Сын есім, 2 сынып

Сабақтың тақырыбы:

Оқиға құрастыра аламын

Сын есім

Мұғалімнің аты-жөні:

Күні:

СЫНЫП: 2

Қатысқан оқушылар саны:

Қатыспаған оқушылар саны: 0

Сабақ негізделген оқу мақсаттары

2.2.4.1 - мұғалімнің көмегімен мәтіннің тақырыбы мен негізгі ойды анықтау

2.3.6.1 - бас әріп пен кіші әріптің биіктігі мен мөлшерін сақтап, оларды байланыстырып көлбеу және таза жазу

Сабақ нәтижесі:

Оқушылардың барлығы мынаны орындай алады: Оқулықта берілген және қосымша тапсырмаларды орындайды. Жазба жұмыс жасайды. Сұраққа жауап береді.

Оқушылардың көбісі мынаны орындай алады: Топтық жұмысты бірлесе орындайды.Өз бетінше жұмыс жасайды. Сұраққа жауап береді. Қосымша үлестірме ресурстармен жұмыс жасайды.

Оқушылардың кейбіреуі мынаны орындай алады:

Оқулықтан тыс берілген қосымша тапсырмалады орындайды, тақырып бойынша қосымша мәліметтер мен дәлелдер келтіре алады.

Бағалау критерийі

Жеке, жұптық, топтық тапсырмаларды орындай алады. Сабақ барысында тыңдаушының назарын өзіне аудара алады.

Ресурстар

Оқулық, суреттер, топқа бөлуге арналған кеспе қағаздар  және  әртүрлі  заттар, топтық тапсырмалар, кері байланыс, стикер.

Әдіс-тәсілдер

Сұрақ-жауап, әңгімелеу, түсіндіру, өрмекшінің өрмегі, қабырғалар сөйлейді

Пәнаралық байланыс

Дүниетану

Сабақтың жоспары

Жоспарланғануақыт

Сабақ барысы :

Бағалау түрлері

Басталуы

5 минут

Ұйымдастыру кезеңі

1. Қызығушылықтарын ояту

-Біздің дарқан дала жеріміз бар, кең байтақ еліміз бар, шалқып тасып жатқан айдын көлдеріміз бар ,қазақ деген атымыз бар. Осындай байлықтырымызды бетке ұстар сендерсіңдер. Болашақ сендердің қолдарыңда. Көк туымызды көкке самғататын сендерсіңдер. Сондықтан сабақты мұқият тыңдап, білімдеріңді шыңдай беріңдер.

2. Психологиялық дайындық . Сабақтың көшбасшысы сөйлейді.
Айналаға алақанмен,
Жылулықты шашайық.
Сәттілік тілеп, күлімсіреп,
Біз сабақты бастайық.
(оқушылардың көңіл-күйін бақылау, сабаққа дайындықтарын тексеру)

Қайталау: «Өрмекшінің өрмегі» әдісі

-         Сөз таптарына не жатады?

-         Заттың атын білдіретін сөз табы?

-         Зат есімнің сұрақтары?

-         Зат есім нешеге бөлінеді?

-         Жалқы есімге не жатады?

-         Жалпы есім деген не?

-         Зат есімнің көптік жалғауларын ата.

-         Етістік дешен не?

-         Етістіктің сұрақтары?

-         Етістіктің неше түрі бар?

-         Етістіктің дара түріне мысал келтір.

-         Етістіктің күрделі түріне мысал келтір.

Шаттық шеңбері

Жаңа білім

10 минут

І. Тақырыпқа шығу

Б ұл не?                                 Қызыл         дәмді       

                                үлкен                           домалақ

                                             тәтті                    шырынды

-         Ол туралы не айта аламыз?

-         Бұл сөздер нені білдіреді?

— Сонда бүгінгі тақырып қандай?

-Сын есім.

ІІ. Мақсат қою кезеңі: Сын есім. Бүгін біз сендермен сын есім дегеніміз не екенін, оларды сөздер  арасында табуға үйренеміз.

