Тақырыбы: Мен өз елімнің патриотымын.
Мақсаты: Балаларды Отанға деген мақтаныш, патриоттық сезімін дамыту. Балалардың пікірлерін тыңдау. Рәміздер туралы білімдерін тереңдету.
Көрнекіліктер: суреттер. Өтілу барысы
Кіріспе: Психологиялық сәт:
Үлкенге де “СІЗ”,
Кішіге де “СІЗ”.
Бар адамға құрметпен,
Бас иеміз біз!
1 сыныпқа алғаш келген бүлдіршіндерді бір-бірімен таныстыру.
Сұрақ: Балалар, Отан деген не, кім қалай түсінеді? (Оқушылардың ойы)
Мұғалім түсіндірмесі:
-Отан – әр адамның жүрегіне жылы тиер қасиетті сөз.
Отан –сенің туған елің, туған жерің, дос –жарандарың, туған туысқаның. Отан- бұл өзіңнің тұратын, өмір сүретін, қызмет ететін жерің.
Отан адам үшін біреу ғана.
Отанды анаға теңейді. Себебі, Отан сендерді анаңдай қорғайды, көмектеседі, күш береді.
Біз Отанымызды, елімізді сүйеміз.
Біз, Қазақстанның патриотымыз!
Әнұран орындалады.

Балалар, сендер қандай ән орындадыңдар?

-Қазақстан Республикасының ән орындадық.

Дұрыс айтасыңдар, балалар. Әрбір республиканың өз  ерекшелігін білдіретін әнұраны, туы, елтаңбасы болады. Біз оны рәміздер деп атаймыз.  Осы рәміздер туралы  жеке-жеке түсінік беріп өтейік.

-Мынау –біздің  туымыз. Тудың  түсі аспанның түсіне  ұқсас көк аспандай көгілдір, ортасында күн, астында бүркіт ұшып келе жатыр.

-Мынау – елтаңбамыз. Елтаңбада шаңырақ, күн сәулесі, бес бұрышты жұлдыз. «Қазақстан» деген жазуы бар.

Егеменді елдің басты белгісі- тіл, қазақ тілі мемлекеттік тіл болып саналады. Қазақ тілі біздің –ана тіліміз.
Сұрақ:

• Балалар «патриот» деген сөзді қалай түсінесіңдер?

• «патриот» қандай болу керек деп ойлайсыздар?

• Біз қай республикада тұрамыз?

• Қазақстан Республикасының астанасы қай қала?

• Астанада нелер бар?

• Рәміздерді ата.

• Президентіміз кім?

• Біз қай қалада тұрамыз?

Қорытынды

-Балалар қанекей, көк туымыз мәңгілікке асқақтап, желбірей берсін деген  ниетпен , мына күн  сәулелерін сендерге  таратып беремін.Ал, сендер, өз тілектеріңді, отанға деген сүйіспеншіліктеріңді айтып, күн сәулесін құрап жасаймыз.
Міне енді осының барлығын біз кішкене жүрегімізге тоқып алсақ келешекте жақсы да сенімді Қазақ еліміздің нағыз “АЗАМАТТАРЫ” боларсыңдар деп үміттенемін.
Бүгінгі тәрбие сағатымыз аяқталды. Сау болыңдар!

Щучинск қаласы

П. И. Морозов атындағы №3 орта мектеп

Білім күніне арналған сынып сағаты

Тақырыбы:

«Мен өз елімнің патриотымын»

1 «Ә» сынып

Өткізген: Байшалова А. Т.

2018-2019 оқу жылы