Сұңғат Еділбаев

Өңірдегі емес,тіпті Батыс аймақтағы қалдықсыз экологиялық таза өнім шығаратын "Ақтау қағаз зауыты" тәулігіне 2 мың тонна макулатурадан 8000 тонна болатын орама қағаз шығарады. Кәсіпорында әзірге 6 жұмысшы қызмет етеді. Нақтырақ айтсақ, кәсіпорын әжетхана қағазы мен мұнай компанияларына қажетті "Ноу хау" техникалық сүлгісін шығарады. Даму қорынан көмек алғанннан кейін,зауыт жұмысы едәуір жеңілдеген.

Сұңғат Еділбаев - "Ақтау қағаз зауыты" ЖШС директоры

- Мінеки бізде өзіміздің майлықтарымыз бар. Картоннан жасалған. біз картонды өңдейміз. Ол ылғалды жақсы сіңіреді. Біз осы жергілікті өнімімізді мұнай компанияларына ұсынғымыз келеді.

Ал,"Строй-пласт-Актау" - жаяу жүргіншілерге арналған жолға төселетін тас плиталар мен,пенопласт,пластикалық әйнек және басқа да шынылар өндіреді. Мұнда 15 түрлі өнім бар. Мәселен, қырланған кеспе тас төсеніштер 5 түсте - қызыл, көк, жасыл, сары және қара болып шығарылады. Тәулігіне 20 мың шаршыға дейін. Тауарлар облыс көлемінде көбінесе, Ақтау, Жаңаөзен, Мұнайлы ауданына тасымаладанып отырады. Сондай-ақ, "Даму" қорының қолдауымен кәсіпорынға жаңа бу қазаны алынып, нәтижесінде қазір айына 10 тонна пенопласт өндіріліп отыр.

Маңғыстау облысы Мұнайлы ауданында дәретхана қағазын шығаратын жаңа цех іске қосылды, - деп хабарлайды «Қамшы» порталы.

Жаңа цех «Ақтау қағаз зауыты» ЖШС жанынан ашылып отыр.

«Біз 2007 жылдан бері медициналық қалдықтарды жоюмен айналысып келеміз. Көптеген кәсіпорындар мен мекемелерден макулатураларды жою туралы ұсыныстар келіп түсті. Үлкен көлемдегі қағаздардың тектен текке жойылатынын ойлаған мен оларды қайта өңдеу туралы ойға келдім. Сөйтіп, арнайы құрылғы сатып алдым. Дәретхана қағазын шығаруға мемлекеттік органдардан және мұнай компанияларынан құндылығы жойылған құжаттарды тегін алып пайдаланамыз»дейді кәсіпорын басшысы Сұңғат Еділбаев.

Қазіргі таңда зауыт тәулігіне 8 сағат жұмыс істеп тұр. Жақын күндері кәсіпкер өндіріс көлемін ұлғайтып, жұмыскерлердің санын ұлғайтуды және цех жұмысын тәулік бойы жүргізуді жоспарлап отыр.