мақатаевтың 90 жылдығына орай «Есіңе мені алғайсың»  атты ақын өлеңдерін мәнерлеп оқудан республикалық онлайн байқауға қатысып, алғыс хатқа ие болдым. М. Мақатаев өлеңдерін оқуға деген құштарлықпен «Ustaz tilegi» республикалық ғылыми-әдістемелік орталығының ұйымдастырған Мұқағали оқулары байқауына қатысқаным үшін ертификат берілді. Болашақ филолог болғандықтан өз мамандығымды игере жүріп, ғылыми мақалалар, эссе, өлең шығарып «Ustaz tilegi» және «Bilim joly» сайттарына жариялап, сертификаттар және Құрмет грамотасына да ие болдым, бұл да өз еңбегімнің еленген кезі деп есептеймін.

    Жазғы демалыс кезінде де білімімді шыңдап Байғанин ауданында ұйымдастырылған «Сыбайлас жемқорлыққа қарсы білім және тәрбие»  онлайн эссе жазу байқауына қатысып III орын және  ақшалай сыйлық берілді. Бұл байқауға қатысуға  ауыл кітапханасының жетекшісі ұсынған болатын, бірден қатысуға келісім беріп, осындай үлкен жетістікке жеттім.

     Білімді жинау-жеткіліксіз, оны іс жүзінде пайдалану керек. Армандау- жеткіліксіз, әрекет ету керек…