Қыс мезгілі

Табиғаттың әрбір маусымы ерекше болатын сөзсіз.Әр маусымның өзіне тән қызығы мен сейіл-серуені бар. Соның ішінде қыс мезгілі де өзіндік кіршіксіз аппақ қарымен,қаһарлы мінезімен, сықырлаған аязымен ерекше. Бұл мезгілде адамдар табиғаттың құпиясын,ерекше бір ұмытылмас сәттерін тамашалайды.

Қар жердің бетін басқан аққұба ару сияқты үлпілдеген ақ ұлпа қар айналаға сән бергендей. Әркім бұл мезгілдіасыға күтетіні рас. Бірі шаналарын арқалап, биік жоталарға, таулы қыраларға бет түзейді. Қолдарына шана сүйреген балалар, жүздері күлкіге толы адамдар барлығы бейне бір қыстың суығына емес, оның жылы нұрын, ыстық тартар сәулесін тауып алғандай қуанады.

Қыс мезгілін тағыда бір асыға күтуіміздің себебі- Жаңа жыл. Сірә, бұл мейрамды еңбектеген баладан,еңкейген қартқа дейін асыға күтетіні айдан анық. Бүлдіршіндер аппақ қардан аққала жасап, шырша безендіріп, аяз ата мен ақша қарды көруге асығады. Барлығы ақ тілектерін білдіріп, сыйлықтарын береді. Қылышын сүйретіп келген қаһарлы қыстың бізге берер қызығы меен куанышы өте көп. Осындай естен кетпес оқиғаларға толы қыс мезгілін керемет деуге толық негіз бар . Қыстың ғажайып ұмытылмас шақтары адам жанына шуағын шашып, нұрын төге түскендей, көтеріңкі көңіл-күй сыйлайды.