ІІІ. Жаңа сабақ.

Сын есім

Заттың сынын , сапасын, түсін білдіреді

Қандай?   Қай?деген сұрақтарға жауап береді.

Қызыл, үлкен, аласа, жұмсақ.

«Түстер» ойыны. Көрсетілген заттың түсін айту және оларды үш тілде айту

Алмұрт,   сары-желтый- yellow (йелоу)

Қияр,  жасыл- зеленый- green (грин)

Қызанақ,   қызыл- красный- red (рэд)

Бұлт ,  көк-синий- blue (блу)

Баялды,   күлгін-фиолетовый- purple (пепл)

51-жаттығу. Мәінді түсініп оқу.

Мәтін бойынша жұмыс.

-Мәтін не туралы?

Оқиғанын мәтін екенін дәлелде.

-Мәтіннің түрін ажырат.

-Мәтіндегі қарамен берілген сөздерге сұрақ қой. Бұл сөздер нені білдіреді.

Алманы сипаттайды

Оқушылар сабақтың мақсатын қояды.

Үш ілде айту

Сыныптағы белсенді оқушы басқаларға бағыт беріп отырады. Топтық талқыға салады,ойланады.

Ортасы

10 минут

Артығын тап
1. Жылқы, тай, құлын, ат, асау. Себебі, ол - сын есім, қалғандары - зат есімдер.
2. Дәмді, көже, тәтті, көңілді, әдемі.
3. Майлы, майлады, шегеледі, тойлады, жайнады.

52-жаттығу. Жұмбақты көркем жаз. Шешуін тап.

Іші жұмсақ, сырты қатты,

Еті қызыл, сүті тәтті.

-Сын есімдердің астын сыз.

-Жұмбақтың шешуін табуға қай сөздер көмекеседі?

-Қорытынды жаса.

53-жаттығу. Ребусты шеш. Шешуіңдегі сөзді қатыстырып сөйлем құра.

,,, ,, ,,,

І топ:  Қасқырдың қандай екенін сипаттау. Қасқыр-       

ІІ топ:  Түлкі аңын сипаттайды. Түлкі-

ІІІ топ: Піл жануарын сипаттау.   Піл-

Топтық жұмыс

Топта талқылап, дәлелдерін айтады.

Образға ену

Аяқталуы

Сабақты бекіту

10 минут

«Қабырғалар сөйлейді» әдісі

Қабырғада жабыстырылған сөздерді топтастыру

Түс Дәм Көлем Пішін Сапа

Сөздер: үлкен, ірі, жасыл, ащы, домалақ, қышқыл, құрғақ, ұсақ, кіші, дәмді, тәтті, сопақ, сүйір

Сонымен сын есім тақырыбын қорытындылау үшін тест тапсырмаларын орындайық.

1.Сын есім нені білдіреді? 
а) заттың түрін, түсін, сапасын 
ә) заттың қимылын, іс-әрекетін 
б) қимылдың қашан, қайда болғанын 
2. Сын есім қай сөз табымен байланысады? 
а) етістікпен ә) сан есіммен б) зат есіммен 
3. Қалың сын есіміне қарсы мағыналы сын есімді тап. 
а) жіңішке ә) жұқа б) жуан 
4. Сын есімнің сұрағын көрсет 
а) неліктен? қалай ә) қандай? қай б) қайтті? неғылды? 
5. Қайсысы сын есім? 
а) дала, құм ә) ертең, биыл б) жүйрік, әдемі6. Сын есімді тап. 
а) қышқыл ә) әкел б) екі 

7. мына сөйлемде сын есім қайсы: Еріншек адам ештеңе істемейді

А) адам ә) еріншек б) істемейді

топтастыру

Тест тапсырмаларын орындау

Бағалау

3 минут

Кері байланыс

2 минут

«Ауа –райы» әдісі арқылы кері байланыс.

Үйге тапсырма: №55,89-бетте.

Бас бармақ арқылы бағалау.