Сұрақтарды дұрыс қоя білу

Сұрақ түрлері оны қоя білу

1. Қарапайым сұрақтар. Оларға жауап бере отырып, болған жайттар туралы әңгімелеп беруге болады. Дәстүрлі бақылау жұмыстарында, терминологиялық диктанттарда, т.б. қолданылады. Кім? Не? Қашан? Қайда? деген сұрақтарға жауап беруді сұрайды.

2. Анықтаушы сұрақ. Әдетте, «Сонда сіз солай демекшісіз

ғой ..?», «Менің түсінуімше, сіз ...», «Менің қателесуім мүмкін, бірақ меніңше сіз былай айтқан сияқты болдыңыз...» деген сұрақтар болады. Бұл сұрақтар анықтау мақсатында жайдары  көңілмен берілуі керек.

3. Интерпретациялық (түсіндіруші) сұрақ. «Неліктен жапырақтар күз мезгілінде сарғаяды?», - деген сұрақтың жауабын оқушылар білетін болса, ол сұрақ жай сұраққа «айналады».

4. Шығармашылық сұрақтар: «егер», «болса», «қалай болар еді» деген сияқты сөздермен келеді.

5. Тәжірибелік сұрақтар. «Күнделікті өмірде қай жерде байқайсыз?», «Кейіпкердің орнында болсаңыз, не істер едіңіз?» - деген сипаттағы сұрақтар теория мен  практиканы ұштастырады

6. Бағалау сұрақтары. «Неліктен бұл жақсы, басқасы жаман деген баға алды?», «Бір нәрсе екінші нәрседен несімен ерекшеленеді?» - деген сұрақтар бағалау критерийлерін түсіндіруге бағытталған.

7. Жетекші сұрақтар. Негігі ойды анықтап алу үшін, қосымша туған ойға байланысты сұрақ.

Мысалы:

• Кеште кімдер ән салды?

• Ұлдар ән салды ма?

• Қыздар ше?