Сабақтың кезені/ уақыт

Педагогтың әрекеті

Ресурстар

Сабақтың басы:

Ой сергіту жаттығуы. «Титаник» ойыны Титаник кемесі апатқа ұшыраған, құтқарушылар адамдарды құтқару үшін келіп тұр. Бірақ барлығы қайыққа сыймайды. Сол үшін жағдайларына қарап құтқару керек. Үш құтқарушыға жасырын тапсырма берілген. Бірінші құтқарушы жағдайын айтып келген әрбір екінші адамды құтқарады, екінші құтқарушы жағдайын айтып келген әрбір үшінші адамды құтқаруы керек. Ал үшінші құтқарушы қанша жағдайын айтса да құтқармай тұрады.

Қайыққа отыру үшін оқушылар құтқарушыларға барынша жағдайларын айтады. Мысалы, үйде қарт әжем бар, анамды емдетуім керек деген секілді сылтау айтылады.

Бұл ойында адамдарды жағдайына қарап сұрыптау арқылы тақырып ашылады.

Үй тапсырмасын пысықтау.

Өткен тақырып бойынша оқулықта берілген тапсырмалардың шығу жолын тақтада, топта талдайды.

Ауызша мадақтау, ынталандыру.

Сабақтың ортасы:

Миға шабуыл сұрақтарымен жұмыс жасау

• Сұрыптау деген не?

• Массив элементтерін сұрыптау дегенде не түсінесің?

• Осы тақырыпқа байланысты күнделікті тұрмыстан қандай мысалдарды келтіре аласың?

Оқулықпен жұмыс

Жаңа ақпаратпен танысу. Әдістемелік берілген сұрақтарға жеке, топта, ұжымда жауап береді. Мұғалім толықтырып отырады.

Компьютермен жұмыс

«Алма сыйлау» жобасы

Гүләселдің N алмасы бар (0<N<100). ^{Алмаларының салмақтары a}i ^{массивін құрайды (a}i^{<1000). Гүләсел сіңлісі Гауһарға сол} алмалардың арасынан ең үлкен К алмасын сыйлағысы келеді (0<К < N). Python программалау тілінде Гүләселге сыйға тартатын алмаларын таңдауға көмектестін программа дайында.

Түсініктеме: Жобаның программасын дайындау кезеңінде алмалар салмағына арналған массивті кездейсоқ сандармен құраймыз. Алмалардың санының шегі үлкен болғандықтан, жылдам сұрыптау үшін Qsort әдісін қолданамыз. Жобаның программалық кодында (3-код) алмаларды салмағының кему ретімен орналастырамыз. Сый- лауға алғашқы К алманы нәтиже ретінде баспаға береміз

Топтық жұмыс

«Алма сыйлау» жобасының программасына талдау жүргіз. Жоба программасындағы әрбір оператордың қызметін және ұйымдастырылған әрбір циклдің қызметіне жеке-жеке талдау жасап, нақты қызметін айқындаңдар.

Оқушылардың жұмыстарын бағалау парағына балл қою арқылы бағалау.

Сабақтың соңы

Рефлексия

1. Массивті сұрыптау деген не?

2. Массивтерді сұрыптайтын негізгі әдістер туралы не айтуға болады?

3. Сұрыптау алгоритмдеріне қандай талаптар қойылады?

4. Сұрыптауды қолданып, массивтің минималды элементін қалай табуға болады?

5. Ең жылдам сұрыптау әдісі жайлы не айта аласың?

6. Көпіршік әдісте сұрыптау қалай жүзеге асады?

Бүгінгі сабақтан не үйрендім? Қандай тапсырма қызықты болды? Көңіл күйім қандай?

Үй тапсырмасы

Жинақтау бөлімінде «100 кітап жобасы» аясында өздерің оқыған 10 кітаптың атауы мен шыққан жылы бойынша құрастырған деректерің бойынша жоспарлаған жобаларыңның визуалды ортада жобасын дайында.

Оқулық, компьютер