Сүйіспеншілік – таным жолы ретінде 8 сынып

Мақсаты: Оқушыларға әр адамның алға қойған мақсаты болатындығы жайында түсінік бере отырып, ақиқат құндылығының мәнін ашу

Міндеттері:

Оқушыларды айналасындағы адамдарға риясыз қызмет жасауға үйрету.

Оқушылардың бойындағы жанашырлық қасиеттерін дамыту.

Оқушыларды шынайылыққа тәрбиелеу.

Ресурстар:

Сабақтың барысы:

1. Ұйымдастыру кезеңі.

5Т – ережесі:
Балалар ережені есімізге түсіріп, сыныптың тәртібін сақтап, оқып - білуге талаптанып, тыныштықты орнатып, тазалықты сақтап, бүгінгі күнімізді татулықпен өткізейік.

Тыныштық сәті. «Нұрға бөлену».
Ыңғайланып отырыңыздар, денелеріңізді түзу ұстаңыздар.
Енді осы Нұрды жүрегіңізге орналастырыңыз. Нұрға толы бүкіл әлем сіздің жүрегіңізде. Оны осындай әсем қалыпта сақтаңыз.
Жаймен көзіңізді ашуға болады. Рахмет!

2. Үй тапсырмасын тексеру.

1. №5 – сабақ. Аса көрнекті ғалым, академик Қ.Сәтпаев өмір жолы туралы эссе жазу.

2. Келесі сабақ. №6, «Хаттар» мәтінін оқып келу.
Сұрақтар:

1. Ыбырай Алтынсарин халқының игілігі үшін алдына қандай мақсат қойды?

2. Оның Николай Ивановичке жазған хатындағы көтерілген мәселелер қаншалықты маңызды?

3. Ұлы ұстаз кітаптың мазмұнына не себептен аса мән берді?

4. Оның еліне сүйіспеншілігі қандай іс – әрекеттерінен көрінеді?

5. Өзің халқыңның болашағы жарқын болуы үшін қандай мақсат қояр едің?

3. Сабақтың дәйексөзі.

(Оқушыларға үш рет айтқызып, дәптерге жаздырту)

Махаббат – іс – әрекеттің қуатты көзі.

Г. Гельвеций

Клод Адриан Гельвеций (1715-1771) - 18 ғасырдағы француз ғалымы.
Сұрақтар:
1. Сүйіспеншілік – жүректе дегенді қалай түсінесіңдер?

2. Дәйексөзден қандай ой түйдіңіз?

4. (Мұғалім сыйы)

АҚИҚАТ

Ақиқат – сенім және ұзақ таза өмір .

8 сынып оқушысы

Сәдуова Балдана

Ақиқат ол адамдардың айнасы ,өмірдің мәні . Біз ақиқатты болмасақ , бір-бірімізді танып білмес едік ,және өзімізді танымас едік . Қай жерде болмасын ақиқат қажет,ақиқат ол,жалғаннын дұшпаны ! Жалған бар жерде достық жоқ , нағыз достық болмайды. Ақиқат бар жерде өмірдің шуақ кездері болады . Ақиқат айна секілді,өзіңді көріп ,сезіп отырасын .Ақиқат бар жерде адалдық , тазалық,,пәктік бар.Адам бойындағы шындық қасиетті болу қажет , себебі әр уақытта өтірікті жасыра алмайсын , ақиқат бәрі – бір сыртқа шығады . Бар сөзіміз ,ақиқат болуы қажет деп ойлаймын .Ақиқат тасқа жазылғандай болу қажет ,ол адамның бойында мәңгі қалады.Ақиқаттың өмір жолы ,асқар тау жолындай .Шыңына шықсаң ,үлкен жетістіктерге жетеміз .Сол кезде шынайы қуанамыз ,ішкі тыныштығымыз орнына келгендей болады .Сондықтан бар ісің, сөйлеген сөзің ақиқаттан құралу қажет. Ақиқат ағынынан қалма ,өмірің сонда ғана жарқын болады .

Мен сенемін !!!!

* * *

Иә, кіршіксіз көңілге, шынайы сыйластыққа не жетсін? «Қайта кірер есігіңді қатты жаппа» - деген сөз бар халқымызда. Ертеңгі күніңді ойлан.

Сұрақтар:

1. Риясыз ақиқат болмаған жерде достық бола ма?

2. Таза ақиқат дегенді қалай түсінесіздер ?

3. Айдананын өмірге қандай хабарын жеткігісі келды ?

4. Оның басты мақсаты неде ?

5. Шығармашылық жұмыс, топпен жұмыс.

Оқушылар төрт топқа бөлінеді.

1 – топ: «Жанашырлық», 3 – топ: «Сүйіспеншілік»

Тапсырма : Риясыз сүйіспеншілікті сипаттап сурет салу.

2 – топ: «Мейірімділік» 4 – топ: «Ізгілік»

3-тапсырма . «Сүйіспеншілік елінде» эссе жазу.

6. Топпен ән айту.

1. Асқар тау әке саялы
Бақыттың тапқан баянын
Үміт пен сенім бақшаңда сенің
Жайқалып мен өркен жаямын

2. Үйреттің өмір сырларын
Алдыңда сендей тұлғаның
Заңғар шың биік, басымды иіп
Келеді күн сайын тыңдағым

Қайырмасы:
Жайдарлы жан әкем
Аяаулы ән әкем
Құтты болсын думан тойыңыз
Қасыңда ұл қызың
Жарқырап жұлдызың
Тусын күн оңыңнан, айың да

3. Жасыңа бір жас қосылды
Аттадың жаңа ғасырды
Әлемді шарлап
Таппаспын ардақ
Өзіңдей аяулы асылды
Өткізбей босқа уақытты
Жаныма шаштың жақұтты
Ақылшы таудай, қасында мәңгі
Әкесі бар жандар бақытты

Қайырмасы:
Жайдарлы жан әкем
Аяаулы ән әкем
Құтты болсын думан тойыңыз
Қасыңда ұл қызың
Жарқырап жұлдызың
Тусын күн оңыңнан, айың да

7. Үй тапсырмасы.

8. 1. Келесі сабақ. №8, «Балапан торғай» мәтінін оқып келу

9. . Сабақтың қорытынды сәті.

Тыныс алуға зейін қою.

Баяу музыка қойылады.

Мұғалім: Сіздерден аяқ-қолыңызды айқастырмай, түзу отыруыңызды өтінемін. Біз қазір тыныс алу жаттығуын жасаймыз. Тыныс алуға зейін қойған кезде, біздің ақылымыз дем алады. Ауаны ішке жұту кезінде тыныштық пен қуаныш қабылдаймыз.